المساعد الشخصي الرقمي

مشاهدة النسخة كاملة : الاستفسارات التي تخص اخبار التعينات تجدها هنا



الصفحات : 1 2 3 4 5 [6] 7 8 9 10

اسامة وافتخر
11-09-2011, 07:37 PM بتوقيت غرينيتش
الله كريم كل شباب العراق نفس الحالة يارب الكل تتعين

علي البابلي
11-09-2011, 07:37 PM بتوقيت غرينيتش
نعم اني اخويه قدم عالمحكمه وانقبل وحاليا يداوم واصلا مو هو الي قدم وميدري اني قدمتله ...وطبعا بدون اي واسطه اجته رساله عالموبايل قابل وانقبل بدون عرف

ارخبيل
11-09-2011, 07:38 PM بتوقيت غرينيتش
اختي العزيزة .. الوظيفة مو كلشي بهذه الحياة واذا البشر ما حصل وظيفة ما راح يموت من الجوع ولا راح يبات بالشارع وثاني شي انتي انثى مو ذكر يعني احتياجك للوظيفة مو مثل احتياج الرجل الي هوه يتحمل مسؤوليات العوائل بهذه الحياة فيكون وضعه النفسي اصعب بكثير جدا من الانثى لانه مطلوب منه ان يوفر لقمة العيش بشكل يومي وخاصة اذا كان صاحب عائلة وانا اتكلم هكذا واعذريني لانني وجدت طريقة كلامك تدل على اليأس الكبير والذي يقرأ كلامك لا يصدق ما يقرأ وخاصة انه صادر من أنثى وليس رجل لأن مضمون كلامك يدل على انك لا تستطيعين العيش بدون وظيفة وهذا شيء خاطيء وغير صحيح فتحمدي ربك واصبري ان الله مع الصابرين ولن تكون نهاية حياتك اذا لم تحصلي على وظيفة لانه يوجد لديك من يعيلك حتى لو لم تكوني تملكين دينار واحد فأنت انثى ويوجد هناك من يتكفل برعايتك رغما عنه كأن يكون أبوك او اخوك .. وكلامك هذا يجب ان يقوله الرجل وليس الأنثى لان الرجل هو الذي يتكفل بمعيشة المرأة ويتوجب عليه ان يبحث عن اي عمل حتى يوفر لقمة العيش أما المراة فليس مطلوب منها ان توفر لقمة العيش وتتكفل بمعيشة العائلة اذا كان هناك رجل في البيت .. فتحمدي الله وارضي بما هو مقسوم لك والله من ورائه القصد

ثائر
11-09-2011, 07:43 PM بتوقيت غرينيتش
قرات كل الكلام المكتوب من شكوة الاخت والشباب الطيبين الي صبروها وشاركوها الشكوة طبعا طبعا انا معكم قلبا وقالبا وقلبي يتفطرمن الحال الي وصله الشباب العراقي بس ياشباب اللله كلة كرم بس بعمل وعملنا رفض هذا الواقع المرير والاشتراك في التغير نحو مستقبل افضل وهذا كله اكيد ميصير مع بقاء هذه الشرذمة الذين يقودون العراق اما ان نغير هذا الواقع بالطرق السلمية او ننتظر غزوا جديد لدولة اخرى لتساعدنا في تغير الدكتتاتورية الجديدة والتي اصبحت متمثلة باحزاب سوف تقبع على قلوبنا للقرن القادم مع النهب المتواصل والفساد والقوانين المفصلة على ما يشتهون الحل الوحيد خبطة جديدة تفتر عليهم من شباب وشعب العراق حتى يستطيعون يحكمون نفسهم بنفسهم وارجوا من المراقبين عدم الرفع لن هذه معاناتهم مثل ماهي معاناتنا

fulla
11-09-2011, 08:32 PM بتوقيت غرينيتش
كلامك صح يا ارخبيل بس هم الانثى محتاجه للوظيفه ولعلمك بهالوقت هي محتاجه للوظيفه اكثر من الرجل حتى لو كانت متزوجه تعرف ليش ؟ لان محد يعرف شيصير بالدنيا على ساعه ممكن تلكه هاي الانثى بدون معين لا اخ ولا اب ولا زوج واكيد الكل يعرف الظروف الصعبه والامان المفقود يعني ممكن باي لحظة تلكة نفسها السماء والطارق يعني لو موظفه ممكن تعتمد على نفسها وتعيش اطفالها عيشه كريمه بدون متحتاج لاحد من ضعفاء النفوس اللي ماشاء الله صارو اكثر من النمل لكن اذا هي عايشه معتمده على زوجها مثلا لو اخوها او والدها وفجاه فقدته متتصورون شنو ظرف هاي المسكينه وشلون حتصير حياتها عالاقل يا اخواني الرجل يكدر يشتغل اي شغله يكعد بالسوك يبيع حتى لو مخضر بس المره احد يكولي اذا مرة وحيده مع اكثر من طفل شلون تعيش وتعيشهم بمجتمع مثل اللي عايشين بي ؟؟؟؟؟ او حتى لو اشتغلت شتشتغل سكرتيره بمكتب ؟؟؟او عامله بمعمل يتحكم برزقها اليسوى واللي ميسوى من اصحاب العمل الخاص؟؟؟

ترا محد يحس بمرارة الموقف غير اللي يمر بي

تحياتي والله يرزق الكل ان شاءالله

جناح الامل
11-09-2011, 11:22 PM بتوقيت غرينيتش
عزيزتي اخت fulla الاخ ارخبيل يقصد انه الرجل محتاج للوظيفة اكثر من المرأة في المجتمع الاسلامي بغض النظر عن الوضع في داخل اي بلد و مهما كانت الظروف وحسب كلامك بأن الرجل اسوأ احتمال يكدر يبيع مخضر ..وانا بدوري اقول لك بأن المرأة اسوأ احتمال لها لو فقدت كل الرجال حولها بأمكانها ان تدخل دورات في الخياطة وتصبح خياطة ,,,عموما هذا ليس موضوعنا .. واكثر الاسباب الرئيسية لعزوف الرجال عن الزواج هو عدم استقرارهم المادي وعدم ايجادهم العمل والبطالة والتعيين في دوائر الدولة هو ضمان لهم ولمستقبل زوجاتهم او امهاتهم ...ولو فرضنا بأن رجل غير متعين وتقدم لخطبة فتاة ..فأنه اول السؤال من ولي امرها
(شنو تشتغل ابني* فأذا كان لديه عمل او متعينا في الحكومة فأنه اجتاز هذه النقطة,,,,اما اذا كان العكس ...فألجواب الرفض بشكل قاطع .. بعكس المرأة لأنها حتى لو كانت غير موظفة فأنها تنتظر المعيل لها ولعائلتها وانا معك بأن المرأة نصف المجتمع ولها دور اساسي في المشاركة مع الرجل في ظروف الحياة ,,لأن وراء كل رجل عظيم أمرأة

تقبلي مروري اختي الكريمة





كلامك صح يا ارخبيل بس هم الانثى محتاجه للوظيفه ولعلمك بهالوقت هي محتاجه للوظيفه اكثر من الرجل حتى لو كانت متزوجه تعرف ليش ؟ لان محد يعرف شيصير بالدنيا على ساعه ممكن تلكه هاي الانثى بدون معين لا اخ ولا اب ولا زوج واكيد الكل يعرف الظروف الصعبه والامان المفقود يعني ممكن باي لحظة تلكة نفسها السماء والطارق يعني لو موظفه ممكن تعتمد على نفسها وتعيش اطفالها عيشه كريمه بدون متحتاج لاحد من ضعفاء النفوس اللي ماشاء الله صارو اكثر من النمل لكن اذا هي عايشه معتمده على زوجها مثلا لو اخوها او والدها وفجاه فقدته متتصورون شنو ظرف هاي المسكينه وشلون حتصير حياتها عالاقل يا اخواني الرجل يكدر يشتغل اي شغله يكعد بالسوك يبيع حتى لو مخضر بس المره احد يكولي اذا مرة وحيده مع اكثر من طفل شلون تعيش وتعيشهم بمجتمع مثل اللي عايشين بي ؟؟؟؟؟ او حتى لو اشتغلت شتشتغل سكرتيره بمكتب ؟؟؟او عامله بمعمل يتحكم برزقها اليسوى واللي ميسوى من اصحاب العمل الخاص؟؟؟

ترا محد يحس بمرارة الموقف غير اللي يمر بي

تحياتي والله يرزق الكل ان شاءالله

sicalshams
12-09-2011, 07:04 AM بتوقيت غرينيتش
بشرى سارة للعبدة الفقيرة ولكل اعضاء المنتدى الكرام

اعلن في راديو السلام يوم امس الاحد 11 ايلول 2011 باطلاق تعيينات ميزانية العام 2011 لتعيين 120 الف فرصة عمل على عموم العراق بناءا على تصريح من مجلس الوزراء


اتمنى للجميع التوفيق في حالة صدق الخبر وللعبدة الفقيرة نوم رغيد وحلم مديد بتعيين سديد


والله على ما اقول شهيداً الخبر مثل ما نقل لكم
الا اني لم اصدق مثل هذه الوعود النكراء
والله وحده الموفق .. وهو حارسكم الامين

العبدة الفقيرة
12-09-2011, 07:14 AM بتوقيت غرينيتش
اختي العزيزة .. الوظيفة مو كلشي بهذه الحياة واذا البشر ما حصل وظيفة ما راح يموت من الجوع ولا راح يبات بالشارع وثاني شي انتي انثى مو ذكر يعني احتياجك للوظيفة مو مثل احتياج الرجل الي هوه يتحمل مسؤوليات العوائل بهذه الحياة فيكون وضعه النفسي اصعب بكثير جدا من الانثى لانه مطلوب منه ان يوفر لقمة العيش بشكل يومي وخاصة اذا كان صاحب عائلة وانا اتكلم هكذا واعذريني لانني وجدت طريقة كلامك تدل على اليأس الكبير والذي يقرأ كلامك لا يصدق ما يقرأ وخاصة انه صادر من أنثى وليس رجل لأن مضمون كلامك يدل على انك لا تستطيعين العيش بدون وظيفة وهذا شيء خاطيء وغير صحيح فتحمدي ربك واصبري ان الله مع الصابرين ولن تكون نهاية حياتك اذا لم تحصلي على وظيفة لانه يوجد لديك من يعيلك حتى لو لم تكوني تملكين دينار واحد فأنت انثى ويوجد هناك من يتكفل برعايتك رغما عنه كأن يكون أبوك او اخوك .. وكلامك هذا يجب ان يقوله الرجل وليس الأنثى لان الرجل هو الذي يتكفل بمعيشة المرأة ويتوجب عليه ان يبحث عن اي عمل حتى يوفر لقمة العيش أما المراة فليس مطلوب منها ان توفر لقمة العيش وتتكفل بمعيشة العائلة اذا كان هناك رجل في البيت .. فتحمدي الله وارضي بما هو مقسوم لك والله من ورائه القصد
شكرا اخي الطيب على كلامك وهو فعلا صحيح لكن بهذا الوقت المرأة احوج الى الوظيفة من الرجل
ظروف صعبة قد يعيشها الانسان لامالية الحمد لله مستورة وعايشة بخير الله واهلي بس الاهم هي النفسية

بالنسبة للرجل الف شغلة يكدر يشتغل مو شرط الا التعيين!!!

