المساعد الشخصي الرقمي

مشاهدة النسخة كاملة : كل ماترغب معرفته عن القرعه ومواعيدها في مديريات التربيه تجده هنا



اسراء
20-06-2011, 11:57 AM بتوقيت غرينيتش
السلام عليكم اخواني واخواتي الافاضل تم اليوم اعلان الاسماء المرشحة للقرعة في تربية الرصافة الاولى وتم تعليق الاسماء على الحائط في غرفة الاستعلامات في التربية المذكورة على كل من يريد التاكد من وجود اسمه يراجع استعلامات المديرية لأن الاسماء التي لم ترشح سوف لن تخضع للقرعة ولن يتم تعيين من لم يظهر اسمه وان شاء الله الموفقية لكم جميعا

douaa
20-06-2011, 12:10 PM بتوقيت غرينيتش
حياتي مشكوره عالخبر بس خوفتيني يعني اكو ناس مراح يدخلون القرعه زين منو الي ممدخليهم القرعه هال الاداب والعلوم لو التربيه نفسهم

جناح الامل
20-06-2011, 12:10 PM بتوقيت غرينيتش
شكرا اخت اسراء على الخبر ويارب الموفقية للجميع



السلام عليكم اخواني واخواتي الافاضل تم اليوم اعلان الاسماء المرشحة للقرعة في تربية الرصافة الاولى وتم تعليق الاسماء على الحائط في غرفة الاستعلامات في التربية المذكورة على كل من يريد التاكد من وجود اسمه يراجع استعلامات المديرية لأن الاسماء التي لم ترشح سوف لن تخضع للقرعة ولن يتم تعيين من لم يظهر اسمه وان شاء الله الموفقية لكم جميعا

اياد العراقي
20-06-2011, 01:47 PM بتوقيت غرينيتش
شكرا اخت اسراء عل خبر وان شاء الله الموفقية للجميع .
بس معرفتو اشوكت القرعة مال الرصافة الثانية

اسراء
20-06-2011, 03:17 PM بتوقيت غرينيتش
شكرا اخت اسراء عل خبر وان شاء الله الموفقية للجميع .
بس معرفتو اشوكت القرعة مال الرصافة الثانية

والله اخوي الي عرفته انه البارحة كانت الاسماء بالرصافة الثانية فروح باجر وشوف اسمك

نهاد الاصيل
20-06-2011, 03:30 PM بتوقيت غرينيتش
شكرا اخت اسراء على الخبر
اي كل نربيه كاعد اتسوي اول شي تنشر الاسماء الي راح تدخل القرعه
وراها اتصير القرعه
هم زين هيج والتوفيق للجميع

roro
20-06-2011, 06:35 PM بتوقيت غرينيتش
اخواني واخواتي اني اليوم حصلت على معلومة على موعد القرعة بتربية الكرخ الاولى والثانية ويكولون انو راح تصير بيوم 29 /6 والله يوفق الجميع

نهاد الاصيل
20-06-2011, 06:48 PM بتوقيت غرينيتش
ان شاء الله بالتوفيق
والكرخ الثالثه ورى 25 بالشهر
اني البارحه سالت هم رحت الهم
بس ماطوني موعد محدد

اميرة الورد
20-06-2011, 07:10 PM بتوقيت غرينيتش
شكرا على نقل الخبر
والتوفيق للجميع انشاء الله

اياد العراقي
20-06-2011, 07:47 PM بتوقيت غرينيتش
شكرا عل خبر

عدي تركي عايف
21-06-2011, 07:56 AM بتوقيت غرينيتش
شكراااااااااااااااااااااااا

roro
21-06-2011, 07:58 AM بتوقيت غرينيتش
عفوا اني بالخدمة واي خبر اسمعة بهذا الخصوص ان شاء الله راح انزله بالمنتدى
وسمعت انو بعدهم ما منزلين اسماء الي راح يدخلون بالقرعة بلكي ينزلوها الاسبوع القادم
وايضا يكولون انو القرعة مو5 ايام انما تستمر 15 يوم لان هي مو قرعة وحدة وانما هي اكثر من قرعة لان الي مطلع معدل عالي وما يطلع اسمه يعيدولة القرعة مرة ثانية
وكالوا الدوام راح يصير بالشهر الثامن وية الباشرة مال الاساتذة والمعلمين
واسفة على الاطالة لكن حبيت اكول كل المعلومات الي عندي للافادة والتوفيق للجميع

نهاد الاصيل
21-06-2011, 11:14 AM بتوقيت غرينيتش
اي حلو يله مابقى شي نصبر
بلكت يطلع اسمنه
الله كريم
اي صح راح ينشرون الاسماء الي تدخل بالقرعه
وان شاء الله الموفقيه للجميع

دندونه
21-06-2011, 12:30 PM بتوقيت غرينيتش
والله ماطلعت هاي كل ما يقترب مو عد القرعة يشمرونه لبعيد يعني جانت يوم6/12 رحت شمروني 6/23 والبارحة قريت خبر رح اتصير يوم6/25 وهسه يوم6/29 يمعودين ليش ماتذيع التربية الموعد الاكيد للقرعة وتفضنه غير حكومة فاشلة هذي لعد اذا موعد قرعة مكاعد يضبطوه رح يكدرون يضبطون شعب :sad:

كامل التميمي
21-06-2011, 02:28 PM بتوقيت غرينيتش
شكرا للمعلومه ياطيب

اسراء
21-06-2011, 04:28 PM بتوقيت غرينيتش
شكرا لمروركم العطر جميعا ويارب الموفقية للجميع

roro
22-06-2011, 01:38 PM بتوقيت غرينيتش
السلام عليكم
هليوم قريت معلومة بالنت تكول انو قرعة تربية الكرخ الثانية راح تصير يوم 3/7 وتستمر 5 ايام
الله اعلم لشوكت راح نظل ننتظرهم والله ديلعبون بينا طوبة
وتربية الرصافة الثانية البارحة جانت القرعة مالهم وناس تكول كلها ظلم وناس تكول لااااااااااااا جانت بمنتهى الشفافية

اياد العراقي
22-06-2011, 01:48 PM بتوقيت غرينيتش
شكرا عل خير وان شاء الله التوفيق للجميع

كامل التميمي
22-06-2011, 02:04 PM بتوقيت غرينيتش
الله كريم الفرج قريب

اسراء
22-06-2011, 03:12 PM بتوقيت غرينيتش
السلام عليكم اولا جزاك الله خيرا اخي الفاضل على الموضوع وثانيا استفسار اخي الفاضل الله يوفقك متعرف شوكت قرعة الرصافة الاولى ارجو الرد مع الشكر

اميرة الورد
22-06-2011, 04:43 PM بتوقيت غرينيتش
http://files2.fatakat.com/2010/12/12920972421699.gif

نهاد الاصيل
22-06-2011, 04:59 PM بتوقيت غرينيتش
http://www.almowatennews.com/themes/portal/news_icon.gif تربية البصرة تعلن مواعيد القرعة للمتقدمين على التعيين بصفتي معلم ومدرس





(http://www.almowatennews.com/pdf.php?id=22738)




http://www.almowatennews.com/filemanager.php?action=image&id=7959

البصرة _فارس الشريفي
أعلنت مديرية تربية محافظة البصرة عن مواعيد القرعة للمتقدمين على التعيين في ملاكاتها المديرية بصفتي معلم ومدرس وابتدءا من يوم الأحد الموافق 26 حزيران الجاري.
وقال مدير اعلام تربية البصرة باسم القطراني في تصريح لـ(المواطن) ان " القرعة ستكون وفقا لجدول اعد مسبقا وستشمل اماكن القرعة كافة مناطق المحافظة وابتدءا من يوم الأحد الموافق 26 حزيران الجاري وعلى مدار شهر كامل " مضيفا ان" القرعة ستشمل فقط المتقدمين على التعيين في ملاكاتها المديرية بصفتي معلم ومدرس ووفق الجدول المعد

نهاد الاصيل
22-06-2011, 05:00 PM بتوقيت غرينيتش
قرعة الرصافة الثالثة الاحد المصادف 19/6 والتي ستنتهي الخميس المصادف 23/6 موعدا لاجراء قرعتها، اما القرعة القرعة الخاصة بالمديرية العامة لتربية الرصافة الثانية فقد بدأت امس الاحد وتنتهي ولغاية 30/6.

