عرض النتائج 1 إلى 9 من 9

الموضوع: الكليات الاهلية في العراق

  1. #1
    دجلاوي رهيب الصورة الرمزية •.♥.•°د. شـــهد °•.♥.•°
    تاريخ التسجيل
    Jan 2009
    المشاركات
    1,738
    معدل تقييم المستوى
    12

    افتراضي الكليات الاهلية في العراق

    السلام عليكم

    ماهو رأيكم بالكليات الاهلية الموجودة حاليآ في العراق وهل تؤيد وجود هذه الكليات ؟؟ وهل تسهم الكليات الاهلية بالارتقاء بالمستوى العلمي للطلاب وللبلد؟؟ هل تعتبر البديل للطلاب الذين لم يسعفهم (الحظ) في امتحانات البكالوريا في الحصول على معدل يؤهلهم للدخول للكليات الحكومية التي يرغبون بها؟؟ اتمنى ان نناقش هذا الموضوع للي يحب المناقشة والخوض فيه..تحياتي للجميع

  2. #2
    دجلاوي مبدع الصورة الرمزية عدي العراقي
    تاريخ التسجيل
    Sep 2008
    المشاركات
    750
    معدل تقييم المستوى
    0

    افتراضي

    شكرا على هذا الموضوع لانه موضوع مهم وحساس ولازم يلكوله حل.
    99% من الطلاب اللي يتخرجون من الاعداديه ما ينقبلون الاقسام اللي يرغبولها
    كون معدل الطالب هو اللي يحدد مصيره فهذا خطا، المفروض بغض النظر عن معدل الطالب، يختار الطالب الاختصاص اللي يحبه ويسووله اختبار نجح معناها انه مؤهل , رسب معناها مو كدهه، احنه بس نصير بصف الروضه اهلنا يكلون يله لازم تكبر وتصير دكتور او تكبر وتصير مهندس هذا خطا لازم الانسان هو اللي يقرر مو اهله ولا المعدل.
    الكليات الاهليه اعتبرها حل مؤقت لهذه المشكله، اني شخصيا خريج كليّة المأمون الجامعة قسم علوم الحاسبات، حسب معدلي انقبلت ادارة واقتصاد في حين آني رغبتي كانت حاسبات فدخلت للمأمون، المناهج الي جنه ناخذهه في كلية المأمون نفس مناهج جامعة بغداد، والجامعة التكنلوجيه وبقية الجامعات الحكومية وتخرجنا وتخرجوا كثير من كليتنا بتفوق واكو ناس قدمت ماجستير وناس فتحوا مكاتب ونجحوا، فما الهه علاقه كون الكليه اهليه او حكومية.
    التعديل الأخير تم بواسطة : عدي العراقي بتاريخ 24-02-2009 الساعة 10:18 AM بتوقيت غرينيتش

  3. #3
    دجلاوي فوق العادة
    تاريخ التسجيل
    Aug 2007
    الدولة
    روح منسيـه
    المشاركات
    6,104
    معدل تقييم المستوى
    0

    افتراضي

    مو مهم الكليه المهم الي يكتسب اكثر معلومات ويعرف نمط عمله

    اني احجي عن نفسي خريج كليه اهليه واشتغلت بقطاع خاص واكو ناس بكليات حكوميه ميعرفون شنو الشغل وهسه دااشتغل بقطاع حكومي وخريجين جامعة بغداد ومعدلهم زين ومن بدو يشتغلون عملي ميعرفون شنو الشغل

    الغرض من الشهاده هو اختصاص بشي معين والعمل به بصورة سليمه

    والكليات الاهليه سوت الزين والشين ومااريد ادخل بلتفاصيل

    شكرا لموضوعج المهم

    تمنياتي بلتوفيق

  4. #4
    دجلاوي رهيب الصورة الرمزية •.♥.•°د. شـــهد °•.♥.•°
    تاريخ التسجيل
    Jan 2009
    المشاركات
    1,738
    معدل تقييم المستوى
    12

    افتراضي

    اشكرك اخ عدي على مشاركتك بالموضوع واتمنى الكل يعطي رأيه بيه.. طبعآ انا رأيي من رأيك بخصوص انه كل طالب لازم تؤخذ رغبته بعين الاعتبار في اختياره للكلية اللي يرغبلها.. واضيف على كلامك انه المطلوب حاليآ الاهتمام اكثر بالكليات الاهلية وتطويرها وزيادة الاقسام والفروع فيها خاصة العلمية منها بالاضافة الى العمل على جعل الشهادة الممنوحة من هذه الكليات معترف بيها ليس فقط على الصعيد الداخلي بل على الصعيد الدولي ايضآ..
    اشكر مرورك الكريم مرة ثانية

