عرض النتائج 1 إلى 8 من 8

الموضوع: وصية ام لابنتها يوم زواجها...قبل مثل هسه

  1. #1
    مشرفه على قسمي النقاشات الاجتماعيه الجاده واطفالنا براعم الحياة الصورة الرمزية شجن الخريف
    تاريخ التسجيل
    Aug 2012
    المشاركات
    2,253
    معدل تقييم المستوى
    0

    افتراضي وصية ام لابنتها يوم زواجها...قبل مثل هسه

    وصية ام لابنتها في يوم زواجها...قبل مثل هسه
    · وصية هسه
    · بنتي بنتي حاولي تسيطرين علي ابد لتخلي يسلط عليج خلي كلمتج هي الماشيه يحاجيج كلمه رديله 100
    · صيري سبعه وخلي لسانج متر تقريبا اذا امه او اخته تجاوزت عليج لتنطيها مجال تره بس الفقيره رايحه عليهه
    · اخاف يردون منج شغله عمله سوي نفسج كلشي متعرفين جايه من بيت عز
    · وبنتي بنتي تره الرجال اذا تقدري داسج واذا متقدري يحطج تاج على راسه ...شوفي فلانه وشوفي علانه
    واهم شي يا بنتي كعدي علرنكات ابد لتخلين بجيبه فلس احمر تره بس ها شويه تصير بضافره طحين يتزوج عليج ليش تكولين واسمعي كلامي وهسه تشوفين..اتمنالج كل الموفقيه بنيتي!!!!!!الله وياج


    اما وصية كبل هي

    ان سيده من سيدات الاسلام عندما زفت الى بيت الزوجيه اوصتها وصيه غاليه فقالت لها يا ابنتي ان الوصيه تذكره للغافل ومعونة للعاقل يا ابنتي اذا اردتي ان تدوم بينك وبين زوجك فكوني امة يكن لكي عبدا وكوني له ارضا يكن لكي سماء واحفظي له خصالا عشر يكن لكي بهاذخرا
    اما الوصية الاولى والثانيه فعليك بلخشوع له بقناعه وحسن السمع له والطاعه
    واما الوصيه الثالثه والرابعه فتفقدي مواضع عينيه وانفه فلا تقع عينه منك على قبيح ولا يشم منك الا اطيب ريح
    اما الوصيه الخامسه والسادسه فتفقدي اوقات طعامه ومنامه فان شدة الجوع ملهبه وتنغيص المنام مغضبه
    اما الوصيه السابعه والثامنه فلاحتراس لماله وحسن الارعاع لحشمه وعياله وملاك الامر في المال حسن التدبير وفي العيال حسن التقدير
    اما الوصيه التاسعه والعاشره فلا تفشي له سرا ولا تعصي له امرا انك ان افشيت سره أوغلت صبره وان خالفت امره لم
    تأمني غدره ثم ختمت وصيتها الغاليه قائله أياك والفرح بين يديه ان كان حزينا واياك والحزن بين يديه ان كان فرحا



    المصادر...وصية هسه شفتهه يم 90%من البنات من الواقع
    وصية كبل من كتاب ابراهيم النعمه وتحياتي الكم ..شجن الخريف
    التعديل الأخير تم بواسطة : شجن الخريف بتاريخ 01-02-2013 الساعة 05:27 PM بتوقيت غرينيتش


    حين يدافع الانسان عن عقيده من عقائده المذهبيه يظن انه انما يريد بذلك وجه الله او حب الحق والحقيقه ومادرى انه بهذا يخدع نفسه ..انه في الحقيقه اخذ عقيدته من بيئته التي نشأ فيها وهو لو كان قد نشأ في بيئه اخرى لوجدناه يؤمن بعقائد تلك البيئه من غير تردد ثم يظن انه يسعى وراء الحق والحقيقه .......
    علي الوردي

  2. #2
    مشرف قسم منتدى طلاب المدارس والمعاهد والجامعات العراقية الصورة الرمزية المستكشف
    تاريخ التسجيل
    Dec 2011
    الدولة
    بغداد
    المشاركات
    2,730
    معدل تقييم المستوى
    0

    افتراضي

    فعلاً شر البلية ما يضحك
    وصية كبل تؤكد على ان المرأة منبع السعادة للرجل وتتفق عملياً مع قوله تعالى {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُونَ }الروم21 ...
    اما وصية هسه فهي مصدر المشاكل وباب من ابواب دمار المستقبل بين الزوجين ... وقد يكون سبب التغير في الوصية هو تغير المجتمع بأكمله وليس البنت وعائلتها وانما تغير الشباب والخوف على مصير البنت لكن هذا لايبرر الوصية لانها اولاً واخيراً ليست بالصحيحة...