نهاد الاصيل
22-06-2011, 05:01 PM بتوقيت غرينيتش
حددت وزارة التربية مواعيد اجراء قرعة التعيينات الخاصة للمتقدمين بصفة مدرس ومعلم على ملاكات المديريات العامة للتربية كافة واشارت انه سيكون موعد اجراء قرعة التعيينات في المديرية العامة لتربية الكرخ الثانية سيكون يوم الخامس والعشرين من الشهر الجاري ولغاية 30/6 وأضاف البيان ان تربية المثنى وتربية ذي قار باشرتا باجراء القرعة.


المصدر صفحة برنامج فرصة عمل

نهاد الاصيل
22-06-2011, 05:03 PM بتوقيت غرينيتش
تربية الانبار تعلن عن مواعيد اجراء القرعة للمتقدمين للتعيين بصفة معلمين ومدرسين في الاقضية والنواحي التابعة للمحافظة اعتبارا من 26 \6 ولغاية 20 \7 حسب الجدول الموجود في تربية المحافظة




المصدر صفحة برنامج فرصة عمل

اسراء
22-06-2011, 05:08 PM بتوقيت غرينيتش
السلام عليكم اخي الفاضل سؤال الاتعرف تربية الرصافة الاولى متى ستكون قرعتها مع الشكر الجزيل لك

roro
22-06-2011, 05:12 PM بتوقيت غرينيتش
السلام عليكم اولا جزاك الله خيرا اخي الفاضل على الموضوع وثانيا استفسار اخي الفاضل الله يوفقك متعرف شوكت قرعة الرصافة الاولى ارجو الرد مع الشكر

السلام عليكم عزيزتي اسراء اني مقدمة على الكرخ الاولى وكل يوم اشوف النت وكل يوم اتفاجأ بموعد جديد ..بس بالنسبة للرصافة الاولى اني الي اعرفة انو نشروا اسماء الي يدخلون القرعة وبعدها تتم القرعة وان شاء الله اسمج وياهم بس اذا بالامكان روحي وشوفي اسمج داخلة للقرعة لو لا؟ تحياتي

roro
22-06-2011, 05:13 PM بتوقيت غرينيتش
http://files2.fatakat.com/2010/12/12920972421699.gif

ويبارك بيج حياتي تدللين واني الممنونة

نهاد الاصيل
22-06-2011, 05:13 PM بتوقيت غرينيتش
وعليكم السلام
ان شاء الله هسه بس الكه الخبر انزله
بس هيه الثانيه والاولى وحده قريبه على الثانيه
الاولى اي وحده منهن الي يم نادي التركماني مو
لو غيرها

اسراء
22-06-2011, 05:16 PM بتوقيت غرينيتش
السلام عليكم عزيزتي اسراء اني مقدمة على الكرخ الاولى وكل يوم اشوف النت وكل يوم اتفاجأ بموعد جديد ..بس بالنسبة للرصافة الاولى اني الي اعرفة انو نشروا اسماء الي يدخلون القرعة وبعدها تتم القرعة وان شاء الله اسمج وياهم بس اذا بالامكان روحي وشوفي اسمج داخلة للقرعة لو لا؟ تحياتي

حياتي الاسماء ادري بيها لان كنت حاضرة بيوم اللي علقوها على الحائط وحطيت موضوع انا بنفس اليوم بالمنتدى عنها بس القرعة شوكت تصير ما قالولنا يشلعون القلب الله يشلع قلبهم بكد ما دوخونا:sad:

اسراء
22-06-2011, 05:20 PM بتوقيت غرينيتش
نعم اخي الفاضل يم نادي التركماني يوم اللي حطوا الاسماء المرشحة انا كنت موجودة بس سالناهم عن موعد القرعة ماجاوبونا اصلا يحجون من ورة خشمهم وية المراجعين ولله الحمد:)

كامل التميمي
22-06-2011, 06:08 PM بتوقيت غرينيتش
مشكورة يالغالية على نشر الخبر

باسم الآغا
23-06-2011, 06:44 AM بتوقيت غرينيتش
عـاجل..عـاجل أعلان جدول مواعيد قرعة التعيين

http://diyalaedu.org/showImage.ashx?width=250&height=188&ignore=1&image=/uploads/news pix/job news/kura.jpg 20/06/2011

جدول مواعيد القرعة: اليوم التاريخ الوحده الاداريةمكان اجراء القرعة الاحد 26/6 بني سعد
ع/بني سعد الاثنين27/6 بعقوبة
العبارة نقابة المعلمين
ث/ دمشق الثلاثاء 28/6 كنعان
بهرز ع/ كنعان
م/ اليمامة الاربعاء 29/6 الخالص
العظيم تربية الخالص
ث/ حمورابي الاحد 3/7 هبهب
السلام ع/ اسد الله
ث/ النظامية الثلاثاء 5/7 المقدادية
المنصورية تربية المقدادية
المجلس البلدي الخميس 7/7 ابو صيدا
الوجيهية نقابة المعلمين
منتدى شباب الوجيهية الاحد 10/7 بلدروز
قزانيه تربية بلدروز
السعدون الابتدائية الثلاثاء 12/7 خانقين
مندلي تربية خانقين
ث/ مندلي الخميس 14/7 قره تبه
جبارة ع/ صدى التاميم
ث/ الفراهيدي الاحد 17/7 جلولاء
السعدية ع/ جلولاء
ث/ البيداء

































ملاحظة:
1- يكون وقت اجراء القرعة الساعة (9) صباحا .
2- في حالة مصادفة عطلة رسمية تؤجل القرعة الى اليوم الذي يليه ويسري التاجيل للايام اللاحقة تباعا .




المزيد من الأخبار




المصدر مديرية تربية ديالى /تستطيع ان تبحث عن اسمك ان كان ضمن المرشحين او لا

اسراء
23-06-2011, 03:11 PM بتوقيت غرينيتش
أسماء المتقدمين للتعيين الذين سيخضعون للقرعة

اضغط هنا لتنزيل الملف (http://resafa1edu.com/857.xls)

اسماء المتقدميين للتعيين الذين سيخضعون للقرعة (http://resafa1edu.com/857.xls)

صادق العراقي
23-06-2011, 05:38 PM بتوقيت غرينيتش
اخوان تربية الديوانية شوكت القرعة مالتهم اليعرف بلكي يجاوبني

hope3_1977
23-06-2011, 06:56 PM بتوقيت غرينيتش
اعزائي هل لدى احدكم علم بالمقابلة الخاصة بالتعليم المهني في نينوى (المدرسين الصناعيين) المدارس المهنية؟..

roro
26-06-2011, 04:20 PM بتوقيت غرينيتش
اخوان تربية الديوانية شوكت القرعة مالتهم اليعرف بلكي يجاوبني


