المساعد الشخصي الرقمي

مشاهدة النسخة كاملة : شوفوا اعلان وزارة الزراعة عن نتائج التقديم للتعين وحكمو؟؟؟؟؟



نجمةالمساء
16-06-2011, 02:08 PM بتوقيت غرينيتش
السلام عليكم شفوا الاعلان لعد ليش خلونة انقدم وطلع التعين للعقود والاجور اليومية والله غريبة ؟؟؟؟؟
أعلنت وزارة الزراعة عن إطلاق تعييناتها والتي من بينها المشتغلين بصفة عقود وأجور يومية ومن مختلف الدرجات الوظيفية ومن ضمنها الشركة العامة للتجهيزات الزراعية والتي تعتبر من الشركات الرابحة وقد تم تثبيت العقود والأجور اليومية على الملاك الدائم ومنهم الموظفين العقود والأجور اليومية من الدرجة السادسة وعددهم (4) , ومن الدرجة السابعة وعددهم (319) والدرجة الثامنة وعددهم (190) , والدرجة التاسعة وعددهم (28) والدرجة العاشرة وعددهم (114) والمجموع الكلي عددهم (655) .
والحراس في مركز الشركة والمواقع في بغداد من الدرجة السادسة عددهم (4) , والدرجة السابعة (14) , والدرجة الثامنة (50) , والتاسعة (49) والعاشرة (273) والمجموع (386) .
والحراس في فروع الشركة في المحافظات من الدرجة السادسة عددهم (4) , والسابعة عددهم (2) , والثامنة (74) والتاسعة (51) والعاشرة (468) والمجموع الكلي (595) .
والمجموع الكلي من الدرجة السادسة (4) , والدرجة السابعة (335) , والدرجة الثامنة (314) , والدرجة التاسعة (128) والدرجة العاشرة (855) , والمجموع الكلي (1636) موظف .
وهذا link اقروا الخبر وبلكي اني فهمت غلط يعني القدم شنو مصيرة من هذا الاعلان مدافهم تحياتي الكم نجمةالمساء
http://www.zeraa.gov.iq/newsdet.php?id=659

نهاد الاصيل
16-06-2011, 02:31 PM بتوقيت غرينيتش
هيه مو صارت وزارات صايره عوائل
يعني همه ذوله العقود اكيد اتعين هذا الي جاب اخو
والي جاب ابن عمه
وابن خاله
ماعرف شوكت تنتهي هاي المهزله
بهاي المناسبه خلي اسولف الكم فد سالفه زغيره
هيه هم نفس الموضوع
كبل ايام صار حريق بمحكمة التميز على ماعتقد فاكو موظفه اتخربطت منو هيه مديرة التعينات هناك
اجويه الموظفين عليها كلهم كل واحد يصيح شكل ها عمه ها خاله ها بيبي
طلعت نص الدائره الها والاحفادها
شوكت نخلص بله من ذوله
شكرا يانجمة المساء ان شاء الله يوم تعينج واتصير سوالف

هيثم البياتي
16-06-2011, 02:53 PM بتوقيت غرينيتش
مذكور بالخبر تفاصيل التعينات في الشركة العامة للتجهيزات الزراعية (http://www.zeraa.gov.iq/newsdet.php?id=659) و مذكور (أعلنت وزارة الزراعة عن إطلاق تعييناتها والتي من بينها المشتغلين بصفة عقود وأجور يومية ومن مختلف الدرجات الوظيفية (ومن ضمنها الشركة العامة للتجهيزات الزراعية والتي تعتبر من الشركات الرابحة )هذة الشركة مامعلنة بجدول التعيينات فأحتمال هذه وحد وتعيينات الوزارة وحد بس مامعقولة شركة وحدة بالوزارة ماخذه (1636) موظف وبقية المديريات والهيئات يله 726 درجة شو صايره مهزلة
ومشكورة اخت نجمة على نقل الاعلان