  5. #5
    دجلاوي رهيب الصورة الرمزية •.♥.•°د. شـــهد °•.♥.•°
    تاريخ التسجيل
    Jan 2009
    المشاركات
    1,738
    معدل تقييم المستوى
    12

    افتراضي

    تحياتي لك واحد من الناس وشكرآ لمرورك الكريم ولرأيك بالموضوع..اكيد كما في حالتك قد يكون خريج الكلية الاهلية اللي اختار الاختصاص اللي يرغبله ناجح بعمله واختصاصه اكثر من الشخص المتخرج من كلية حكومية بس بدون رغبة ..بالرغم من ان المناهج نفسها بكل الكليات حكومية ام اهلية.. تحياتي مرة ثانية

  6. #6
    دجلاوي فوق العادة الصورة الرمزية (`'•.¸§( ربيع )§ ¸.•')
    تاريخ التسجيل
    May 2008
    الدولة
    العراق الحبيب
    المشاركات
    5,051
    معدل تقييم المستوى
    27

    افتراضي

    بصراحة مو كل الكلية توكن كد الحمل اكو قسم من الطلاب الاغنية يدفعون الفلوس وينجحون طبعا اني ضد هاي الفكرة لان هو الخسران راح يتخرج وما عندهخ اي معلومة وشكرا الك استاذة على الطرح الارئع وفعلا موضوع يستحق النقاش بصورة عامة هية زينة ومو زينة تكون زينة للي يحب يواصل رغبته بدراسته لكي يتواصل لطموحه واكو بعض الناس تحب تكشخ بشهادتهم من دون ما ايحملون اي معلومة عن قسمهم وشكرا واسف للاطالة


  7. #7
    دجلاوي رهيب الصورة الرمزية •.♥.•°د. شـــهد °•.♥.•°
    تاريخ التسجيل
    Jan 2009
    المشاركات
    1,738
    معدل تقييم المستوى
    12

    افتراضي

    تحياتي لك عراقي وشكرآ على رأيك اكيد الموضوع مثل ما فيه ناحية ايجابية بان يعطي الامل لبعض الطلاب اللي ماساعدهم الحظ على تحقيق طموحهم بالكلية اللي يرغبونها ،، ايضآ فيه ناحية سلبية مثل مااتفضلت من حيث انه بعض الطلاب الاغنياء يدفعون فلوس حتى ينجحون(للاسف هذا الشي موجود احيانآ حتى بالكليات الحكومية) وشيء اخر عادة تكون الكليات الاهلية ذات منحى تجاري اكثر ماهو علمي.. على كل حال الموضوع يحتمل اكثر من وجهة نظر للنقاش تحياتي لك مرة اخرى..

  8. #8
    دجلاوي فوق العادة الصورة الرمزية اسياالعراقيه
    تاريخ التسجيل
    Oct 2007
    الدولة
    في الدنيا
    المشاركات
    7,285
    معدل تقييم المستوى
    37

    افتراضي

    والله الكليات الاهلية بيه كل الجوانب يعني اكو اشخاص ميدرسون ويدخلون كلية اهلية ويساون وية غيرهم
    واكو مثل ماكلنه الحظ ما سعفهم بالسادس
    او قروا وما حصلوا الي يردونه
    وبصراحة اني الي جاي اشوفه العراق
    كليات جدا ناجحه لان دراسته مثل مناهج باقي الكليات التدريسين ماكو اي مجال للتساهل ويه الطالب
    وماشاء الله اغلبهم جاي نشوفهم ناجحين بعملهم وهذا الي نتمناه للشاب العراقي
    افضل مما ميكلة رغبته بالكليه الي دخله ويتجة بعيد عن الدراسه
    تحياتي الج وشكرا على طرح الموضوع

  9. #9
    دجلاوي رهيب الصورة الرمزية •.♥.•°د. شـــهد °•.♥.•°
    تاريخ التسجيل
    Jan 2009
    المشاركات
    1,738
    معدل تقييم المستوى
    12

    افتراضي

    شكرآآ اسو على مشاركتك بالموضوع وانت كفيتي ووفيتي يعني ماعندي شي اضيفه على كلامك.. اسعدتيني بمرورك وردك الجميل..تقبلي تحياتي واحترامي

عدد الأشخاص الذي يقرأون هذا الموضوع حالياً (1): الأعضاء (0) و الزوار (1).
 

صلاحياتك عند المشاركة

  • لا يمكنك كتابة مواضيع جديدة
  • لا يمكنك كتابة ردود
  • لا يمكنك إرسال مرفقات
  • لا يمكنك تعديل مشاركاتك
  •  
  • استخدام رمز BB code: متاح
  • استخدام الإبتسامات: متاح
  • استخدام رمز [IMG]: متاح
  • رمز الـ [VIDEO] متاح
  • استخدام رموز HTML: معطل