والله يااخ صادق عندي معارف بالديوانية يكولون على بداية السابع


شكرا حبي اسراء على الخبر وشفت اسم صديقتي موجود وية الاسماء بس بشريني اسمج موجود ؟

douaa
26-06-2011, 05:59 PM بتوقيت غرينيتش
اليوم اني رحت للتربيه الرصافه الثانيه والقرعه يوم 29 للمعاهد و30 للكليات وانشاء الله التوفيق للجميع

نهاد الاصيل
27-06-2011, 12:23 PM بتوقيت غرينيتش
بغداد(الاخبارية)..اعلنت المديرية العامة لتربية الرصافة الثانية تغيير مواعيد اجراء القرعة الخاصة بتعيين المعلمين والمدرسين في مدارس المديرية.
وقالت مديرة الاعلام التربوي في الوزارة في بيان صحفي حصلت (الوكالة الاخبارية للانباء) اليوم،ان يوم الاربعاء المقبل سيكون موعداً لاجراء القرعة الخاصة بتعيين المعلمين،فيما سيكون يوم الخميس موعداً لاجراء القرعة الخاصة بالمدرسين،مشيرةً الى ان القرعتين ستجريان في ديوان المديرية الساعة العاشرة صباحاً.
وكانت التربية قد قررت ان يتم تعيين المعلمين والمدرسين خلال هذا العام وفق قرعة تجري في كل واحدة من المديريات سواء كانت في بغداد او المحافظات،لضمان النزاهة والشفافية في تعيينات وزارة التربية على وجه التحديد

roro
27-06-2011, 03:24 PM بتوقيت غرينيتش
مشكور بارك الله فيك

نهاد الاصيل
27-06-2011, 11:37 PM بتوقيت غرينيتش
نقلا عن قناة العراق التربويه
سيكون موعد القرعه للتربية الكرخ الثالثه يوم 3 تموز
وان شاء الله بالتوفيق

هاكر بسيط
28-06-2011, 08:17 AM بتوقيت غرينيتش
اخواني رحت وسالت عن القرعه مال الرصافه الثانيه وكالو يوح الخميس المصادف 30 6 القرعه مال البكالولريوس والاحد الي سبقه كانت القرعه مال المعاهد والكليات الاساسية واريد اقول شي مهم تره الي متخرج من كليه مسائي لو اهلي ما راح يدخل القرعه حته لو كان معدله امتياز وحسب قولهم بالتربيه لان اني دخلت وضليت اسال الموظفيين يعني طلعت كذبه لان همه بالاعلان كاتبيين نقبل المسائي والاهليه هاي السنه
واحنه لازم انوصل صوتنه لاعلى الجهات انكولهم على هذا الظلم الي احنه بيه يااخواني صارلي سبعه سنوات وما متعيين شنو هذا الظلم واكو ناس صارلهم اكثر مني وما متعيينين بسبب كم واحد ظالم ...

ميلو سات
28-06-2011, 09:23 AM بتوقيت غرينيتش
اخوية هاكر ...اني كلية تربية ابن الهيثم علوم حاسبات مسائي ..ولكيت اسمي داخل بالقرعة على الحاسبات ...شون دكول ما يدخل للقرعة ؟؟؟
ثانيا ..الكليات المسائية راح يقبلون منهم نسبة قليلة مو مايقبلون ولا واحد ..للعلم فقط ...
الف شكر على المتابعة وتحياتي الك اخوية

douaa
28-06-2011, 10:09 AM بتوقيت غرينيتش
اخ هكر اني جنت يوم الاحد بالتربيه وماكو اي قرعه اجلوها الى يوم الاربعاء للمعلمين والخميس للمدرسين واني خريجة فيزياء مسائي وموجود اسمي واسماء كل الي اعرفهم من جماعتنه المسائي ليش ادكول مداخلين الله يخليك لاتهبطنه خلينه عدنه امل اشويه

اخواني رحت وسالت عن القرعه مال الرصافه الثانيه وكالو يوح الخميس المصادف 30 6 القرعه مال البكالولريوس والاحد الي سبقه كانت القرعه مال المعاهد والكليات الاساسية واريد اقول شي مهم تره الي متخرج من كليه مسائي لو اهلي ما راح يدخل القرعه حته لو كان معدله امتياز وحسب قولهم بالتربيه لان اني دخلت وضليت اسال الموظفيين يعني طلعت كذبه لان همه بالاعلان كاتبيين نقبل المسائي والاهليه هاي السنه
واحنه لازم انوصل صوتنه لاعلى الجهات انكولهم على هذا الظلم الي احنه بيه يااخواني صارلي سبعه سنوات وما متعيين شنو هذا الظلم واكو ناس صارلهم اكثر مني وما متعيينين بسبب كم واحد ظالم ...

roro
28-06-2011, 10:22 AM بتوقيت غرينيتش
الله يوفقكم جميعا ويوفقنا معاكم ونتعين كلنا بأذن الحي القيوم

نهاد الاصيل
28-06-2011, 11:15 PM بتوقيت غرينيتش
ديرية تربية ديالى تعلن اسماءالمتعينين بصفة (مدرس ,معلم , معلم جامعي) في بعقوبة و ناحية بني سعد والعبارة:
ناحية بني سعد:
اضغط هنا (http://diyalaedu.org/uploads/job%20winners/Lecturers.xls) لمعرفة اسماء المحاضرين المستثنين من الضوابط .
اضغط هنا (http://diyalaedu.org/uploads/job%20winners/Winners.xls) لمعرفة اسماء الفائزين بالقرعة .

ناحية العبارة :
اضغط هنا (http://diyalaedu.org/uploads/job%20winners/winner%20abaraa.xls) لمعرفة اسماء الفائزين بالقرعة .
اضغط هنا (http://diyalaedu.org/uploads/job%20winners/shohdaa%20abaraa.xls) لمعرفة اسماء الفائزين من ذوي الشهداء.
اضغط هنا (http://diyalaedu.org/uploads/job%20winners/leccture%20abbara.xls) لمعرفة اسماء الفائزين من المحاضرين

قضاء بعقوبة :
اضغط هنا (http://diyalaedu.org/uploads/job%20winners/winner%20baquba.xls) لمعرفة اسماء الفائزين .
اضغط هنا (http://diyalaedu.org/uploads/job%20winners/shohdaa%20baquba.xls) لمعرفة اسماء الفائزين ذوي شهداء

وان شاء الله التوفيق للجميع

نهاد الاصيل
29-06-2011, 05:32 PM بتوقيت غرينيتش
:
حددت وزارة التربية مواعيد إجراء القرعة للمتقدمين للتعيين على ملاك المديرية العامة لتربية ميسان ( قضاء العمارة ) حيث ستجرى يوم الأحد المصادف 10/7 وتستمر لغاية الاثنين 18/7 بحسب بيان صادر عن المكتب الإعلامي في الوزارة أوضح فيه ان القرعة ستجري حسب الاشتراطات التي حددتها الوزارة لتعيين المتقدمين بصفة معلم ومدرس , كما حددت جدولا مفصلا عن المراكز ستجري فيها القرعة والوقت المحدد لإجرائها بعدما خصصت الوزارة ( 700) درجة وظيفية للمديرية , بينما حددت المديرية العامة لتربية واسط مواعيد إجراء القرعة للمتقدمين للتعيين على ملاكها الدائم والتي ستجرى في الثالث من الشهر القادم وتستمر لغاية الحادي والعشرين من الشهر نفسه لتعيين المتقدمين بصفة معلم ومدرس وقد خصصت (900) درجة وظيفية الى المديرية العامة للتربية المذكورة وحسب الخطة الوزارية والضوابط والتعليمات .