واني اتمنالكم الخير اكثر من نفسي الله الشاهد
اني ماشكيت لكن طلبت العون

بعض الاخوان ساعدوني بالصبر والفرج فسرني كلامهم و وجدت اغلبهم مامتعين اشويه اتهون عليه!!!

لكن من الكه تأنيب انقهر حتى بهاي هم !!!!

العبدة الفقيرة
12-09-2011, 07:16 AM بتوقيت غرينيتش
كلامك صح يا ارخبيل بس هم الانثى محتاجه للوظيفه ولعلمك بهالوقت هي محتاجه للوظيفه اكثر من الرجل حتى لو كانت متزوجه تعرف ليش ؟ لان محد يعرف شيصير بالدنيا على ساعه ممكن تلكه هاي الانثى بدون معين لا اخ ولا اب ولا زوج واكيد الكل يعرف الظروف الصعبه والامان المفقود يعني ممكن باي لحظة تلكة نفسها السماء والطارق يعني لو موظفه ممكن تعتمد على نفسها وتعيش اطفالها عيشه كريمه بدون متحتاج لاحد من ضعفاء النفوس اللي ماشاء الله صارو اكثر من النمل لكن اذا هي عايشه معتمده على زوجها مثلا لو اخوها او والدها وفجاه فقدته متتصورون شنو ظرف هاي المسكينه وشلون حتصير حياتها عالاقل يا اخواني الرجل يكدر يشتغل اي شغله يكعد بالسوك يبيع حتى لو مخضر بس المره احد يكولي اذا مرة وحيده مع اكثر من طفل شلون تعيش وتعيشهم بمجتمع مثل اللي عايشين بي ؟؟؟؟؟ او حتى لو اشتغلت شتشتغل سكرتيره بمكتب ؟؟؟او عامله بمعمل يتحكم برزقها اليسوى واللي ميسوى من اصحاب العمل الخاص؟؟؟

ترا محد يحس بمرارة الموقف غير اللي يمر بي

تحياتي والله يرزق الكل ان شاءالله

شكرا على هذه الكلمات وما خفي اعظم منكدر كلشي نحجي

وربي يرزقج من اوسع ابوابه

الاعظمي
12-09-2011, 07:23 AM بتوقيت غرينيتش
اكو ب60 ورقة عالنفط اذا تريدين دزيلي عالخاص

وسام مشرف
12-09-2011, 08:25 AM بتوقيت غرينيتش
ممكن اخر اخبار تعينات هيئة الدعاوي الملكية والى السيد ارخبيل ممكن تعاونك معاي

عطر الياسمين
12-09-2011, 08:58 AM بتوقيت غرينيتش
السلام عليكم

طبعآ اني هم امأيسة بس عندي امل ضعيف لأن زوجي العام قدم على مصرف الرافدين والحمداللة انقبل وبدون واسطة وهو حاليآ دايداوم وبعدنة ممصدكين لأن التعين صار معجزة ابلدنة......بس نتفائل وانقدم واللة كريم

عطر الياسمين
12-09-2011, 09:07 AM بتوقيت غرينيتش
اللة كريم
بس على حد علمي تعينات المصارف اطول لأن اذا تذكرون العام فتحو تعينات بمصرف الرافدين ورة سبعة اشهر يلة طلعت الاسماء ورة اربعة اشهر يلة طلعت صحة الصدور وهذا الحجي اكيد

ارخبيل
12-09-2011, 09:41 AM بتوقيت غرينيتش
اخواني الاعزاء انتم لم تتمعنوا فيما كتبته جيدا ولو نظرتم الى السطر ما قبل الأخير لعذرتموني والله تمعنوا في السطر ما قبل الأخير وانظروا ماذ كتبت وهذا نصه

(( أما المراة فليس مطلوب منها ان توفر لقمة العيش وتتكفل بمعيشة العائلة اذا كان هناك رجل في البيت))

انا قلت اذا كان هناك رجل في البيت... صحيح كلامي ؟؟؟

اذا انا مع توظيف المراة التي لا يوجد لها معيل وانا اول المدافعين عن حقوقها والله يشهد على كلامي .. والكلام الذي كتبته هو للنساء اللواتي يوجد لهن معيل يتكفل بمعيشتهن وليس للنساء اللواتي لا يوجد لهن معيل فأنا مع توظيف هؤلاء النسوة اللواتي لا يوجد لهن معيل واقدمهن على الرجل بخصوص مسألة التوظيف وانا اسف جدا جدا للاخت العبدة الفقيرة اذا ما كان كلامي جارحا لها واحست بتأنيب الضمير فأنا اسف جدا جدا وارجوا ان تعذروني

ارخبيل
12-09-2011, 09:49 AM بتوقيت غرينيتش
اخي العزيز لا يوجد اي خبر جديد بخصوص هيئة دعاوي الملكية ونحن مثلك والله ننتظر الفرج من هؤلاء الذين لا يفكرون بمعاناتنا فهم مرتاحين ويستلمون رواتبهم كل شهر ولا يهتمون بنا اذا متنا او جعنا او تشردنا او احتجنا او كان علينا دين او لا نملك دينار واحد في جيوبنا فهم مرتاحين ومسيطرين عالوضع لانهم يستلمون وراتبهم ولذلك تجدهم يقومون بأعمالهم ببطء شديد وخاصة في مسألة التعيينات فلو اتصلت بهم الأن لأجابوك بأنهم ما زالوا يقومون بفرز المعاملات والأسماء وستاخذ هذه العملية بعض الوقت وارجوا منك اخي العزيز ان تفتح موقع هيئة دعاوي الملكية بشكل يومي لأنهم سوف ينشرون فيه كل ما هو جديد بخصوص تعيينات هيئة دعاوي الملكية ونحن مثلك اخي ننتظر ولكني ساتصل بأحد اصدقائي الموظفين ((الله يكرم)) في هيئة دعاوي الملكية لأستفسر منه عن اخر اخبار التعيينات وما يكون خاطرك ألا طيب

هباوي الدلوعة
12-09-2011, 10:13 AM بتوقيت غرينيتش
اختي والله كلنة طاكة روحنة اني خريجة هندسة تبريد وادمرت لما اخذت الشهادة ومبقيت احد مرحتلة من الكرايب ومن الغربة علمود التعيين وفلوس وانطيت بس ماكو فائدة وانشاء الله يفرجها عليج وعلينة كلنة بس اندعي والله كريم

عبدالله زيونة
12-09-2011, 11:31 AM بتوقيت غرينيتش
اختي انتي خريجه الحاسبات اذا انتي 2008 اني من 1999 دبلوم فني مساحة 12 سنة خبرة مشاريع مدني طرق وجسور وقناوات اروائية وانارة وتقسيم اراضي وغيرها من الامور المساحية وحاصل على هوية خبراء المساحة من اسستئناف ديالى ومخليت مكان ماقدمت وكله ماكو تحياتي

صكر
12-09-2011, 02:57 PM بتوقيت غرينيتش
السلام عليكم
نعم اخي العزيز وزارة العلوم والتكنولوجيا-الجامعه التكنولوجيه-التربيه-واخيرا الهيئه العراقيه للحاسبات
والله شاهد على كلامي ومتاكد من الجميع ما عدا ابو التربيه ما اعرفه لكن ما عنده واسطه لان الرجل بالصدفه قره اسمه وطار من الفرح

alioop
13-09-2011, 04:31 PM بتوقيت غرينيتش
السلام عليكم اخواني الاحبة ممكن بلازحمة قوائم المقبولين بوزارة الهجرة والمهجرين مع جزيل الشكر والتقدير اخوكم alioop:sad:

منير النجدي
14-09-2011, 06:28 PM بتوقيت غرينيتش
السلام عليكم ممكن تعرفون موعد تقديم المهد العالي شوكت وشكرا

احمد البغدادي
14-09-2011, 07:58 PM بتوقيت غرينيتش
السلام عليكم ممكن تعرفون موعد تقديم المهد العالي شوكت وشكرا

السلام عليكم اخواني في المنتدى
اخي العزيز بالنسبة للمعهد العالي ما معروف لحد الان الموعد للتقديم والدورة الي قبلها كانت في 15\9 وللان ما اعلنت الاسماء لان تأجلت على هذي السنة والله ارحم الراحمين انتظر وتابع موقع الداخلية http://www.moi.gov.iq/ وادخل على تكنلوجيا المعلومات ويارب التوفيق لك وللجميع

الاعظمي
15-09-2011, 07:24 AM بتوقيت غرينيتش
بشرى سارة للعبدة الفقيرة ولكل اعضاء المنتدى الكرام

اعلن في راديو السلام يوم امس الاحد 11 ايلول 2011 باطلاق تعيينات ميزانية العام 2011 لتعيين 120 الف فرصة عمل على عموم العراق بناءا على تصريح من مجلس الوزراء


اتمنى للجميع التوفيق في حالة صدق الخبر وللعبدة الفقيرة نوم رغيد وحلم مديد بتعيين سديد


والله على ما اقول شهيداً الخبر مثل ما نقل لكم
الا اني لم اصدق مثل هذه الوعود النكراء
والله وحده الموفق .. وهو حارسكم الامين
والله ياخوية هاي بشرى سارة للاحزاب وكرايب الوزراء احنا مالنا مكان بالدولة بعد لان تعيين طائفي ومحسوبية ورشاوي وعلى كولات شخص مرتشي الي يتعين فايلة لازم يجتاز 15 حاجز وميمشي كلة بفلوس الوزارة الوحيدة الي بيها واسطات هي الكهرباء والباقي كلة بفلوس وارخص تعيين بالتربية 20 ورقة والنفط هسة يذبك محافظات ب6000 دولار بيجي شدة ونص بغداد شدة التعليم 75 ورقة والباقي كلة حسبة 40 وجوة

ساره البغداديه
15-09-2011, 07:50 AM بتوقيت غرينيتش
عزيزتي والله اريد انصحج ومن كل كلبي حتى ترتاحين ومتبقين متعبه نفسج والدنيا متسوه تعب حتكبرين وتندمين ع هاي الكأبه الي معيشة نفسج بيها مادام هسه عندج صحه وعافيه وشابه اشتغلي حتى لو باهلي او باي مكان حتى لو مو باختصاصج ترى ميفيد ه>ا انتظارج علمود تعيين حكومي لان حرامات عمرج هيج والله يتولانه برحمته ويقوينه حتى نصبر ولو بالأمل

ايمن الاسدي
15-09-2011, 08:21 AM بتوقيت غرينيتش
الله كريم ..........................ززز

@فراشة البصرة@
15-09-2011, 09:36 AM بتوقيت غرينيتش
الله يوفقج ويوفق الجميع ان شالله ويرتاح بالج ..