جناح الامل
16-06-2011, 03:00 PM بتوقيت غرينيتش
هههههههههه هسه لو كايلين ها بويه جان فصلتهم من الدائرة واحنه نجي بدالهم


هيه مو صارت وزارات صايره عوائل
يعني همه ذوله العقود اكيد اتعين هذا الي جاب اخو
والي جاب ابن عمه
وابن خاله
ماعرف شوكت تنتهي هاي المهزله
بهاي المناسبه خلي اسولف الكم فد سالفه زغيره
هيه هم نفس الموضوع
كبل ايام صار حريق بمحكمة التميز على ماعتقد فاكو موظفه اتخربطت منو هيه مديرة التعينات هناك
اجويه الموظفين عليها كلهم كل واحد يصيح شكل ها عمه ها خاله ها بيبي
طلعت نص الدائره الها والاحفادها
شوكت نخلص بله من ذوله
شكرا يانجمة المساء ان شاء الله يوم تعينج واتصير سوالف

ثائر
16-06-2011, 04:00 PM بتوقيت غرينيتش
السلام عليكم شباب والله يا جماعة الي كاعد يصير يقهر ويحطم الامال بس اكول كلهة من ايدينا احنة وصلنة هولاء الحفاي الى السلطة وذه النتيجة ماكو غير التغير وطرد الزمر التي جائت من خلف الحدود وتربعت على رقاب العراقيين بسم الدين والمذهب وغيرها من كلاوات . تذكروا قول الامام علي عليه السلام (لا تطلبوا الخير من بطون جاعت ثم شبعت فان الخير شح فيه ) وهذه البطون بطون احزاب السلطة الحاكمة والتي يهمها مليء خزائنهم والترويح عن عوائلهم في اوربا والحصول والحفاض على الجنسية الثانية تحضيرا للفلتة وليذهب العراق وابناء العراق الى الجحيم

لارا
16-06-2011, 04:12 PM بتوقيت غرينيتش
رحمه الله على والديهم ماقصرو ويه الشباب اكيد كل عشيرتهم يشتغلون بالزراعه واخذوه الهم
والف شكر اختي العزيزة على الموضوع تحياتي المهندسة لارا

نهاد الاصيل
16-06-2011, 04:16 PM بتوقيت غرينيتش
والله التغير ثم التغير ثم التغير
يعني صح بعد لازم نتحمل قهر سنتين
بس لازم نخلص منهم
يعني لاتنعاد الكره مره ثالثه
هناك ناس اكفاء وطنين موجودين يعرفون شنو الشعب
والمومن لايلدغ من جحره مرتين
ولازم مايصير اختايرنا على اساس طائفي او عرقي
والله لو تخلصنه من هاي المسميات ومن هذا تلفكير
سيعود العراق الى ابناءه الطيبين الاخيار
نعم للتغير ولا للحكومة العطوات مية يوم او غيرها

hope3_1977
16-06-2011, 04:20 PM بتوقيت غرينيتش
مذكور بالخبر تفاصيل التعينات في الشركة العامة للتجهيزات الزراعية (http://www.zeraa.gov.iq/newsdet.php?id=659) و مذكور (أعلنت وزارة الزراعة عن إطلاق تعييناتها والتي من بينها المشتغلين بصفة عقود وأجور يومية ومن مختلف الدرجات الوظيفية (ومن ضمنها الشركة العامة للتجهيزات الزراعية والتي تعتبر من الشركات الرابحة )هذة الشركة مامعلنة بجدول التعيينات فأحتمال هذه وحد وتعيينات الوزارة وحد بس مامعقولة شركة وحدة بالوزارة ماخذه (1636) موظف وبقية المديريات والهيئات يله 726 درجة شو صايره مهزلة
ومشكورة اخت نجمة على نقل الاعلان


اثني على رأي الاخ هيثم يمكن هاي وحد غير التقديم اللي صار..