munamoor
29-06-2011, 07:03 PM بتوقيت غرينيتش
مرحبا اخوان شلونكم
اخر الاخبار اليوم اتصلت بمديرية تربية محافظة بابل وموعد اجراء القرعة سوف يكون يوم 14/7 لمركز المحافظة لكن بعد الاستفسار حول كون القرعة تشمل خريجين الاداب والتربية انصدمت بجواب
هاي اذا دخلو الاداب القرعة من الاساس
شنو رأيكم بالمعنويات المرتفعة من تسمعون هيجي اخبار
شكرا وتحياتي الكم

roro
30-06-2011, 06:44 AM بتوقيت غرينيتش
اخي توكل على الله والله كريم وكفيل بحل المصاعب

نهاد الاصيل
30-06-2011, 04:25 PM بتوقيت غرينيتش
مرحبا اخوان شلونكم
اخر الاخبار اليوم اتصلت بمديرية تربية محافظة بابل وموعد اجراء القرعة سوف يكون يوم 14/7 لمركز المحافظة لكن بعد الاستفسار حول كون القرعة تشمل خريجين الاداب والتربية انصدمت بجواب
هاي اذا دخلو الاداب القرعة من الاساس
شنو رأيكم بالمعنويات المرتفعة من تسمعون هيجي اخبار
شكرا وتحياتي الكم
الله يخليك ليش ماندخل القرعه يعني اليدستو نفس الي درسناه يعني تربيه 2009 ينقبل واني اداب 2001 هم شويه اتكون عداله اذا هيج خلي يلغون كلية الاداب هاي اول سنه يطوهم مجال ولا دائره كاعد تقبلهم وان شاء الله التوفيق للجميع

munamoor
01-07-2011, 04:14 PM بتوقيت غرينيتش
الله يخليك ليش ماندخل القرعه يعني اليدستو نفس الي درسناه يعني تربيه 2009 ينقبل واني اداب 2001 هم شويه اتكون عداله اذا هيج خلي يلغون كلية الاداب هاي اول سنه يطوهم مجال ولا دائره كاعد تقبلهم وان شاء الله التوفيق للجميع
اخي نهاد اني ايست من تعيين التربية اني خريجة 2003 قسم اللغة الانكليزية وهاي اول مرة يستلمون فايلي وبالوقت الضائع يعني بالتمديد اللي قرروه للتقديم رحنا قدمنا ، والاسوء من يطلبون مترجمين بأي دائرة يستقبلون خريجين التربية وحتى كليات المعلمين. لا حول ولا قوة الا بالله العلي العظيم

نهاد الاصيل
01-07-2011, 04:18 PM بتوقيت غرينيتش
اخي نهاد اني ايست من تعيين التربية اني خريجة 2003 قسم اللغة الانكليزية وهاي اول مرة يستلمون فايلي وبالوقت الضائع يعني بالتمديد اللي قرروه للتقديم رحنا قدمنا ، والاسوء من يطلبون مترجمين بأي دائرة يستقبلون خريجين التربية وحتى كليات المعلمين. لا حول ولا قوة الا بالله العلي العظيم

الله كريم ان مع العسر يسر

نهاد الاصيل
01-07-2011, 10:56 PM بتوقيت غرينيتش
اسف طبعا الخبر قديم مانتهت للتاريخ شكرا اختي للتنبيه

نهاد الاصيل
01-07-2011, 10:59 PM بتوقيت غرينيتش
اجراء قرعة التعيينات في القوش

عنكاوا كوم\القوش\ريفان الحكيم

باجواء ديمقراطية نزيهة جرت صباح اليوم الخميس 30\6\2011 القرعة على اسماء المتقدمين للتعينات على ملاك تربية نينوى في ناحية القوش وذلك في قاعة منتدى شباب القوش في الساعه الثانية عشر ظهرا. وشملت القرعة بعض الاختصاصات لكثرة المتقدمين في حين لم تشمل بعض الاختصاصات بسبب توازن عدد المتقدمين مع الدرجات الوظيفية الشاغرة لاختصاصاتهم.
والقى فائز جهوري مدير ناحية القوش كلمة ترحيبية بالحضور والوفد القادم من مديرية تربية نينوى واللجنه المشرفة على القرعة ثم قدم عبد العزيز صالح المعاون الاداري في تربية نينوى موجزا عن قوانين القرعة والقبول لتبدأ بعدها القرعة وحسب المواد للمدرسين والمعلمين ولكلا الجنسين.
واشرفت لجنة خاصة على الانتخابات تكونت من كل من جلال اسطيفو جما رئيسا, شهلة قاسم (قانونية), محمد صالح (اداري), و ناهض شمعون (اداري).
وكانت تربية نينوى قد اعلنت في وقت سابق عن وجود درجات وظيفية شاغرة من معلم ومدرس ومعلم جامعي وخصص منها (57) درجة لناحية القوش
وقد قدم اكثر من 70 خريج وبعد اجراء القرعة اليوم تم تعيين 47 خريج فيما سيتم لاحقا اجراء القرعة على 7 خريجين لشغل 3 درجات للغة التركمانية ودرجتين للغة السريانية ودرجتين للتربية المسيحية . ولم يتقدم اي خريج لدرجتي اللغة العربية ودرجة واحدة لمادة الفيزياء. .
هذا وقد حضر القرعة كل من عبد العزيز صالح المعاون الاداري في مديرية تربية نينوى, اخيقار كوركيس مدير تربية تلكيف, فائز جهوري مدير ناحية القوش. ايهم محمود مدير ملاك تربية نينوى, سليمان حسن رئيس المجلس البلدي في القوش وعدد من اعضاء المجلس البلدي وجمع كبير من المتقدمين للتعيين.

نهاد الاصيل
01-07-2011, 11:05 PM بتوقيت غرينيتش
تربية البصرة تجري قرعة التعيين للمعلمين والمدرسين في ناحية الدير (http://basvoice.com/ar/news.php?action=view&id=124)
صوت البصرة:

أجرت المديرية العامة لتربية البصرة الجولة الثانية من القرعة الخاصة بالمتقدمين للتعيين بوظيفة معلم ومدرس لناحية الدير على قاعة ثانوية العلياء للبنات في مركز الناحية بحضور سلمان داود رئيس لجنة التربية والتعليم في مجلس المحافظة وناطقة ثامر عضو مجلس المحافظة ومدير عام تربية البصرة و مدير ناحية الدير ورئيس وأعضاء المجلس البلدي بالإضافة إلى عدد كبير من المتقدمين للتعيين ووسائل الإعلام.
وذكر مسؤول إعلام التربية باسم القطراني ان عملية إجراء القرعة تمت وسط أجواء شفافة دون حصول أي اعتراض كونها قد أجريت بحسب ضوابط وزارة التربية .