ياسر التميمي
15-09-2011, 07:55 PM بتوقيت غرينيتش
اتساءل عن اسماء الجنسية لمحافظة بغداد وين صارت ارجو اسعافي بل الاجابة

sicalshams
16-09-2011, 06:44 AM بتوقيت غرينيتش
ظهرت جميع اسماء المحافظات في مديريات الجنسية .. ربما بغداد ايضا ظهرت في مديرية الجنسية العامة .. نصيحتي لك وللاخرين مراجعة مديريات الجنسية في بغداد والمحافظات كافة للتعرف على نتائج التقديم
والتوفيق للجميع

مصطفى الخزاعي
16-09-2011, 10:11 AM بتوقيت غرينيتش
السلام عليكم جميعا
اخوني لقد تم مؤخرا فتح الكليه العسكريه بالرستميه
سؤالي هو هل يقبلون خرييجين الكليات
وسؤالي الثاني هل تم فتح الكليه العسكره الثانيه الي بالناصريه
لانه حسب معلوماتي انه الكليه العسكريه مال الناصريه تقبل فقط كليات
انا خريج هندسه حاسبات لكنت اريد التقديم على الكليه العسكريه
ارجو الرد



اخوكم مصطفى ارجو مساعدتي بهذا الموضوع مع جزيل الشكر مقدما......

السفاح22
16-09-2011, 11:28 AM بتوقيت غرينيتش
وزارة الدفاع تفتح باب التقديم للقبول بدورة الكلية العسكرية (103 أعلن مصدر مسؤول في وزارة الدفاع عن فتح باب التقديم للقبول بدورة الكلية العسكرية رقم (103 لخريجي الدراسة الإعدادية (حصرا) بفرعيها العلمي بمعدل 65% و الأدبي بمعدل 70% على أن لا يقل عمر المتقدم عن 18 سنة ولا يزيد عن 22 سنة للفترة من 5/9/2011 و لغاية 30/11/2011 .في مقر الكلية العسكرية في الرستمية

هذا نص اعلان وزارة الدفاع
ولتاكد ادخل على هذا الرابط
وزارة الدفاع العراقيه (http://www.mod.mil.iq/index.html)

نباوي العراقي
16-09-2011, 02:51 PM بتوقيت غرينيتش
أخوية العزيز الأعلان جداً صريح فقط لخريجي الدراسة الاعدادية
والكليات غير مشمولة بالدورة
الجماعة بعد ميردون كليات لان عجزوا من التفكير بالتعيين يردون كل أعدادية صغار
تحيااااااااااتي لك وبالتوفيق

مصطفى الخزاعي
16-09-2011, 03:07 PM بتوقيت غرينيتش
اخواني ارجو الاجابه عن السؤال الثاني
الي يخص الكليه العسكريه الثانيه الي بالناصريه

sicalshams
16-09-2011, 04:02 PM بتوقيت غرينيتش
لدوخ .. ماكو بالناصرية الان

المهندسه الحالمه
16-09-2011, 09:51 PM بتوقيت غرينيتش
السلام عليكم , اخوان شنو اخر اخبار الجامعه الاسلاميه ماطلعت الاسماء ؟

نباوي العراقي
16-09-2011, 09:55 PM بتوقيت غرينيتش
السلام عليكم , اخوان شنو اخر اخبار الجامعه الاسلاميه ماطلعت الاسماء ؟

لالا بعده ماطالة
تحيااااااااتي وبالتوفيق

ابو الزووز
17-09-2011, 05:29 AM بتوقيت غرينيتش
ماهي اخبار تعيينات دائرة مكافحة الارهاب؟؟؟؟ نحن ننتظر منذ شهرين ولم يتصلوا بنا فلمن يعرف اية معلومات ارجوكم انت تطلعونا على ماتعرفونه من اخبار

منيف حبيب
17-09-2011, 11:03 AM بتوقيت غرينيتش
السلام عليكم
ماهية اخر مستجدات تعينات وزارة الزراعة

شكو ماكو
17-09-2011, 11:16 AM بتوقيت غرينيتش
عيني الزراعة مو مواسم الظاهر تعييناتهم هم هيج من الموسم للموسم

m.zeng
17-09-2011, 11:18 AM بتوقيت غرينيتش
من تاءنى اصاب مايتمنى

يوسف
17-09-2011, 11:27 AM بتوقيت غرينيتش
اخي السائل على جهاز مكافحة الارهاب حسب علمي ان اخر يوم كان يوم5/9اي بعد العيد مباشرة الالتحاق لان كالوعاى جميع المتصلين بيهم الالتحق بهذا التاريخ


للامانه منقول من المنتدى قبل العيد

تحياتي اخوك/ انتر نت المواهب

عاشق بغداد
17-09-2011, 12:30 PM بتوقيت غرينيتش
السلام عليكم اخوان احد عنده معلومات بخصوص المقابلات الخاصة لديوان الوقف الشيعي للاختصاص ادارة الاعمال لمحافظة بغداد وكذلك وزارة الهجرة والمهجرين ايظا للاختصاص ادارة الاعمال لمحافظة بغداد رجاءا الي عنده خبر يبلغنا وشكرا مقدما

نمر البصره
17-09-2011, 04:44 PM بتوقيت غرينيتش
اخي العزيز انا قابلت مقابلتين في جهاز مكافحة الارهاب والاخيره كانت يوم 27-7-2011م ولحد هذه اللحظه لم يتم الاتصال بي علما اني خريج علوم حاسبات
اما بخصوص من التحق بعد العيد بتاريخ 6-9 هم الاستخبارات العسكرية
ارجو الانتظار ان شاء الله سوف يتصلون بكم

mtun
17-09-2011, 06:37 PM بتوقيت غرينيتش
بخصوص وزاره الماليه هل صحيح ظهرت اسماء التعيينات الي امقدمين عليه واذا لم تظهر فمتى تظهر الاسماء

شكو ماكو
17-09-2011, 07:16 PM بتوقيت غرينيتش
تعيينات وزارة المالية كانت محدد بماجستير والدكتوراه وعدد قليل اليقابليهم

عبد الحسنين
17-09-2011, 07:35 PM بتوقيت غرينيتش
الأن ارجوا منك الدخول الى رابطة المهندسين العراقيين لقاء مباشر مع المالية يبدأ اللقاء الساعة ال9 مساء لهذا اليوم واذا عندك اي استفسار
ارجوا الدخول بصوره عاجلة واضافة رابطة المهندسين العراقيين على الفيس بوك لان الوقت يمضي
http://www.facebook.com/pages/رابطة-المهندسين-العراقيين/164674093597454

محمدالربيعي
17-09-2011, 10:18 PM بتوقيت غرينيتش
من قرأ هذا الدعاء وأخبر الناس به فرّج الله همّه
.
.
.

... يا الله
يا كريم
يا أول
يا آخر
يا مجيب
يا فارج الهمّ،
ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين
قال صلّى الله عليه وسلّم
"من قرأ هذا الدعاء وأخبر الناس به فرّج الله همّه
احنه صابرين صار مده ولحد الان كل شي ماكو

mktb
17-09-2011, 11:14 PM بتوقيت غرينيتش
الله يساعدج ويساعد كل الموجودين.... تاملي خير والله كريم

zizo
18-09-2011, 07:01 AM بتوقيت غرينيتش
السلام عليكم ممكن واحد عندة خبر بنسبه اهيئة دعاوى الملكية مكتب المفتش العام اشصار التعينات مالتهه مطلعت اسامي المقبلولين للتعين او بنسبة لوزارة المالية هيئة السدود هم مطلعت الاسامي المقبولين للتعيين مو صالهه ثلاث اشهر او ماكو خبر ممكن واحد يعرف وشكرا

نصربابل
18-09-2011, 07:15 AM بتوقيت غرينيتش
نسال الله لك التوفيق
ونطلب ممن له معلومة ان لا يبخل عليك

ارخبيل
18-09-2011, 09:50 AM بتوقيت غرينيتش
اخي العزيز بالنسبة لمكتب المفتش العام هيئة دعاوي الملكية فقبل اقل من شهر تقريبا اتصل بهم الأخ نهاد الأصيل والأخ هاشم كوردستاني وابلغوهم بان الأسماء رفعت الى وزارة المالية لغرض الموافقة على تعيينهم ومنذ ذلك الوقت ولحد هذه اللحضة لا يوجد أي خبر أخر وتستطيع الأتصال بهم على الهواتف التالية وسيردون عليك بسرعة ويبلغوك باخر التطورات وارجو ان تبلغنا بما يقولونه لك في حال اتصلت بهم وهذه الهواتف

لإتصال بمكتب المفتش العام لهيئة دعاوى الملكية على الارقام :- ب


07903299737 - 07808678067

srdarhazm
18-09-2011, 02:26 PM بتوقيت غرينيتش
هل يوجد معلومات.. عن اسماء المتقدمين على التعيين بصفه شرطي في مديرية جنسيه للمحافظات