ماستر الهندسة
16-06-2011, 05:40 PM بتوقيت غرينيتش
اخوان اهنا الانبار مو ع اساس النا 122 درجة اني كلت هنيالي والله من هسة متعين طلعت البارحة بشاشة قناة الانبار الفضائية عدد الدرجات لكل اختصاص
بالنسبة للهندسة المدنية فقط رايدين درجة واحده لاغير في كل المحافظة
بالله هذا حجي يعني بشرفهم درجة واحده شنو
الله يساعد باقي المحافظات الي درجاتها 14 و 25 وب 30 الله يكون بعونهم لعد

هيثم البياتي
16-06-2011, 06:03 PM بتوقيت غرينيتش
اخوان اهنا الانبار مو ع اساس النا 122 درجة اني كلت هنيالي والله من هسة متعين طلعت البارحة بشاشة قناة الانبار الفضائية عدد الدرجات لكل اختصاص
بالنسبة للهندسة المدنية فقط رايدين درجة واحده لاغير في كل المحافظة
بالله هذا حجي يعني بشرفهم درجة واحده شنو
الله يساعد باقي المحافظات الي درجاتها 14 و 25 وب 30 الله يكون بعونهم لعد


التعيينات قليلة انفتحت الهم مو للناس

التوب جاكم
16-06-2011, 06:33 PM بتوقيت غرينيتش
فعلا صحيح ماستر ورايدين مهندس كهرباءواحد واني بس الي اعرافهم اكثر من 25 مهندس كهرباء قدمنة ما اعرف شلون مقسميهة

roro
16-06-2011, 07:38 PM بتوقيت غرينيتش
والله يااخواني واخواتي ما نكول غير حسبي الله ونعم الوكيل وين يروحون من الله

هيثم العزاوي
17-06-2011, 05:43 AM بتوقيت غرينيتش
أستغفر الله رب العالمين
شنو الحل شباب شنراح نسوي نضل ساكتين كالعادة مو؟

ghassan83
17-06-2011, 06:15 AM بتوقيت غرينيتش
اخوان همه خوش لكولهم طريقة جديدة يجبون جماعتهم ويسولهم عقود وبعدين يكولون هذوله عقود لازم نثبتهم لان الاولية خوش درب واحنه الفقره النه الله بس لشوكت نبقى نكول النا الله لو الله كريم مادري عذرونه لان والله مليت احنه الي نمشي عدل ونخاف الله بالظيم وهذول الفاسدين الحرامية شوف وين وصلو هسه احنه انريد بالحلال رزق على كد العلاكة مو مثل هذول مامحصلي يمعود خلي اسكت احس المن تحجي وتدعي كل فايدة ماكو

hassan aljbory
17-06-2011, 07:58 AM بتوقيت غرينيتش
دجالين الله يلعنهم همه اهل العقود كلهم متعينين بعقود بلواسطات

هيثم البياتي
17-06-2011, 08:09 AM بتوقيت غرينيتش
ذولة بدون دجل ميكدرون يستمرون

ايمن الاسدي
18-06-2011, 07:42 AM بتوقيت غرينيتش
بسم الله الرحمن الرحيم
انتم فاهمين غلط .... لان الاعلان لايشمل الدرجات المعلن عنهاسابقا
تحياتي اخوكم ايمن الاسدي

دلع سمره
18-06-2011, 08:12 AM بتوقيت غرينيتش
علساس اني متأمله على هذه الوزارة ... قدمت على هيئة التصحر

ههههههههههههههههههههههههههههههههههههههههههههههههه

منتظرتهم تره اني .... ههههههههههههه والله مهزلة :((

نجمةالمساء
18-06-2011, 09:39 PM بتوقيت غرينيتش
والله اخوان ياريت فاهمين غلط لئن تعبنة وتحياتي للجميع اني شفت الخبر ونقلتة هوة هوة ودنشوف شنو سالفة والله كريم