وأضاف تم اختيار 58 معلماً ومدرساً وبواقع 34 معلماً و24 مدرساً من بين 146 متقدماً في مختلف الاختصاصات والتحصيل الدراسي و قام الحضور من المتقدمين والأهالي بسحب القرعة بأنفسهم وعبروا عن قناعتهم بنزاهة التجربة وثمنوا جهود وزارة التربية والمديرية العامة لتربية البصرة على هذه الممارسة المنصفة والتي تحقق العدالة المطلوبة .

roro
02-07-2011, 06:54 AM بتوقيت غرينيتش
اسف طبعا الخبر قديم مانتهت للتاريخ شكرا اختي للتنبيه
عفوا اخي بس اني مهتمة بهذي المديرية بالذات لاني تابعة الهة

نهاد الاصيل
02-07-2011, 07:18 AM بتوقيت غرينيتش
عفوا اخي بس اني مهتمة بهذي المديرية بالذات لاني تابعة الهة
ان شاء الله بالتوفيق باجر القرعه للكرخ الثالثه
ومكان القرعه بالمكان الي قدمنه بي
يعني مدرسة سيف الدلوه الحمداني

نهاد الاصيل
02-07-2011, 04:17 PM بتوقيت غرينيتش
تربية الكرخ الثالثة تحدد الثالث من تموز موعدا لاجراء قرعة التعيينات للمعلمين ومدرسين
و أن يوم الأحد 3 تموز خصص للمتقدمين على قواطع الكاظمية والحرية والعدل والسلام والإسكان ، فيما خصص يوم الثلاثاء 5 تموز لقاطع الشعلة وريفها ، وسيشهد يوم 7 من تموز إجراء القرعة للمتقدمين من قاطعي التاجي والطارمية

ميلو سات
02-07-2011, 07:56 PM بتوقيت غرينيتش
اخ نهاد ..قرعه الرصافة الثانية شنو اخبارها؟؟

ملك العلوم
03-07-2011, 05:25 AM بتوقيت غرينيتش
اخوان اني قدمت على الكرخ الثانية ماكو خبر فد شي

roro
03-07-2011, 08:20 AM بتوقيت غرينيتش
اخوان اني قدمت على الكرخ الثانية ماكو خبر فد شي



السلام عليكم اخ ملك العلوم المفروض اليوم تتم القرعة بالكرخ الثانية والثالثة والله اعلم اذا ما صار تغيير بالموعد بالتوفيق ان شاء الله

باسم الآغا
03-07-2011, 08:53 AM بتوقيت غرينيتش
اولاً مشكور اخ نهاد علة جهودك الرائعة والله يوفقك
سؤالي للجميع شنواخبار قرعة الكرخ الثانية هل جرت؟ وهل علنوا الاسماء؟
تحياتي إلكم.....

احمد البغدادي
04-07-2011, 09:32 AM بتوقيت غرينيتش
اخواني فدوة لعينكم شنو اخبار تربية الكرخ الثالثة وشوكت القرعة وبالنسبة للمحاسبين والاداريين الي طلبوهم شنو اخبارها لحد الان كلشي ما سمعت عنها ارجو الرد من اي احد عندهة اخبار عن الموضوعين ...
سلامي للجميع .......

roro
04-07-2011, 09:46 AM بتوقيت غرينيتش
السلام عليكم اخ احمد اني الي اعرفة انو القرعة مال الكرخ الثالثة البارحة 3/7 وبالنسبة للمحاسبين والاداريين ماعندي علم اتمنى يجاوبوك الاخوة والاخوات بالمنتدى

كاظم الشمري
04-07-2011, 10:23 AM بتوقيت غرينيتش
السلام عليكم
شلونكم شخباركم

مشتاقلكم هواااااااااااااااااااااااية

اليوم الساعه ب 12:30 الضهر مصموط بالشمس بباب التربية مال الرصافة الاولى الي بشارع فلسطين يم نادي التركمان

وجان احصل على الجدول بعد عناء طويل د
ام من الساعه ب 8:30 الصبح

وحبيت لانطيكمياه هدية
واني بالخدمة
والجحدول وياكم على شكل صورة سويته









3525

BOZKURT
04-07-2011, 07:34 PM بتوقيت غرينيتش
شكرا جزيلا اخ كاظم وانشالله الموفقية
بس بيوم القرعة يخلونا نحضر لو لا

احمد البغدادي
04-07-2011, 08:31 PM بتوقيت غرينيتش
السلام عليكم اخ احمد اني الي اعرفة انو القرعة مال الكرخ الثالثة البارحة 3/7 وبالنسبة للمحاسبين والاداريين ماعندي علم اتمنى يجاوبوك الاخوة والاخوات بالمنتدى

الف شكر يارب التوفيق الك وللجميع

عزام العراق11
05-07-2011, 02:38 PM بتوقيت غرينيتش
اخوية العزيز طبعا اشكرررررررررررررررررررررررك جدا للمجهود وانشالله الموفقية والتعين للجميع تحياتي

roro
05-07-2011, 06:34 PM بتوقيت غرينيتش
شكرا للاخ كاظم الشمري على المجهود الرااااااااااااااااائع والمتميز وتمنيت لو احد يروح للكرخ الاولى حتى يعرفلنا الموعد لان الى حد الان ما حددوا موعد للقرعة شوفوا اني شكد حضي فكر كل المديريات حددت موعد بس الكرخ الاولى حسبي الله ونعم الوكيل

صكر
10-07-2011, 09:40 PM بتوقيت غرينيتش
السلام عليكم الكرخ الاولى معلمين+مدرسين+(محاسبين بدون قرعه)

roro
11-07-2011, 06:21 AM بتوقيت غرينيتش
السلام عليكم الكرخ الاولى معلمين+مدرسين+(محاسبين بدون قرعه)

السلام عليكم اخ صكر يعني شنو بدون قرعة ليييييييييش ارجوك جاوب وفهمنا شنو قصدك الله ينطيك العافية

نهاد الاصيل
11-07-2011, 09:10 AM بتوقيت غرينيتش
اخواني الاعزاء
اليوم رحت للمديرية الكرخ الاولى
وسيتم بعون الله القرعه يوم 24 و25 من شهر التموز الحالي في اعداديه المنصور للبنين مقابل معرض بغداد الدولي
الساعه التاسعه صباحا وسيكون القرعه للقاطع ابو غريب يوم 26 من شهر تموز الحالي في قسم ابو غريب
وان شاء الله التوفيق للجميع
المصدر اني رحت وشفت اعلان بالتربيه نفسها
تحياتي الكم

صكر
11-07-2011, 01:44 PM بتوقيت غرينيتش
السلام عليكم اخ صكر يعني شنو بدون قرعة ليييييييييش ارجوك جاوب وفهمنا شنو قصدك الله ينطيك العافية

وعليكم السلام قصدي التقديم على تربية الكرخ الاولى معلمين ومدرسين قرعه لكن اضافتا الهم صار تقديم محاسبين يشمل عدة اقسام بكلية الاداره والاقتصاد ونتائج
المحاسبين بدون قرعه
شعجب محد اداره واقتصاد يعرف بالموضوع

نهاد الاصيل
11-07-2011, 02:04 PM بتوقيت غرينيتش
وعليكم السلام قصدي التقديم على تربية الكرخ الاولى معلمين ومدرسين قرعه لكن اضافتا الهم صار تقديم محاسبين يشمل عدة اقسام بكلية الاداره والاقتصاد ونتائج
المحاسبين بدون قرعه
شعجب محد اداره واقتصاد يعرف بالموضوع
اعلان المحاسبين طبعا صار بي تمديد وخلوه وياهم مو بس محاسبه رادين 30 واحد

roro
11-07-2011, 02:13 PM بتوقيت غرينيتش
وعليكم السلام قصدي التقديم على تربية الكرخ الاولى معلمين ومدرسين قرعه لكن اضافتا الهم صار تقديم محاسبين يشمل عدة اقسام بكلية الاداره والاقتصاد ونتائج
المحاسبين بدون قرعه
شعجب محد اداره واقتصاد يعرف بالموضوع
رحم الله والديك هسة فتهمت

roro
11-07-2011, 02:17 PM بتوقيت غرينيتش
السلام عليكم
نيابة عن اعضاء المنتدى وبالاخص الاعضاء المهتمين بالوضائف والمهتمين بتعيينات تربية الكرخ حصرا اشكر الاستاذ نهاد الاصيل على جهوده المبذولة في التحري عن اخبار القرعة جزاك الله الف خير يا استاذ نهاد