ارجو الرد وشكرا

srdarhazm
18-09-2011, 02:40 PM بتوقيت غرينيتش
هل يوجد معلومات.. عن اسماء المتقدمين على التعيين بصفه شرطي في مديرية جنسيه للمحافظات (http://www.radiodijla.com/forums/showthread.php?50176-%D9%87%D9%84-%D9%8A%D9%88%D8%AC%D8%AF-%D9%85%D8%B9%D9%84%D9%88%D9%85%D8%A7%D8%AA..-%D8%B9%D9%86-%D8%A7%D8%B3%D9%85%D8%A7%D8%A1-%D8%A7%D9%84%D9%85%D8%AA%D9%82%D8%AF%D9%85%D9%8A%D 9%86-%D8%B9%D9%84%D9%89-%D8%A7%D9%84%D8%AA%D8%B9%D9%8A%D9%8A%D9%86-%D8%A8%D8%B5%D9%81%D9%87-%D8%B4%D8%B1%D8%B7%D9%8A-%D9%81%D9%8A-%D9%85%D8%AF%D9%8A%D8%B1%D9%8A%D8%A9-%D8%AC%D9%86%D8%B3%D9%8A%D9%87-%D9%84%D9%84%D9%85%D8%AD%D8%A7%D9%81%D8%B8%D8%A7%D 8%AA)

السنبلة
18-09-2011, 04:26 PM بتوقيت غرينيتش
اي والله اذا اكو احد يعرف عن اسماء جنسية نينوى اكون ممنون له

تحياتي

أعصار
18-09-2011, 04:34 PM بتوقيت غرينيتش
اخواني الاسماء طالعة في مديرية جنسية نينوى الي يريد يشوف الاسماء يروح للمديرية اني اليوم رحت وشفت الاسماء
واسمي ماكو شبعت قهر ورجعت ............

alioop
18-09-2011, 08:44 PM بتوقيت غرينيتش
مهندس المواد عندما يقدم بالتعيينات ماذا يقول وهو لم يذكر في اي طلب بالتعيينات ارجو المساعدة اخوكم الموادي المظلوم:sad:

حنش
18-09-2011, 09:26 PM بتوقيت غرينيتش
ماذا عن الاسماء في مديرية جنسية محافظة البصرة هل ظهرت ؟ وجزاكم الله خير ووفقكم لكل خير

صكر
18-09-2011, 09:27 PM بتوقيت غرينيتش
ممكن اعرف نهاية تعيينات الهيئة العراقية للحاسبات والمعلوماتية شصار! من فترة طويله واحنا منتظرين رد من الموقع الرئيسي ما
حصلنا اي شي ولا حتى رد اخواني الي يعرف او عنده خبر خلي يسولــــــفـــــــــنا علسوا التعيينات علينا بعد المقابلة لو بعدها
تنتظر العلس من قبل مليشيات التعيين!!!!!!!!!!


السلام عليكم
اخويا الاسماء طالعه صار فتره بمقر الهيئه وكتب احد الاخوان موضوع بالمنتدى بهذا الخصوص واني راجعتهم لانو وزير التعليم العالي خول صلاحية التعيين الى رؤساء الجامعات والهيئات دون الرجوع للوزاره توكل على الله وان شاءالله مقبول

مصطفى الخزاعي
19-09-2011, 10:31 AM بتوقيت غرينيتش
اخون ماهي معلوماتكم بخصوص المعهد العالي للتطوير الامني والاداري
انا اريد اي كليه عسكريه او اي دوره مال ضباط باي مكان انا موافق
ارجو ان يخبرني اي احد اذا كان اكو مفتوح باي مكان
مع جزيل الشكر

المهندسه الحالمه
19-09-2011, 12:30 PM بتوقيت غرينيتش
السلام عليكم
اني مهندسة مواد , من اقدم للتعين اكول اني مهندسة مواد , واني سمعت انو وزارة الصناعه , وزارة النفط , وزارة الكهرباء يطلبون هندسة مواد بس البمشكله لحد الان لامافاتحين تعينات , والله كريم ان شاء الله التوفيق للكل

alioop
19-09-2011, 01:21 PM بتوقيت غرينيتش
مشكورة علرد منكول غير الله كريم

السنبلة
19-09-2011, 01:30 PM بتوقيت غرينيتش
من 2006 متخرج وكل يوم اتلكه بوري

اي والله حبيبي عمرنا كله قهر اليوم رحت وهم ماطالع اسمي اني اخاف الجماعة مغيرين الاسماء

لا حول ولا قوة الا باله العلي العظيم

الله على الظالم يمهل ولا يهمل



اخواني الاسماء طالعة في مديرية جنسية نينوى الي يريد يشوف الاسماء يروح للمديرية اني اليوم رحت وشفت الاسماء
واسمي ماكو شبعت قهر ورجعت ............

أعصار
19-09-2011, 03:07 PM بتوقيت غرينيتش
من 2006 متخرج وكل يوم اتلكه بوري

اي والله حبيبي عمرنا كله قهر اليوم رحت وهم ماطالع اسمي اني اخاف الجماعة مغيرين الاسماء

لا حول ولا قوة الا باله العلي العظيم

الله على الظالم يمهل ولا يهمل



والله اني هم متخرج من 2007 وشلون تاليتها ماادري والله ملينه وطكت روحنه
لاحول ولاقوة لا بالله ..............

القطان
19-09-2011, 04:30 PM بتوقيت غرينيتش
تحيه طيبه اخوان شنو اخبار هيئة دعاوى الملكيه اكو احد اتصلو بيه بعد المقابله الي جرت في رمضان......... ارجو الرد ششششششششششكرا

نباوي العراقي
19-09-2011, 04:48 PM بتوقيت غرينيتش
أن شاء الله الي عنده معلومة يقدمه للجميع
بالتوفيق للجميع
تحياااااااااتي

شكو ماكو
19-09-2011, 05:28 PM بتوقيت غرينيتش
سلام عليكم البارحة اتصلت بمكتب مفتش عام الهيئة وطبعا قالوا بعد ماكو شي جديد

king_88
19-09-2011, 07:58 PM بتوقيت غرينيتش
يمعود دخليها همة ميريدون احد يتعين مو بعدين ميكدرون يبوكون زين

alioop
19-09-2011, 10:07 PM بتوقيت غرينيتش
ممكن تنطوني قوائم الاسماء للي طلعت بوزارة المالية بلكي اسمي موجود ولكم فائق الشكر

نباوي العراقي
19-09-2011, 10:10 PM بتوقيت غرينيتش
ممكن تنطوني قوائم الاسماء للي طلعت بوزارة المالية بلكي اسمي موجود ولكم فائق الشكر

أخي العزيز حالنا مثل حالك منعرف أسمائنة طالعة لو لا
بس همه دعوة جميع المتقدميين والي واصله أستمايرهم بالمقابلة
تحياااااااتي وبالتوفيق

ويكيليكس الخريجين
19-09-2011, 10:22 PM بتوقيت غرينيتش
السلام عليكم جميعا
اخوان منو عندو نسخة من اسماء المتعينين في جنسية نينوى ينزلو بالمنتدى ويسوي فضل جبير علية

نباوي العراقي
19-09-2011, 10:25 PM بتوقيت غرينيتش
السلام عليكم جميعا
اخوان منو عندو نسخة من اسماء المتعينين في جنسية نينوى ينزلو بالمنتدى ويسوي فضل جبير علية


أخي تم أعلان الاسماء فس مقر المديرية بس أحتمال ميدخل موبايل
لذلك ماكو واحد استطاع يصورهه
تحياااااااااتي

alioop
19-09-2011, 11:08 PM بتوقيت غرينيتش
اشكر ردج نباوي بس والله حيرونة وتعبوا نفسيتنة بس منكول غير الحمد لله والشكر

نباوي العراقي
20-09-2011, 04:43 AM بتوقيت غرينيتش
اشكر ردج نباوي بس والله حيرونة وتعبوا نفسيتنة بس منكول غير الحمد لله والشكر

أني ولـــد مو بنت يالغالي
بخدمتك

alioop
20-09-2011, 04:49 AM بتوقيت غرينيتش
والله اعتذر اني واتشرف بمعرفتك

القطان
20-09-2011, 11:09 AM بتوقيت غرينيتش
السلام عليكم.قبل ما يقارب شهرين اعلن موقع وزارة الداخليه عن فتح باب التطوع على ملاك حماية المنشأت الحيويه في البصره وبعض المحافظات وقمنا بأرسال المستمسكات المطلوبه مع المعلومات عن طريق الموقع ولم يأتي اي رد .والان قبل اسبوع تكرر الاعلان على موقع وزارة الداخليه ..هل نقوم بأرسال المستمسكات مره اخرى؟؟؟؟؟؟؟؟؟؟ الي عنده معلومات لا يقصر ...ارجو الرد مع خالص شكري لكم.....

شكو ماكو
20-09-2011, 11:42 AM بتوقيت غرينيتش
تحياتي الك عزيزي لاترسل مره اخرى هذا طبعا اعاده الفتح لان الاعداد قليلة فيردون اكثر وفد شي لف انتباهي انه المواليد المطلوبة
85- الى -90 هذا الشي لاحظته في قبول الجنسية النجف بعد ماعرف هذا راي المتوضع وطبع اني 82 فاتني القطار وراح اعنس من التوظيف في الحكومه

نباوي العراقي
20-09-2011, 03:21 PM بتوقيت غرينيتش
أخي الكريم وزارة الداخلية أعادة فتح التقديم وليس ألغاء التقديم السابق
تحيااااااااااتي لك وبالتوفيق

الغدير
20-09-2011, 07:07 PM بتوقيت غرينيتش
الي عنده معلومة اكيده عن مقابلات المالية يذكرها لان شلون يقابلون 25000 متقدم بيوم واحد

نباوي العراقي
20-09-2011, 07:35 PM بتوقيت غرينيتش
سابقاً ذكرت الاعلان به نوع من الغموض
تحيااااااااااتي

منال ظاهر
20-09-2011, 09:10 PM بتوقيت غرينيتش
السلام عليكم أخوية العزيز تسلسل التخرج تعرفه من التسجيل بكليتك وحتة تطلعة لازم صورتين ملونة و1000 دينار حسب كليتي اني وتاخذ ورقة تبين بيهة تسلسلك من مجموع طلاب المرحلة الرابعة وهاهية إن شاء الله يكون ردي مفيد وهو المقصود

zizo
21-09-2011, 07:31 AM بتوقيت غرينيتش
السلام عيكم ممكن اعرف المقابلات ياهية الي قدمنه علية عن طريق الانترنيت الي انفتحت من زمان الي كالو انلغت بشهر الرابع مو صح ممكن اعرف زين وين المقابلة وين صايرة مركز المحاسبة وين ممكن واحد يعرف زين اشلون نعرف الاسماء المرشحه للمقابلة ممكنالرد وشكرا

وسام مشرف
21-09-2011, 08:06 AM بتوقيت غرينيتش
ارجو ممن لديه معلومة عن اخر اخبار تعينات هيئة دعاوي الملكية راجين تعاونكم ولكم جزيل الشكر والاحترام

مهندسة مدني
21-09-2011, 08:49 AM بتوقيت غرينيتش
السلام عليكم ورحمة الله

عندي استفسار بلا زحمة اكو احد سوة مقابلة بديوان الوقف الشيعي؟؟؟ او يعرف احد قابل بالديوان؟؟؟

شلون تكون المقابلة.؟؟؟ وشنو الاسالة؟؟؟

لان اني قدمت واريد استعد للمقابلة؟؟؟؟؟؟؟

اني خريجة السنة..