    شكرا اخت شجن .. موضوع اكثر من رائع يضاف الى مواضيعك القيمة
    ضعف الحائط يغري اللصوص

  3. #3
    مشرفه على قسمي النقاشات الاجتماعيه الجاده واطفالنا براعم الحياة الصورة الرمزية شجن الخريف
    تاريخ التسجيل
    Aug 2012
    المشاركات
    2,253
    معدل تقييم المستوى
    0

    افتراضي

    شكرا اخي علمرور الطيب بس اني بهذا الموضوع ايضا ارمي بللوم على الرجل دا اشوف هلايام الكثير الكثير يخضع الهذي القاعده مع الاسف مع احترامي الكم مو الكل بس هوايه الرجال هسه لو ماشيه المرأه بوصية قبل مراح تلكه احترام وتقدير بلعكس احسهه يبدي يفرض رجولته بتجاهلهه رغم الرجوله مو هيج ...عندي صديقتان الاولى متدينه جدا ومشت بوصية قبل بعد سنتين حاول يتزوج عليهه والمحاولات جاريه وعايشه باسوء حال وعلى فكره مؤخرهه ومقدمهه قران الثانيه طبقت وصيه هسه لغت كرامته وكرامة امه ومقدمهه يكسر الضهر ومؤخره والذهب يكسر الظهر هي اسعد امراه الان وهو مثل ميكولون محبس بايدهه....ومره من المرات كنت انصح وحده معي بلعمل بوصية كبل ودا اكلهه احترمي زوجج اقلها من تحجين ويا بلتلفون...كالت راح اشوفج ..اتصل هو حجت ويا باسلوب ملائكي بناءا على طلبي ومدري شكان رايد منهه صرخ بوجهه صرخه بشعه رفعت هي صوتهه وقاربت انو تغلط شتتوقع جاوبهه....كللهه اي حبيبتي ادلللي ...وضلينه نضحك وضليت اني ووصيتي بفشلتنا شكرا الك علمرور الطيب تحياتي


    حين يدافع الانسان عن عقيده من عقائده المذهبيه يظن انه انما يريد بذلك وجه الله او حب الحق والحقيقه ومادرى انه بهذا يخدع نفسه ..انه في الحقيقه اخذ عقيدته من بيئته التي نشأ فيها وهو لو كان قد نشأ في بيئه اخرى لوجدناه يؤمن بعقائد تلك البيئه من غير تردد ثم يظن انه يسعى وراء الحق والحقيقه .......
    علي الوردي

  4. #4
    مشرف قسم منتدى طلاب المدارس والمعاهد والجامعات العراقية الصورة الرمزية المستكشف
    تاريخ التسجيل
    Dec 2011
    الدولة
    بغداد
    المشاركات
    2,730
    معدل تقييم المستوى
    0

    افتراضي

    ذكرت بمشاركتي انه التغير بالوصية نتيجة تغير الشباب و قسم منهم لازم مينطون مجال بس بنفس الوقت اكو شباب على العكس تماماً فإذا كانت الوصية على واحد فقير شرح يصير بيه ؟؟؟
    بالنسبة لصديقتج الثانية حالة لا تقاس على مجتمع بالكامل لكن يبقى كل واحد وشخصيته ووصفهم الامام علي (ع) بحديثه : "عجبت لقوم اذا احترمتهم احتقروك واذا احتقرتهم احترموك" وهذا تماماً ينطبق على زوج صديقتج .
    شكراً
    ضعف الحائط يغري اللصوص

  5. #5
    مشرفه على قسمي النقاشات الاجتماعيه الجاده واطفالنا براعم الحياة الصورة الرمزية شجن الخريف
    تاريخ التسجيل
    Aug 2012
    المشاركات
    2,253
    معدل تقييم المستوى
    0

    افتراضي

    اني كلش احترم رأيك وهو صحيح كلش بس ممتفقه وياك على انو الحاله الثانيه انو قليله بلعكس كلش كثيره ويمكن مصادفني اشوف عكس هاي الحاله بحياتي كلهه كلهه الا مره وحده ...وبلنسبه للوصيه اذا وكعت براس واحد فقير والله الله يعينه....وبلنسبه المقولة الامام علي فعلا اصبت باختيارها مع الاسف صارت واقع بس على رأيك مو الكل لذلك اتشوف نسب الطلاق مرتفعه هذه الايام لان الاساس فاشل والمفاهيم مغلوطه ومثل مذكرت بلايه(وجعل بينكم موده ورحمه) اذا دائما واحد يريد يسيطر على الاخر لاراح تبقى موده ولا رحمه ولا حتى سكينه شكرا الك علمرور الطيب والنقاش الشيق ...