نهاد الاصيل
11-07-2011, 02:44 PM بتوقيت غرينيتش
السلام عليكم
نيابة عن اعضاء المنتدى وبالاخص الاعضاء المهتمين بالوضائف والمهتمين بتعيينات تربية الكرخ حصرا اشكر الاستاذ نهاد الاصيل على جهوده المبذولة في التحري عن اخبار القرعة جزاك الله الف خير يا استاذ نهاد
العفو اختي هذا ابسط شي انقدمه البعضنه
وان شاء الله نسمع اخبار تعينكم كلكم باذن الله
تحياتي الج

هيثم العزاوي
11-07-2011, 09:10 PM بتوقيت غرينيتش
السلام عليكم جميعا يا اهالي الديوانية الكرام ادناه جدول بقرعة التعيينات لمديرية تربية الديوانية وتبدأ القرعة الساعة التاسعة صباحاً بتاريخ 18/7/2011 وتنتهي في 8/8/2011 وسوف تكون القرعة في المراكز التي تم التقديم فيها

(((يعني وين قدم طالب التعيين معاملته في اي مركز يذهب للمكان الي قدم فيه وسوف تكون القرعة في نفس المكان)))
3543

munamoor
11-07-2011, 09:22 PM بتوقيت غرينيتش
شكرا يا وردة عالخبر ، بقت بس محافظة بابل محد يعرف القرعة شوكت

السلام عليكم جميعا يا اهالي الديوانية الكرام ادناه جدول بقرعة التعيينات لمديرية تربية الديوانية وتبدأ القرعة الساعة التاسعة صباحاً بتاريخ 18/7/2011 وتنتهي في 8/8/2011 وسوف تكون القرعة في المراكز التي تم التقديم فيها

(((يعني وين قدم طالب التعيين معاملته في اي مركز يذهب للمكان الي قدم فيه وسوف تكون القرعة في نفس المكان)))
3543

ghass400
15-07-2011, 03:48 PM بتوقيت غرينيتش
السلام عليكم
الرجاء الرجاء الرجاء الله يحفظكم يااخواني هل لديكم علم باي يوم تكون فيه قرعة تربية الكرخ الاولى والثانية والثالثة واسماء الفائزين باقرعة مع الشكرالجزيل

جناح الامل
15-07-2011, 09:40 PM بتوقيت غرينيتش
اخي العزيز اني رحت للتربية الثالثة وكالولي النتائج للقرعة يوم الاثنين القادمة ان شاء الله

صكر
16-07-2011, 05:59 AM بتوقيت غرينيتش
السلام عليكم
الرجاء الرجاء الرجاء الله يحفظكم يااخواني هل لديكم علم باي يوم تكون فيه قرعة تربية الكرخ الاولى والثانية والثالثة واسماء الفائزين باقرعة مع الشكرالجزيل

السلام عليكم
بالنسبه الى تربية الكرخ الاولى سأل الاخ نهاد مشكورا وكان جوابهم
يوم القرعه 24 و 25 من هذا الشهر
مكان القرعه اعدادية المنصور للبنين مقابل معرض بغداد الدولي

ياسر
17-07-2011, 11:06 AM بتوقيت غرينيتش
24-25 /7 القصد
ممنون على التواصل الدائم
وان شاء الله من تطلع الاسماء اتمنه ان تنعلن
بالنسبة للكرخ الاولى

munamoor
18-07-2011, 06:46 AM بتوقيت غرينيتش
مرحبا اخوان
طبعا اليوم كان موعد اجراء القرعة في محافظة بابل بالنسبة للمدرسين وطبعا الحمد لله اسمي مو وياهم لان اصلا سوو استثناء لخريجين كلية الاداب وما دخلوهم بالقرعة اصلا
بس حبيت ابلغكم
وصباح الخير عليكم يا طيبين

نجمة الصباح
18-07-2011, 11:47 AM بتوقيت غرينيتش
تحية طيبة الى الاخوة والاخوات
الى من يعرف متى تكون قرعة تربية الكرخ الثانية ارجو اعلامنا واقصد المتعلقة بالمدرسين او معلمين جامعيين لانه حتى الان لم نعرف اي شي من تربية البياع غير كلمة الاسبوع القادم

نهاد الاصيل
18-07-2011, 05:12 PM بتوقيت غرينيتش
الى جميع الاخوه تم نشر اسماء المقبولين بالتعين في مديرة الكرخ الثالثه
في مبنى المديريه الكائن في مدينة الكاظميه المقدسه
والحمد الله ماطلع اسمي

roro
22-07-2011, 06:31 AM بتوقيت غرينيتش
الى جميع الاخوه تم نشر اسماء المقبولين بالتعين في مديرة الكرخ الثالثه
في مبنى المديريه الكائن في مدينة الكاظميه المقدسه
والحمد الله ماطلع اسمي
السلام عليكم اخ نهاد
لاتزعل اخ نهاد قدر الله وماشاء فعل انت انسان مؤمن بالله وبالقدر والله كريم.. عوظك الله بشي احسن وافظل ..
تحياتي

نهاد الاصيل
22-07-2011, 08:23 AM بتوقيت غرينيتش
السلام عليكم اخ نهاد
لاتزعل اخ نهاد قدر الله وماشاء فعل انت انسان مؤمن بالله وبالقدر والله كريم.. عوظك الله بشي احسن وافظل ..
تحياتي
الله كريم اختي بس والله شسوي مابقى صبر
يعني للشوكت نتنظر
يعني مرور 10 سنوات على التخرج
يعني بعد سنه او سنتين محد يعينه
بس اني صار عندي امل لان شفت واحد من المتعينين عمره 43 سنه نفس اختصاصي هههههههه
يعني لازم انتظر 10 سنوات لخ
والله ان شاء الله ماينسانا

نهاد الاصيل
22-07-2011, 10:49 AM بتوقيت غرينيتش
الأسبوع المقبل قرعة التعيينات في تربية نينوى لشغل 594 درجة وظيفية


21-07-2011


و.أ.عراقيون_ع.ب

أعلنت مديرية تربية نينوى، أن الأسبوع المقبل سيكون موعداً لإجراء القرعة بين المتقدمين لشغل ( 594 ) درجة وظيفية، تشمل المعلمين، والمعلمين الجامعيين، والمدرسين في الموصل والاقضية والنواحي التابعة لمحافظة نينوى، وذكر المعاون الإداري في تربية نينوى عبد العزيز صالح مجذاب أن مواعيد قرعة كل فئة ستحدد الأسبوع المقبل، وأن سبب التأخير في إطلاق هذه الدرجات كان لزخم العمل والعدد الكبير للمتقدمين.

وأضاف المعاون الاداري بان ما يعرف بمجموعة الـ 600 من خريجي التربية الرياضية، ومعهد الفنون الجميلة لعامي 2007-و2008، الذين كانوا مرشحين للوظائف خلال السنوات السابقة، خصص لهم وزير التربية( 200 )من هذه الدرجات، وقسمت إلى قسمين الأول 73% لخريجي التربية الرياضية، و27% لخريجي معهد الفنون الجميلة، وستجري القرعة ايضا لشغل (380) درجة وظيفية لخريجي كليات التربية والتربية الاساسية والرياضية والفنون الجميلة ومعهد المعلمين، ومعهد الفنون الجملية.