ارجو المساعدة؟؟؟؟؟؟؟؟؟؟؟

zizo
21-09-2011, 08:57 AM بتوقيت غرينيتش
الاسلام عليكم بانسبة تعينات هيئة دعاوى الملكية مكتب المفتش العام اشصار موضوع التعينات اشو صالهه ثلاث اشهر او ماكو اسماء التعينات ممكن واحد عندة خبر بخصوص هدا وشكرا

lolo love
21-09-2011, 09:30 AM بتوقيت غرينيتش
نعم عزيزتي هيه نفسهه اللي قدمنا عليهه قبل اشهر وبالنسبه للاسماء فمحد يعرف شنو القصه يعني العراق كوله على باجر ومكان المقابله وزارة الماليه اللي يم جسر محمد القاسم

عطر الياسمين
21-09-2011, 09:59 AM بتوقيت غرينيتش
اني مقدمة على وزارة المالية بس على حد علمي الوزارة الغت التعينات
فشوكت علنت عالمقابلات ارجو الرد لئن اني مقابلت؟؟؟؟؟؟؟؟؟

علاء الساعدي
21-09-2011, 10:04 AM بتوقيت غرينيتش
​اخوان ممكن اي احد يعرف الاسماء مالت المقابله في وزارة المالية يطينة خبر لن ماكوا اي خبر من وزارة المالية

شكو ماكو
21-09-2011, 12:19 PM بتوقيت غرينيتش
الي عنده فكرة عن مقابلات وزارة المالية ممكن يعطينا شي من كرمه وستفسر يعني اكو اسماء لو الكل

lolo love
21-09-2011, 12:37 PM بتوقيت غرينيتش
والله حسب علمي هيه نفسهه اللي قدمنا عليهه قبل اشهر

نمر البصره
21-09-2011, 02:14 PM بتوقيت غرينيتش
والله يا اخي العزيز شكو ماكو احنا حالنا من حالك بس سمعنا بالاعلان لا اكو اسماء بالموقع ولا اكو اسماء اصلن ومانعرف اشلون نعرف اسماءنا طلعت لو لا لان احنا قدمنا عن طريق الانترنت لازم الاسماء تنزل بالموقع

عامر موسى
21-09-2011, 02:26 PM بتوقيت غرينيتش
اخوان الله ايخليكم وين وصلت تعينات جامعة بغداد

نمر البصره
21-09-2011, 02:28 PM بتوقيت غرينيتش
والله يا اخي العزيز اعلان بدون اسماء اشلون يصير اعقلها
وحتى اذا طالعه الاسماء بس بغداد اشلون شكو واحد محافظات لازم يروح البغداد ويشوف اسمه طالع لو لا وين صايره هاي ياوزارة المالية

شكو ماكو
21-09-2011, 02:31 PM بتوقيت غرينيتش
الظاهر هذا شي وهمي . اني لان اذهب لان الامور المادية تعبانة جدا

نمر البصره
21-09-2011, 02:37 PM بتوقيت غرينيتش
اتمنى من الاعضاء الموجودين وعدهم معلومه يجاوبون اخونا ابو ياسر

نباوي العراقي
21-09-2011, 03:15 PM بتوقيت غرينيتش
لاجديد
هذا حال أغلب الدوائر
تحياااااااااتي

نباوي العراقي
21-09-2011, 03:28 PM بتوقيت غرينيتش
مكان وزارة الماليه
هو في باب ألمعظم وأقرب نقطه داله الها بانزين خانة باب ألمعظم
...
يوم الخميس والاحد هي مقابلة الاشخاص الي قدموا الفايل بشكل مباشر للوزارة
وفقط لقسم المحاسبه
...
هذا الكلام حسب أستعلامات الوزارة الداخليه
...
وبالنسبه الي قدموا عن طريق النت
على أساس بعدين راح تنشر عن طريق الموقع
...
والله وأعلم بالصحيح
...
وياريت الي يعرف شئ وخبر أكيد عن هذه المقابلات ينطينا خبر
لان بصراحه حجي الاستعلامات ما أثق بي
...
ودي

نباوي العراقي
21-09-2011, 03:30 PM بتوقيت غرينيتش
أخي العزيز
لم ترد أي معلومات عن الهيئة
تحيااااااااااااتي وأتمنى الي عنده معلومة يخدمنه بيهه

عباس السهلاني
21-09-2011, 04:27 PM بتوقيت غرينيتش
السلام عليكم ورحمة الله الي عندة خبر عن مصرف الرشيد بارك الله بيكم يرفدنا بمعلوماته شكرا جزيلا

نباوي العراقي
21-09-2011, 04:30 PM بتوقيت غرينيتش
أتمنى احد من الأخوان يساعدك
تحياااااااتي وبالتوفيق

سمر
21-09-2011, 04:41 PM بتوقيت غرينيتش
السلام عليكم والله لحد هسة ماكو الاسماء
ويارب تفرج على الجميع

البرشاوي
21-09-2011, 04:48 PM بتوقيت غرينيتش
الله يسمع من حلكج سمورة

mktb
21-09-2011, 04:59 PM بتوقيت غرينيتش
السلام عليكم.. والله يااخي اني هم مقدم على مصرف الرشيد ومحد ينطيني اي خبر اكيدوكمت اشوف موظفين المصرف اكثر من اهلي يوميه يمهم

صادق العراقي
21-09-2011, 05:16 PM بتوقيت غرينيتش
اخوية العزيز اكو مثل ايكول ((السالفة ماكلة العجل ))

واني اكول سالفة مصرف الرشيد ماكلة العجل.....................!!!!!!!!!!!!!!!!

الغدير
21-09-2011, 07:05 PM بتوقيت غرينيتش
اخوان نروح لو نغلس شو الشغلة مبينة مكيسة

الغدير
21-09-2011, 07:13 PM بتوقيت غرينيتش
اخ نباوي بلى زحمة انت رحت وسئلت لو خابرت لو منين الخبر بس محاسبة

ياسر التميمي
21-09-2011, 09:57 PM بتوقيت غرينيتش
شباب السلام عليكم كل الدوائر طلعت تعيينات بس المفوضية العليا للانتخابات ممكن تعرفون ليش لحد الان لم تطلب تعيينات
وجزاكم الله عنا خير الجزاء

alioop
21-09-2011, 11:40 PM بتوقيت غرينيتش
شنو سالفة وزارة العلوم زالتكنلوجيابلكي الي عندة خبر عن تعييناتهم ينشرة النة والله ملينة

سيف العاني
22-09-2011, 12:44 AM بتوقيت غرينيتش
السلام علكمشلونكم شباب يارب بخيرحبايب اني بالنسبة الي من محافظة الانبار و قدمتعلى وزارة الهجرة عن طريق الموقع و ما ادري لحد هسه شصار على الاسماء طلعت بالنسبة لجماعة بغدادبس شو المحافظات ماكو نأيس لو اكو املو تحاتي لجميع

m.zeng
22-09-2011, 05:50 AM بتوقيت غرينيتش
ممعقولة يردون كل العراق بيوم واحد يروح المكان ويسوي مقابلة هاي الاجماعة مخصييهم اما احنه اللي قدمنه عالنت فالله كريم راح يعلنوهه ان شاء الله لان بعد وكت غير يحسبوهه عالسنه الجديدة ويلغمطوهه بس النه الله

sicalshams
22-09-2011, 06:51 AM بتوقيت غرينيتش
صدك جذب
يمعودين الاسماء ظهرت صار شهرين
وملعوبة لعبة حلوة
ومفضوحة كلش
وسبق ان نشرة واعدتها سابقا
يمكن مراجعتها

السفاح22
22-09-2011, 10:15 AM بتوقيت غرينيتش
تواصل مع موظفي مفوضية الانتخابات على الرابط التالي في الفيس بوك وسوف تحصل على اخر المستجدات في مراحل التثبيت

مفوضية الانتخابات (http://ar-ar.facebook.com/groups/129653633764251/)

الغدير
22-09-2011, 11:36 AM بتوقيت غرينيتش
منو راح الوزارة المالية اليوم وشنو الاخبار

احمد البغدادي1
22-09-2011, 12:36 PM بتوقيت غرينيتش
سئلت جماعة موضفين بلوزارة وكالو جذب لان تعينات بس الي عند عرف بمكتب الوزير

عاشق بغداد
22-09-2011, 01:02 PM بتوقيت غرينيتش
السلام عليكم
اني اليوم رحت وطلعت كلاوات دا يضحكون علينه
لان عدهم بس 49 اسم وطبعا هم جماعة الوزير وسألت عن السبب كالو هاي الاسماء اتت من المكتب فقط هم الي يتم مقابلتهم اما عن سببب عدم نشر هاي الاسماء
على الانترنيت ف الله اعلم الظاهر ما يعرفون بس الفساد المالي والاداري واخيرا اكول الله ينتقم من كل ظالم

lolo love
22-09-2011, 01:14 PM بتوقيت غرينيتش
اني اليوم رحت للوزارة والناس خطيه برة واكفه بالشمس اصلا مكلفوا نفسهم ودخلونه جوة خاليه بيد الجنود ياخذ الهويه ويشوف الاسم طالع لو لا
اوطبعا اسمي كالعادة مطلع .......... حسبنا الله ونعم الوكيل