    حين يدافع الانسان عن عقيده من عقائده المذهبيه يظن انه انما يريد بذلك وجه الله او حب الحق والحقيقه ومادرى انه بهذا يخدع نفسه ..انه في الحقيقه اخذ عقيدته من بيئته التي نشأ فيها وهو لو كان قد نشأ في بيئه اخرى لوجدناه يؤمن بعقائد تلك البيئه من غير تردد ثم يظن انه يسعى وراء الحق والحقيقه .......
    علي الوردي

  6. #6
    مشرف قسم منتدى طلاب المدارس والمعاهد والجامعات العراقية الصورة الرمزية المستكشف
    تاريخ التسجيل
    Dec 2011
    الدولة
    بغداد
    المشاركات
    2,730
    معدل تقييم المستوى
    0

    افتراضي

    شكراً للنقاش الطيب وهذا من طيبكم ...
    بالنسبة للحالة الثانية مكلت قليلة ولا كلت هواية بس كلت منكدر نقيسهه على مجتمع كامل
    ضعف الحائط يغري اللصوص

  7. #7
    دجلاوي فوق العادة الصورة الرمزية قمر الليالي
    تاريخ التسجيل
    Feb 2010
    الدولة
    walk with the clouds
    المشاركات
    3,117
    معدل تقييم المستوى
    0

    افتراضي

    هههههههههههههههههههههههههههههه شجن
    هاي مو وصية ام لابنتهة .. هاي ام طيحت حظ ابنتهة خخخخخخخ
    والله موضوعج حلو والعبارات مال عالرنكة كلهة ضحكتني ..تسلمي
    سلامي



  8. #8
    مشرفه على قسمي النقاشات الاجتماعيه الجاده واطفالنا براعم الحياة الصورة الرمزية شجن الخريف
    تاريخ التسجيل
    Aug 2012
    المشاركات
    2,253
    معدل تقييم المستوى
    0

    افتراضي

    اخي المستكشف نورت المناقشه من البدايه الى النهايه ....هلو قمر نورتي بس صدكيني هذا واقع واني راح اختصر كلام موجه للمقبلين على الزواج او حتى المتزوجين ..بلدين الاسلامي اكو حقوق كل واحد عنده حق وعلي حق ...اختي المقبله على الزواج النبي ص كال ما معناة لان محافضه نص الحديث لولا الله لامرت المراه ان تسجد لزوجها ..برايي اساس كل زواج ناجح هو اولا الاختيار الصحيح ..وثانيا عدم تدخل الاهل بمشاكل الازواج والمفروض انه الحياة الزوجيه استقرار واستقلال لا يجب ان يكون هناك تدخل من اهالي الطرفين لا مشكله من اخذ الاستشاره لكن بدون ذكر المشاكل ونقلهه بتفاصيلهه الازواج اذا مكدرو يحلون مشاكلهم بنفسهم مراح يحلهه غيرهم على العكس يمكن يزيد الامر سوء ...وانت يااخي اكو مثل مكيول (كن لها عليا تكن لك فاطمه) مع الاسف مفهوم الرجوله صار خاطيء يعني مو يجي واحد متزوج وحده طمعا براتبهه وهو تارك كل حمل المصرف عليهه ويريد احترام وتقدير(الرجال قوامون على النساء بما انفقوا)ركز على كلمة ما انفقوا مو مشكله التعاون بس مو الاستغلال اصلا المراه الصالحه هي اللي تعين زوجهه يوكف على رجله ببداية حياته مو تحطمه ....واكو شغله ثانيه احب اناقشهه هي خطيره كلش لكن محد يحجي بيهه ابد يعني الحياة الزوجيه مو 60 واحد ببيت واللي يسمو بيت العائله...مره النبي سؤل عن الحمو وهو اخ الزوج قال الرسول(الحمو النار) يعني شلون يصير استقرار ببيت ه مثل الفندق شلون المرأة تاخذ راحتهه كدام اهل زوجهه بلدين هذا شي مموجود الحما حاله حال الرجل الغريب ...كل هاي عوامل تهدم الزواج من بدايته وميصير استقرار يصير تعب اعصاب لا اكثر ولا اقل..هذا رايي واحترم كل اراء المارين ..اذا مرو....


    حين يدافع الانسان عن عقيده من عقائده المذهبيه يظن انه انما يريد بذلك وجه الله او حب الحق والحقيقه ومادرى انه بهذا يخدع نفسه ..انه في الحقيقه اخذ عقيدته من بيئته التي نشأ فيها وهو لو كان قد نشأ في بيئه اخرى لوجدناه يؤمن بعقائد تلك البيئه من غير تردد ثم يظن انه يسعى وراء الحق والحقيقه .......
    علي الوردي

عدد الأشخاص الذي يقرأون هذا الموضوع حالياً (1): الأعضاء (0) و الزوار (1).
 

صلاحياتك عند المشاركة

  • لا يمكنك كتابة مواضيع جديدة
  • لا يمكنك كتابة ردود
  • لا يمكنك إرسال مرفقات
  • لا يمكنك تعديل مشاركاتك
  •  
  • استخدام رمز BB code: متاح
  • استخدام الإبتسامات: متاح
  • استخدام رمز [IMG]: متاح
  • رمز الـ [VIDEO] متاح
  • استخدام رموز HTML: معطل