وأضاف عبد العزيز مجذاب ان أربعة عشرة درجة وظيفية آخرى سيتنافس عليها خريجو التعليم المهني، وسيكون هناك موعد خاص بالدراسة الكردية والقوميات الأخرى والديانة المسيحية، وبالنسبة للدراسة الكردية سيكون هناك امتحان لجميع المتقدمين وسيتم استبعاد الراسبين، وطمأن عبد العزيز مجذاب المتقدمين للدرجات الوظيفية بانها ستذهب لمن يستحق، وستكون القرعة هي الفيصل.

loverofree
22-07-2011, 02:37 PM بتوقيت غرينيتش
الثلاثاء 26/7 المهني الثامنة صباحا
القوميات والكردي 11 صباحا

الاربعاء 27/7 ماتبقى من ال600 8 صباحا
11 صباحا

الخميس 28/7 المدرسين 8صباحا القيروان- الكوير- المحلبية - الشمال حمام العليل
82/7 المدرسين 12 مساءا البعاج- الحضر- النمرود- العياضية- وانة

السبت 30/7 المدرسين 8 صباحا القحطانية- ربيعة- سنجار- مخمور - القراج
المدرسين 12 مساءا زمار- تل عبطة- الشيخان- الشورة- القوش

الاحد 31/7 المعلم -المعلم الجامعي 8 صباحا تل عبطة- محلبية -وانة
المعلم - المعلم الجامعي 12 مساءا ربيعة - قحطانية- حميدات

الاثنين 1/8 معلم -معلم جامعي 8 صباحا شمال- بعاج- حضر
12 مساءا 12 مساءا القراج- زمار- القيروان



ملاحظة/ تجري القرعة في قاعة الاعدادية الشرقية

نمر البصره
23-07-2011, 12:43 PM بتوقيت غرينيتش
شكرأ على الخبر الاكثر من روعه وياربي الابداع دائما

نمر البصره
23-07-2011, 12:44 PM بتوقيت غرينيتش
روعــــــــــــــــــــــــه

roro
24-07-2011, 06:41 AM بتوقيت غرينيتش
السلام عليكم يا اعضاء المنتدى
سمعت خبر من صديقة تكول اسماء المتعينين بالقرعة طلعت بالنسبة لتربية الرصافة الاولى
وهي اسمهة ماكو وتكول الاغلبية بالتعيين للذكور (بخت) ..
تحياتي لكم جميعا

سمر
24-07-2011, 06:13 PM بتوقيت غرينيتش
السلام عليكم شوكت قرعة الكلرخ الاولى لوزارة التربية

roro
24-07-2011, 06:58 PM بتوقيت غرينيتش
السلام عليكم
عزيزتي سمر قرعة الكرخ الاولى المفروض اليوم بدت 24-25 -26 /7
اول يومين لبلدية المنصور وراح تصير القرعة بمدرسة المنصور مقابل معرض بغداد الدولي واليوم الثالث لابو غريب وراح تصير بابو غريب
واذا تدورين بالمنتدى بالمكان المظلل بالاخضر الغامق راح تشوفين اكو موضوع خاص بالقرعة مال التربية وراح تستفادين كلش هواية منه
تحياتي الج

سمر
25-07-2011, 06:21 PM بتوقيت غرينيتش
هلو اليوم سئلت على القرعة لوزارة التربية الكرخ الاولى وعلى اساس باجر باذن الله يعني 26_7_2011

اياد العراقي
26-07-2011, 12:30 PM بتوقيت غرينيتش
السلام عليكم
اخواني اخواتي اليوم رحت الى تربية الرصافة الثانية ولكيت الاسماء طالعة موجودة بالاستعلامات
فلي المقدم اهناك خلي يراجع وان شاء الله الموفقية للجميع

فخر_الموصل
27-07-2011, 03:52 PM بتوقيت غرينيتش
الثلاثاء 26/7 المهني الثامنة صباحا
القوميات والكردي 11 صباحا

الاربعاء 27/7 ماتبقى من ال600 8 صباحا
11 صباحا

الخميس 28/7 المدرسين 8صباحا القيروان- الكوير- المحلبية - الشمال حمام العليل
82/7 المدرسين 12 مساءا البعاج- الحضر- النمرود- العياضية- وانة

السبت 30/7 المدرسين 8 صباحا القحطانية- ربيعة- سنجار- مخمور - القراج
المدرسين 12 مساءا زمار- تل عبطة- الشيخان- الشورة- القوش

الاحد 31/7 المعلم -المعلم الجامعي 8 صباحا تل عبطة- محلبية -وانة
المعلم - المعلم الجامعي 12 مساءا ربيعة - قحطانية- حميدات

الاثنين 1/8 معلم -معلم جامعي 8 صباحا شمال- بعاج- حضر
12 مساءا 12 مساءا القراج- زمار- القيروان



ملاحظة/ تجري القرعة في قاعة الاعدادية الشرقية

اخي العزيز اود اسأل عن اللي قدموا من المهندسين لياجماعة تابعين نحن من قدمنا كالو المهندسين يقدمون يا على تلسقف او بعشيقة وكان مطلوب 2 او واحد من كل اختصاص وشكرا

صكر
28-07-2011, 04:12 PM بتوقيت غرينيتش
السلام عليكم
نتائج قرعة تربية الكرخ الاولى يوم الاحد 31-7-2011
حسب كلام الخدمه الفرعيه المسؤوله عن شؤون التعيين بالتربيه
لكن اكيد من كان حاضر القرعه يعرف الاسماء مراسلين الاذاعات اشو محد اعلن اي شي

نهاد الاصيل
28-07-2011, 05:17 PM بتوقيت غرينيتش
نفس ماصار بالكرخ الثالثه صارت قرعه ورى اسبوع نشروا الاسماء
ان شاء الله بالتوفيق

صكر
31-07-2011, 03:22 PM بتوقيت غرينيتش
السلام عليكم ورحمة الله

تربية الكرخ الاولى تأجل اعلان اسماء الفائزين بالقرعه الى يوم الاربعاء المصادف 3-8
كلام الشرطه اللي بالباب والله استحيت اصعد الى الخدمه الفرعيه من كثر التأجيلات والمراجعات بما يخص المدرسين او المحاسبين

roro
01-08-2011, 08:40 PM بتوقيت غرينيتش
حسبنا الله ونعم الوكيل ....
اخ صكر انت مقدم على الكرخ الاولى ؟
اني قدمت على الكرخ الاولى ومن يوم القرعة كالوا يوم الثلاثاء تطلع الاسماء

صكر
01-08-2011, 09:07 PM بتوقيت غرينيتش
حسبنا الله ونعم الوكيل ....
اخ صكر انت مقدم على الكرخ الاولى ؟
اني قدمت على الكرخ الاولى ومن يوم القرعة كالوا يوم الثلاثاء تطلع الاسماء

حياج الله اختي العزيزه
اني مقدم على درجات المحاسبين بتربية الكرخ الاولى
لكن اسال لهوايه جماعه اعرفهم
انتي مقدمه على اي قسم
وبصراحه انتو انظلمتو البنات هذي المره لانو 25% فقط للبنات وهذا ظلم

roro
02-08-2011, 09:44 AM بتوقيت غرينيتش
حياج الله اختي العزيزه
اني مقدم على درجات المحاسبين بتربية الكرخ الاولى
لكن اسال لهوايه جماعه اعرفهم
انتي مقدمه على اي قسم
وبصراحه انتو انظلمتو البنات هذي المره لانو 25% فقط للبنات وهذا ظلم


السلام عليكم اخ صكر
اني قدمت على التعليم الثانوي لاني خريجة علوم فيزياء
بس هو اكيد باجر تطلع الاسماء لو هم يشمرونة على الاسبوع القادم ؟ يعني والله تعبنا من كثر التاجيل شوف كل المديريات سوت القرعة وطلعت الاسماء واخر شي هم الكرخ الاولى
الله كريم (التالي ربه عالي )
تحياتي الك اخ صكر