نمر البصره
22-09-2011, 02:25 PM بتوقيت غرينيتش
اخوان لا تحركون بدمكم هيه من البداية مبينه جذب اكو مقابلات بدون لا تطلع اسماء ويتم تنزيلها بالموقع اللي مقدمين 25 الف واحد اشلون راح يقابلون بيوم واحد ..... حسبنا الله ونعم الوكيل

نباوي العراقي
22-09-2011, 02:35 PM بتوقيت غرينيتش
يوم بعد تثبت دوائرنا الحكومية ووزارتنا عدم وفاءها بالمواعيد
وأستهزاءهم بالخريجين ونلاحظ السكوت المميز لمسؤلين تلك
الدوائر
نسأل الله الموفقية للجميع

تحياااااااااتي

نباوي العراقي
22-09-2011, 03:07 PM بتوقيت غرينيتش
أن شاء الله العندة معلومة يرفدك بيه
تحياااااااتي لك

نباوي العراقي
22-09-2011, 03:09 PM بتوقيت غرينيتش
بعد وكت يمعود طلعت من زمان وراح يباشروون
بس للأمانة صاحبي طلع أسمة بدون واسطة وهذا كلام لازم أذكرة
تحياااااااااتي وبالتوفيق

نباوي العراقي
22-09-2011, 03:11 PM بتوقيت غرينيتش
أخي الكريم أخر الدرجات الوظيفية تمت بتثبيت عقود المفوضية
وبعد ذلك لاجديد ظهر
تحياااااااتي

نمر البصره
22-09-2011, 04:33 PM بتوقيت غرينيتش
اخي الاسماء طلعن منزمان لازم صارلك فتره طويلة ما تدخل على منتديات راديو دجلة لان المايدخله يوم تروح عليه الاخبار دووووم

اسراء الشمري
22-09-2011, 05:18 PM بتوقيت غرينيتش
مرحبا اخوان.. محافظة واسط هم نفس الشي قدمنا ودزولي التسلسل وبعدها ماكو اي خبر ياريت الي عنده معلومه يفيدنا بيها
والتوفيق للجميع ان شاء الله

احمد البغدادي1
22-09-2011, 05:35 PM بتوقيت غرينيتش
اخوان اين مكان الجنسية في بغداد ارجو بتحديد تحياتي

نباوي العراقي
22-09-2011, 05:55 PM بتوقيت غرينيتش
حبيبي يم ساحة 52 بالكرادة
قرب الجامعة التكنلوجية - صايرة ركن يم مستشفى العلوية للاطفال بالضبط
تحيااااااااتي لك وبالتوفيق

مهندسة مدني
22-09-2011, 07:35 PM بتوقيت غرينيتش
السلام عليكم ورحمة الله

عندي استفسار بلا زحمة اكو احد سوة مقابلة بديوان الوقف الشيعي؟؟؟ او يعرف احد قابل بالديوان؟؟؟

شلون تكون المقابلة.؟؟؟ وشنو الاسالة؟؟؟

لان اني قدمت واريد استعد للمقابلة

اني خريجة السنة..

ارجو المساعدة

نباوي العراقي
22-09-2011, 08:11 PM بتوقيت غرينيتش
نعم بالنسبة للبنات كالتالي
وحسب ماشفت

1- تلبسين ملابس طويلة يعني (جبة) وماشبه ذلك لان الي قابلنة شيخ معمم .

2- أحفظي أقوال الأمام علي وحكمه.

3- أحفظي تاريخ ولادات ووفايات الأئمة عليهم السلام .

4- المسائل الفقهية وسجدة السهو مهمة جداً.

5- أسمج أذا موجود بالقرأن حفظي الأية الي بي .

تحياااااااااتي لكِ وبالتوفيق

الغدير
22-09-2011, 08:21 PM بتوقيت غرينيتش
مشكورين وما قصرتوا : بس هاي الشغلة صايره عيني عينك يعني ماكو اي خوف

الغدير
22-09-2011, 08:27 PM بتوقيت غرينيتش
احتمال راح يلغوون المفوضية كلها

الغدير
22-09-2011, 08:30 PM بتوقيت غرينيتش
علكيفكم لينصدم الولد : بس احتمال ما دام ما راجعت اسمك طالع هههههههههههه
تلكه الاسماء نازله بالموقع

مهندسة مدني
22-09-2011, 08:30 PM بتوقيت غرينيتش
يعني بس اني مقدمة مهندسة يعني شعلي الهندسة بهاي الاموريعني حسب الوضيفة؟؟لو عادي مو مهم الوضيفة..؟؟؟وكالو المقابلة تحريري تصير...ارجو التوضيح..؟؟؟

الغدير
22-09-2011, 08:33 PM بتوقيت غرينيتش
اني ما قابلت بس اصور ماكو هيج اسئلة لان التقديم على الاختصاص

نباوي العراقي
22-09-2011, 08:51 PM بتوقيت غرينيتش
لا أختي هاي أسئلة المقابلة فقط
وهناك أمتحان تحريري بالأختصاص
ومتأكد من كلامي 100%

وبكيفكم

الغدير
22-09-2011, 09:03 PM بتوقيت غرينيتش
جامعة بغداد الى اين يمكن جماعهة الواسطات كلهم داومو وماكو احد بعده لذلك ميحتاجون يعلنون الاسماء

qusai
22-09-2011, 09:39 PM بتوقيت غرينيتش
اول يوم ينطوك رقم مراجعة
بعدها مقابلة واختبار اسئلة دينية واسئلة في مجال تخصصك
بس الحجي بينه المتقدمين بالاف والديوان رايدين عدد قليل
والجميع جاي يدور معارف يتلاحك نفسه :)

مهندسة مدني
22-09-2011, 09:53 PM بتوقيت غرينيتش
مشكورين بارك الله بيكم

وياريت تفاصيل اكثر؟؟

عن الاسالة اخ نباوي..؟؟

واي احد يعرف معلومات اكثر ياريت يكتبها...


تحياتي..

نباوي العراقي
23-09-2011, 05:50 AM بتوقيت غرينيتش
لاشيء لحد الأن
تحيااااااااااتي

m.zeng
23-09-2011, 06:28 AM بتوقيت غرينيتش
همه يتاخرون بكل شي تاييد كوه تحصليه منهم انوب التعيين الله كريم الصبر مفتاح الفرج

m.zeng
23-09-2011, 06:36 AM بتوقيت غرينيتش
المكتوب الج ميصير الغيرج ومن يتوكل على الله فهو حسبه موفقين ان شاء الله

lolo love
23-09-2011, 10:10 AM بتوقيت غرينيتش
طبعا اني كل سنه اقدم بجامعه بغداد وميقبلوني . والله اليستر من هالسنه لان اعرف بنيه طلع اسمهه بالواسطه ومباشرتهه 1 \10

حنش
23-09-2011, 10:35 AM بتوقيت غرينيتش
احتمال راح يلغوون المفوضية كلها

لالالالالالالالالالالالالالالالالالالالا على بختك ليش هيج تكول مو صارلنا سنين ننتظر هذا الخبر

مكتب جلال للانترنت
23-09-2011, 12:50 PM بتوقيت غرينيتش
ممكن معلومات عن اسماء حماية المنشاة محافظة نينوى
وشكرا .

نباوي العراقي
23-09-2011, 01:53 PM بتوقيت غرينيتش
أخي لم تعلن على مواقع النت
تحيااااااااتي لك

احمد المهتدي
23-09-2011, 02:42 PM بتوقيت غرينيتش
الاسماء طالعة وما معلنين ع النت بالدائرة موجود الاسامي

أعصار
23-09-2011, 03:19 PM بتوقيت غرينيتش
اكيد هذا الخبر اخوية العزيز الاسماء موجوده يعني بالمديرية
أرجو الرد رجاءاً

loverofree
23-09-2011, 04:38 PM بتوقيت غرينيتش
السلام عليكم ارجو من الاخوة الذين تتوفر لديهم معلومة عن عدد الدرجات المطلوبة لهيئة النزاهة من خريجي اللغة الانكليزية وهل هي لكل المحافظات ام لبغداد فقط مع جزيل الشكر والتقدير

محمدالربيعي
23-09-2011, 04:39 PM بتوقيت غرينيتش
السلام عليكم ورحمه الله وبركاته

في 6/20 تم فتح تعين على مكتب المفتش العام لوزاره الدفاع العراقيه
والحمد لله قدمنه واكيد اغلب الاخوه ويايه قدمو
استفسار:
1- من 6/20 لحد هذه اللحظه كل شي ماكو
2- خلوك تنتضر لحد هذه المده
يعني اكو هيج مده وادخل على موقع الوزاره تلكون الاعلان بعده موجود
سئلت ناس بل وزاره يكولون منعرف انه منزلين هيج اعلان
اللي عنده معلومه حول هذا الاعلان او الخبر لايبخل على اخوته

واسف ع الاطاله

السلام عليكم ورحمه الله وبركاته

نباوي العراقي
23-09-2011, 04:55 PM بتوقيت غرينيتش
أخي العزيز حسب معرفتي وزارة الدفاع
تنطي خبر للمقبوليين عن طريق الموبايل
يعني أن شاء الله يتصلون بيك ويبشروك
والي عنده معلومة يقدمه لحضرتك
تحيااااااااتي

نباوي العراقي
23-09-2011, 04:58 PM بتوقيت غرينيتش
أهلاً أخي

تفضل هذا رابط هيئة النزاهة بي جميع التفاصيل

http://www.nazaha.iq/en_job_ad.asp

تحياااااتي وبالتوفيق

يغلق
مشرف القسم

المعتصم
24-09-2011, 01:31 PM بتوقيت غرينيتش
الاخ نهاد الاصيل السلام عليكم حاولت احصل على مواعييد التعيينات الخاصه بوزاره الثقافه ولكن لم اجدها لذا ارجو من جميع الاعضاء ومنك شخصيا" ان تنشرو اي شي يخص بالمقابلات علما قد انسد التقديم المباشر الى الوزاره في يوم الاحد الماضي مع خالص شكر واحترامي......

نباوي العراقي
24-09-2011, 02:42 PM بتوقيت غرينيتش
تم الأطلاع
تحياااااااتي

tiger_k
25-09-2011, 12:39 PM بتوقيت غرينيتش
اخوان ما كوا اي خبر من وزارة الزراعة عن التعينات انا خريج كليه التقنيه المسيب اقسام زراعية قدمت على التعيين من شهر السادس لحد الان ما كوا خبر من الوزارة اخوان اللي عنده خبر لا ينسانة ولكم جزيل الشكر

شكو ماكو
25-09-2011, 01:51 PM بتوقيت غرينيتش
اخي العزيز
الزراعة مو مواسم هم من خلوا اعلان التعيين يعني للموسم الجاي هههههههه
اني اتصلت بيهم قالوا بعد

نباوي العراقي
25-09-2011, 05:06 PM بتوقيت غرينيتش
لحد الأن تلتزم الصمت
قريباً سوف تشمل بالترشيق الوزاري
تحياااااااااتي وبالتوفيق

ايمن الاسدي
25-09-2011, 05:14 PM بتوقيت غرينيتش
بسم الله الرحمن الرحيم
والصلاة والسلام على محمد واله واصحابه

هل تعلمون ان المتقدمين الى التعينات في وزارة الزراعة كم بلغو
اكثر من ثلاثين الف طلب
يعني يرادلهم بالخمسة اشهر حتى يفرزون الطلبات
وهم رايدين بس الف وظيفة لعموم القطر

والله كريم
اخوكم ايمن الاسدي

صادق العراقي
25-09-2011, 05:47 PM بتوقيت غرينيتش
الله كريم الله يوفق الجميع اخوان خلو ايمانكم بلله

lawyer
25-09-2011, 06:28 PM بتوقيت غرينيتش
السلام عليكم
اخوية بخصوص المقابلات اليوم اتصلت بوزارة الثقافة وكالو انه المقابلات حتكون نهاية الشهر الحالي بعد مندري الله اعلم
تحياتي للجميع

المعتصم
25-09-2011, 08:52 PM بتوقيت غرينيتش
تسلم واشكرك حيل ربي يوفقك

حسين الشمري
26-09-2011, 08:50 AM بتوقيت غرينيتش
​مادام من المسيب ماتتعين اخوك من المسيب

علاء البغدادي
26-09-2011, 09:25 AM بتوقيت غرينيتش
ألي عند معلومات حول تعينات مكتب المفتش العام وزاره الدفاع وين صارت ياريت يخبرنه

نهاد الاصيل
26-09-2011, 12:04 PM بتوقيت غرينيتش
لايوجد اي خبر حاليا
اي جديد ان شاء الله بوقته نعلنه
مع التحيه

عرين الاسد
27-09-2011, 08:20 AM بتوقيت غرينيتش
السلام عليكم
اني خريج حامل شهادة علوم كيمياء متخرج من كلية التربية ابن الهيثم هل يحق لي التقديم الى وزارة الصحة ؟
وما هي المستمسكات المطلوبة للتقديم
مع جزيل الشكر

احمدزيد
27-09-2011, 09:15 AM بتوقيت غرينيتش
السلام عليكم
اني خريج حامل شهادة علوم كيمياء متخرج من كلية التربية ابن الهيثم هل يحق لي التقديم الى وزارة الصحة ؟
وما هي المستمسكات المطلوبة للتقديم
مع جزيل الشكر

يفضل الذهاب الى الوزارة والأستفسار

قادرعبدين
27-09-2011, 09:20 AM بتوقيت غرينيتش
سلام عليكم اخوان هل خرجت اسماء مجلس القضاء الاعلى العراقي ارجو من جميع جواب وشكرا لكم انتظر رد جزاكم الله باالف خير

ماهر الزاب
27-09-2011, 09:25 AM بتوقيت غرينيتش
لحد الان لم يعلن عن شيء في الموقع الرسمي
تابع هنا
مجلس القضاء الاعلي (http://www.iraqja.iq/)

قادرعبدين
27-09-2011, 09:28 AM بتوقيت غرينيتش
الف الف الف شكر بارك الله فيك

karrar.legal
27-09-2011, 09:36 AM بتوقيت غرينيتش
السلام عليكم اني خريج قانون قدمت على التعيينات الي انفتحت بوزارة الثقافة قدمت يوم 14 - 9 و كالولي تابع بعد 18 - 9 جريدة الصباح راح ننشر موعد المقابلة و هذا شهر التاسع راح يخلص و ماكو شي لحد الان فيا ريت الي عنده معلومة يفيدني و اكون ممنون

عرين الاسد
27-09-2011, 09:48 AM بتوقيت غرينيتش
يفضل الذهاب الى الوزارة والأستفسار

اني رحت للوزارة وكالوا لي روح قدم في دائرة صحة بغداد الكرخ ومكالو شنو المستمسكات المطلوبة ؟؟ بلكي واحد منكم يعرف شنو هاي المستمسكات

عرين الاسد
27-09-2011, 09:49 AM بتوقيت غرينيتش
اخ نهاد الاصيل (http://www.radiodijla.com/forums/member.php?2758-نهاد-الاصيل) ممكن عندك تفاصيل

alioy88
27-09-2011, 10:50 AM بتوقيت غرينيتش
السلام عليك
هل يجب الذهاب الى دائرة الاحوال المدنية من اجل اكمال التقديم ؟

صكر
27-09-2011, 11:08 AM بتوقيت غرينيتش
السلام عليكم
اخوان منو عنده معلومات عن اسماء مديرية حماية منشات صلاح الدين طلعت بعد لانو موقع وزارة الداخليه مدا ينشر الاسماء
واني قدمت على صلاح الدين وسكني في بغداد وتعرفون صعوبة الطريق واخاف تطلع الاسماء وما اعرف
ويا ريت اذا اكو اعضاء من صلاح الدين تكون فرصه اتعرف عليهم
واكون ممنون الكم

صكر
27-09-2011, 11:13 AM بتوقيت غرينيتش
السلام عليكم ورحمة الله
اخوان مثل ما تعرفون اعلنت زارة الصحه عن اطلاق عشرة الاف درجه بشروطها وتفاصيلها
7500 درجه عرفنه ممرضين وممرضات
لكن
2500 درجه ملاكات سانده شنو يقصدون بالسانده؟
اي كليات مشموله بالتقديم؟
همين يوقع تعهد بالعمل كممرض؟
حتى في برنامج فرصة عمل ما وضحو هذا الشي

tiger_k
27-09-2011, 11:40 AM بتوقيت غرينيتش
اخوان اي تعيينات من وزاره الزراعه في محافظه بابل ارجو الرد ولكم جزيل الشكر

الحسناوي
27-09-2011, 12:47 PM بتوقيت غرينيتش
وعليكم السلام ...

حسب ما اعرف الملاكات الساندة هي الي تعمل على ترويج طلبات النقل والتنسيب بين الموؤسسات الصحية والموؤسسات الاخرى

بس بخصوص الكليات حسب ما صديقي راح لدائرة صحه بغداد الرصافة وكلوله هي كليات الفيزياء والكيمياء والاحيائية

بس المشكله اخويه مو اهنا يعني احنا درسنا 4 سنين علمود بلنهايه نشتغل ممرضين يعني من البدايه جان اخذنا دبلوم تمريض

التعهد نبقى مابين 1-3 سنوات نشتغل ممرضين وراها ياله يلغي ونرجع حسب الاختصاص مالتنا

BLaCK GHoST
27-09-2011, 01:21 PM بتوقيت غرينيتش
نعم , تذهب الى الاحوال المدنيه والى الجنسية هم

نهاد الاصيل
27-09-2011, 02:33 PM بتوقيت غرينيتش
اخوان شنو تقصدون بالاسماء مال مجلس القضاء الاعلى
اذا على التقديم للحراسات القضائيه ترى الاسماء كاعد تطلع
والي عنده مرشح يله يكدر يروج معامله
بس ذوله جماعة المجلس اتمنى من تتغير الحكومه تتغير كل ادارة مجلس القضاء الاعلى لان فاسده جدا جدا اكثر مما تصورون
التعينات مغلقه بس الاقارب مديرة التعين

صكر
27-09-2011, 02:38 PM بتوقيت غرينيتش
ممنون على الجواب شسوي لازم واحد يتحمل اذا سنه سنتين وبعدين تباشر اختصاصك تهون ولا تنسى اكو كليه للتمريض يعني الممرض همين خريج كليه بس خلي تصير وان شاءالله ياربي موفقين

نهاد الاصيل
27-09-2011, 03:09 PM بتوقيت غرينيتش
هيه المستسكات معروفه
جنسيه
وشهاده جنسيه
تايد سكن من مجلس البلدي
البطاقه التمونينيه وبطاقة السكن
الوثيقه
كلهن طبعا ملونه
وتقديم طلب تعين
اتصور هاي كلهن
مع التحيه

نباوي العراقي
27-09-2011, 03:12 PM بتوقيت غرينيتش
لاتتوفر لدي أي معلومة
بالتوفيق أخي العزيز
تحيااااااااتي

نباوي العراقي
27-09-2011, 03:18 PM بتوقيت غرينيتش
كليات العلوم هي المشمولة بالتعيينات
قسم كيمياء + فيزياء + أحياء

بالتوفيق
تحياااااااتي

يغلق الموضوع

نباوي العراقي
27-09-2011, 03:22 PM بتوقيت غرينيتش
تنشر في حال معرفتنا بها

يغلق الموضوع

نباوي العراقي
27-09-2011, 03:24 PM بتوقيت غرينيتش
أكيد وهذا الأجراء بدون سؤال اخي
أنت تعينك طلع في مديرية الجنسية يعني وين تراجع أكيد نفس الدائرة
تحياااااااااتي وبالتوفيق


يغلق

نباوي العراقي
27-09-2011, 03:34 PM بتوقيت غرينيتش
لم يتوفر أي خبر عنها
تحياااااااااتي

نباوي العراقي
27-09-2011, 03:39 PM بتوقيت غرينيتش
نعم حبيبي قسم الكيمياء يقبل في وزارة الصحة
ومن الأقسام المرغوبة
تحيااااااااااتي

alioop
27-09-2011, 04:21 PM بتوقيت غرينيتش
ممكن اعرف التعيينات الي ذكروهة ببرنامج فرصة عمل عن البلديات والاشغال العامة والماء والمجاري لان ملحكت عليه شنو مضمونهة مع الشكر اخوك علي