صكر
04-08-2011, 11:26 AM بتوقيت غرينيتش
اعلن اليوم او البارحه اسماء الفائزين بقرعة التعيينات لمديرية تربية الكرخ الاولى وعليهم المراجعه يوم 8-8 مع جلب كافة المستمسكات
فالف الف مبروك ويا رب لبقية اعضاء المنتدى وللجميع

ملاحظه لم تعلن اسماء ابو غريب بعد

نهاد الاصيل
04-08-2011, 11:38 AM بتوقيت غرينيتش
شكرا على نقل الخبر
وان شاء الله التوفيق للجميع

ياسر
04-08-2011, 08:35 PM بتوقيت غرينيتش
وين الكه اسماء المقبولين ممكن الاجابة بالنسبه للكرخ الاولى

صكر
04-08-2011, 08:54 PM بتوقيت غرينيتش
وين الكه اسماء المقبولين ممكن الاجابة بالنسبه للكرخ الاولى

بباب المديريه قبل ما تدخل البااب
مقبول ان شاءالله

banota
05-08-2011, 08:13 AM بتوقيت غرينيتش
عفية ماكو اخبار على قرعه الكرخ الثانية

roro
05-08-2011, 03:48 PM بتوقيت غرينيتش
عفية ماكو اخبار على قرعه الكرخ الثانية


السلام عليكم بنوتة شون الصحة حبيبتي الاسماء مال الكرخ الثانية طلعت من قبل اسبوعين تقريبا وينج انت ؟؟؟
يالله لحكي روحي وشوفي اسمج بلكي طالع
تحياتي

banota
06-08-2011, 08:50 AM بتوقيت غرينيتش
السلام عليكم بنوتة شون الصحة حبيبتي الاسماء مال الكرخ الثانية طلعت من قبل اسبوعين تقريبا وينج انت ؟؟؟
يالله لحكي روحي وشوفي اسمج بلكي طالع
تحياتي
وعليكم السلام تسلمين حبيبتي بس اني متابعه الموقع هنا ماذكرو شي على التربية الثانية يعني انتي رحتي شفتيهه الاسماء لان بصراحه مدااقدر اطلع بالحر وصايمه اريد خبر اكييد

roro
07-08-2011, 04:02 PM بتوقيت غرينيتش
وعليكم السلام تسلمين حبيبتي بس اني متابعه الموقع هنا ماذكرو شي على التربية الثانية يعني انتي رحتي شفتيهه الاسماء لان بصراحه مدااقدر اطلع بالحر وصايمه اريد خبر اكييد


السلام عليكم
اختي العزيزة الاسماء طللعت واني اعرف هذا الخبر من قبل اسبوعين او اكثر لان صديقتي مقدمة عل الكرخ الثانية وجنت على تواصل وياها والى حد يوم الي طلعت الاسماء خابرتها وكالت اسمي ما موجود واغلب الي طلعت اسماءهم ولد .. حبيبتي روحي وتوكلي على الله هو صحيح الحر لايطاق بس روحي هسة الجو شوية زين لان بعد كم يوم تصير الحرارة بل 50 درجة وان شاء الله التوفيق من الله وتتعينين ..

اسراء
07-08-2011, 05:57 PM بتوقيت غرينيتش
السلام عليكم يا اعضاء المنتدى
سمعت خبر من صديقة تكول اسماء المتعينين بالقرعة طلعت بالنسبة لتربية الرصافة الاولى
وهي اسمهة ماكو وتكول الاغلبية بالتعيين للذكور (بخت) ..
تحياتي لكم جميعا


اخوان اخر اخبار تربية الرصافة الاولى انا اليوم الصبح رحت الاسماء لحد هسة مامعلكيها شمرونا على 20_8 القرعة صارت من يوم 12_7 بمعهد المعلمات الرصافة اللي يم نادي التركمان صارت القرعة وراحت والاسماء لهسة ماعلنوها شنو السالفة محد يدري الاسماء شكو اتاخرت هاكد هم محد يدري الظاهر الطريق بيه طسات فبعدها مواصلة الاسماء ههههههههههه شنسوي الله كريم الله على كل ظالم

roro
08-08-2011, 06:21 PM بتوقيت غرينيتش
اخوان اخر اخبار تربية الرصافة الاولى انا اليوم الصبح رحت الاسماء لحد هسة مامعلكيها شمرونا على 20_8 القرعة صارت من يوم 12_7 بمعهد المعلمات الرصافة اللي يم نادي التركمان صارت القرعة وراحت والاسماء لهسة ماعلنوها شنو السالفة محد يدري الاسماء شكو اتاخرت هاكد هم محد يدري الظاهر الطريق بيه طسات فبعدها مواصلة الاسماء ههههههههههه شنسوي الله كريم الله على كل ظالم

السلام عليكم
شونج حبيبتي اسراء رمضان كريم
شنو قصة الاسماء ؟؟؟ ليش الى هسة ماكو ؟؟ هي صارت القرعة من شهر السابع شينتظرون ؟؟ حبيبتي صديقتي الي قدمت عل الرصافة الاولى عدهة عرف بالتربية وكللولها اسمج ما موجود ...

اسراء
09-08-2011, 07:54 PM بتوقيت غرينيتش
السلام عليكم
شونج حبيبتي اسراء رمضان كريم
شنو قصة الاسماء ؟؟؟ ليش الى هسة ماكو ؟؟ هي صارت القرعة من شهر السابع شينتظرون ؟؟ حبيبتي صديقتي الي قدمت عل الرصافة الاولى عدهة عرف بالتربية وكللولها اسمج ما موجود ...

هلا بيج حياتي رمضان كريم عليكم وينعاد بالصحة والسلامة والله حبيبتي الظاهر الجماعة منتظرين الوحي ينزل عليهم يالة يحطون الاسماء والعلم عند الله تحياتي لكي

صكر
09-08-2011, 08:19 PM بتوقيت غرينيتش
ما دام لا يوجد من يحاسبهم اتوقعو كلشي ببلد العجائب

roro
10-08-2011, 03:57 PM بتوقيت غرينيتش
هلا بيج حياتي رمضان كريم عليكم وينعاد بالصحة والسلامة والله حبيبتي الظاهر الجماعة منتظرين الوحي ينزل عليهم يالة يحطون الاسماء والعلم عند الله تحياتي لكي

وهذا الوحي الله اعلم شوكت ينزل ؛؛؛؛
هلا بيج وكل الهلا تحياتي

ميساء
19-08-2011, 09:58 AM بتوقيت غرينيتش
السلام عليكم ... اخواني واخواتي ممكن الي يعرف اسماء المقبولين في تربية الكرخ الثالثة ينزلها او ينطي اسم موقع او رابط بي اسماء المقبولين
مع شكري وتقديري لحضراتكم ........

اسراء
22-08-2011, 05:34 PM بتوقيت غرينيتش
اخواني واخواتي اليوم صباحا ذهبت الى تربية الرصافة الاولى على اساس انهم قالوا لي في المرة الماضية تعالي يوم 20_8 تظهر الاسماء اليوم ذهبت وهو 22 وليس 20 فاذا بهم يقولون لي تعالي بعد العيد ستظهر الاسماء هل رايتم مهزلة اكبر من هذه نشكو الى الله ظلم هذه الحكومة

حمدي حسن
27-08-2011, 07:58 AM بتوقيت غرينيتش
اتمنى التوفيق للجميع