نباوي العراقي
27-09-2011, 05:07 PM بتوقيت غرينيتش
خادمك أني حبيبي الغالي
تفضل
وزارة البلديات والاشغال \مديرية المجاري
مهندس مدني 14
مهندس ميكانيك 3
مهندس كهرباء 3
مساح 10
التقديم في مقر المديرية بغداد الجديدة \قرب معمل نجارة الصم والبكم لغاية يوم 10\10

karrar
27-09-2011, 07:39 PM بتوقيت غرينيتش
السلام عليكم هل توجد تعينات في ديوان الوقف الشيعي في النجف لمهندسين ميكانيك

ali8.jack8
27-09-2011, 07:41 PM بتوقيت غرينيتش
السلام عليكّم شبّاب , ظهرت قبل ايّام 180 اسم في مديرية الجنسيّة في محافظة البصرة على المتقدمين مراجعة المديرية لغرض التأكد , على فكرة الاسماء موجود في مقرّ الجنسيّة الكائن في شارع الكويت فقط للتذكير مع تحياتي ... علي

qusai
27-09-2011, 09:42 PM بتوقيت غرينيتش
السلام عليكم هل توجد تعينات في ديوان الوقف الشيعي في النجف لمهندسين ميكانيك

عليكم السلام
اخي التعيين موجود وتم التقديم من المواطنين ثم انغلق وتم تحديد موعد المراجعة لكل اختصاص
ومن ضمنها ميكانيك في محافظة النجف الاشرف



2

الاربعاء 28/9/2011

هندسة المساحة
هندسة المعمارية
هندسة المدنية
هندسة الكهرباء
هندسة الميكانيك
دبلوم مدني
دبلوم كهرباء
دبلوم ميكانيك

حنش
27-09-2011, 10:06 PM بتوقيت غرينيتش
شكرا اخي العزيز على نقل الخبر واني اليوم رحت وشف اسمي طالع بس اخاف من الفحص الطبي علما اني خريج علوم حاسبات
بس ماعندك علم عن العدد المطلوب ؟؟؟؟

alioop
27-09-2011, 10:10 PM بتوقيت غرينيتش
شكرا اخ نباوي وان شاء الله يفرجهة على كل امة محمد وال محمد

نمر البصره
27-09-2011, 10:17 PM بتوقيت غرينيتش
اخوان الاسماء اللي طالعه اللي قدمنا عليها عن طريق الانترنت لو لا
واذا هيه اكدر اروح الخميس 29-9 اشوفها

ولكم جزيل الشكر والتقدير

ali8.jack8
28-09-2011, 11:28 AM بتوقيت غرينيتش
شكرا اخي العزيز على نقل الخبر واني اليوم رحت وشف اسمي طالع بس اخاف من الفحص الطبي علما اني خريج علوم حاسبات
بس ماعندك علم عن العدد المطلوب ؟؟؟؟

السلام عليكّم اخي العزيز حنش والله ما عندي خبر اكيد عن العدد المطلوب كذلك انا الخبر نقلته عن طريق صديق اسمه طالع بس راح استفسر إلك وارد لك خبر ... علي

ali8.jack8
28-09-2011, 11:31 AM بتوقيت غرينيتش
اخوان الاسماء اللي طالعه اللي قدمنا عليها عن طريق الانترنت لو لا
واذا هيه اكدر اروح الخميس 29-9 اشوفها

ولكم جزيل الشكر والتقدير

السلام عليكّم اخي العزيز نمر البصرة , والله ما ادري بس ما صار تقديم على مديرية الجنسية إلّا عن طريق موقع وزارة الداخلية فلذلك هي الاسماء عن طريق الموقع 99%, وحاول تروح من وكت وتشوف اسمك طالع لو لا ... علي

مهندسة مدني
28-09-2011, 11:47 AM بتوقيت غرينيتش
خادمك أني حبيبي الغالي
تفضل
وزارة البلديات والاشغال \مديرية المجاري
مهندس مدني 14
مهندس ميكانيك 3
مهندس كهرباء 3
مساح 10
التقديم في مقر المديرية بغداد الجديدة \قرب معمل نجارة الصم والبكم لغاية يوم 10\10







خيووو التقديم بس لسكنة بغداد؟؟؟؟

يعني بلدية بغداد بس لو كل المحافظات؟؟؟؟

نباوي العراقي
28-09-2011, 05:10 PM بتوقيت غرينيتش
جميع المحافظات

مهندسة مدني
28-09-2011, 08:05 PM بتوقيت غرينيتش
متأخر سالت اخي خلص وقت التقديم من زمان..

تحيتي..

froooose
28-09-2011, 08:30 PM بتوقيت غرينيتش
السلام عليكم ارجو الاستفسار عن كتاب التعيين الذي وزع من قبل الوزاره الى الذين قبلو في ملعب الشعب وختبرو اللياقه البدنيهبخصوص ورقة الكفيل هل من كاتب العدل ام من دائرة الكفيل وبخصوص ورقة التعهد ارجو تزويدي بمعلومات ولكم الشكر

نباوي العراقي
28-09-2011, 08:36 PM بتوقيت غرينيتش
يجب أن تملي فقرة الكفيل
ويجب ان يكون موظف
تحياااااااااتي

froooose
28-09-2011, 08:43 PM بتوقيت غرينيتش
شكرا الج مهندسه مدني بس اني طلع اسمي وفحصت بس بقت عندي شغله الكفيل والتعهد

القلعاوي
29-09-2011, 06:48 AM بتوقيت غرينيتش
ممكن اسماء المتقدمين على الوقف الشيعي بصفة مدرس لمحافظة ذي قار

qusai
30-09-2011, 01:13 AM بتوقيت غرينيتش
السلام عليكم ارجو الاستفسار عن كتاب التعيين الذي وزع من قبل الوزاره الى الذين قبلو في ملعب الشعب وختبرو اللياقه البدنيهبخصوص ورقة الكفيل هل من كاتب العدل ام من دائرة الكفيل وبخصوص ورقة التعهد ارجو تزويدي بمعلومات ولكم الشكر
عليكم السلام
الكفيل ياتي بتقرير استمرارية خدمة من دائرته ثم تتوجه انته واياه الى شارع النضال
لاتمام الكفالة وحسب مااعتقد يفضل ان يكون منتسب في وزارة الداخلية

qusai
30-09-2011, 01:17 AM بتوقيت غرينيتش
ممكن اسماء المتقدمين على الوقف الشيعي بصفة مدرس لمحافظة ذي قار

اخي اعتقد تاخرت عن الموعد كما في الاعلان
اعلان

يعلن ديوان الوقف الشيعي عن ضرورة مراجعة السادة المتقدمين للتعيين في مديرية الوقف الشيعي في ذي قار ومن محافظة ( ذي قار ) حصراً من الاختصاصات التعليمية والفنية المطلوبة ( بكالوريوس إسلامية / بكالوريوس كيمياء / بكالوريوس انكليزي / بكالوريوس أحياء / بكالوريوس رياضيات / بكالوريوس اقتصاد /بكالوريوس علم اجتماع / بكالوريوس فيزياء /بكالوريوس جغرافية / بكالوريوس تاريخ / بكالوريوس فنية/ بكالوريوس رياضة/ دبلوم عربي واجتماعيات / دبلوم انكليزي / دبلوم رياضة ) وممن يحملون شهادة ( دبلوم / بكالوريوس / ماجستير ) فقط يومي الجمعة والسبت الموافقين 23 و 24/9/2011 مستصحبين معهم المستمسكات المطلوبة الواردة تفاصيلها ادناه . علما بان المراجعة ستكون في الساعة ( 7:00 صباحاً ) لغاية الساعة ( 2:00 ظهراً ) في مقر مديرية الوقف الشيعي في ذي قار الكائن في شارع الزيتون .

المستمسكات المطلوبة/
1. شهادة الجنسية العراقية ( اصلية + نسخة ملونة ) .
2. هوية الاحوال المدنية ( اصلية + نسخة ملونة ) .
3. صور شخصية حديثة عدد (2) .
4. شهادة التخرج او كتاب تاييد يؤيد حصوله على الشهادة
5. بطاقة السكن ( اصلية + نسخة ملونة )

على اعموم راجع المديرية عسى ولعل ان يتم المقبلة والاختبار
بالتوفيق

anas widad
30-09-2011, 06:04 PM بتوقيت غرينيتش
عليكم السلام
الكفيل ياتي بتقرير استمرارية خدمة من دائرته ثم تتوجه انته واياه الى شارع النضال
لاتمام الكفالة وحسب مااعتقد يفضل ان يكون منتسب في وزارة الداخلية

الى الاخ العزيز ( qusai ) والاخوان الاعضاء ..عندي استفسار عن المقابلة لحماية المنشات في بغداد وكيف يفحصون اللياقة البدنية او الفحص الطبي اي هل يقومون بالجري( الركض) وهل يقومون بفحص البصر ام لا .. وهل الفترة التي فحصوا فيها بسرعة او تاخروا .. مع الشكر والتقدير لجميع اعضاء وزوار منتدانا الغالي

qusai
30-09-2011, 10:22 PM بتوقيت غرينيتش
الى الاخ العزيز ( qusai ) والاخوان الاعضاء ..عندي استفسار عن المقابلة لحماية المنشات في بغداد وكيف يفحصون اللياقة البدنية او الفحص الطبي اي هل يقومون بالجري( الركض) وهل يقومون بفحص البصر ام لا .. وهل الفترة التي فحصوا فيها بسرعة او تاخروا .. مع الشكر والتقدير لجميع اعضاء وزوار منتدانا الغالي
حياك الله اخي
اولا نعم هناك بالنسبة لفحص اللياقة نعم هناك جري لمسافة معدودة
وربما تكون حول ملعب الشعب من الداخل وليس من الخارج حسب مايشتهيه
الضابط احد الاخوان قال لي ان الضابط طلب منه حساب لوحات اعلانات الاسيا سيل
في مضمار ملعب الشعب والثاني طلبوا منه حساب المدرجات باللون الرصاصي بالمقصورة
المهم لاتعطيهم فرصة فهم يريدون اقل خطالاخراج المقبولين ودرج اسامي اخرين..
اما الفحص الطبي فيتم في مركز الامين في شارع فلسطين واذا كان الوزن كبير يتم
ارجاع المتقدم ليقوم بانزال وزنه حسب الوزن المطلوب منهم ونعم هناك فحص للعين
وامور اخرى
ملاحظة
سيتم تسليم بعد المقابلة كراس اصفر تقوم بختمه من الجنسية وشهادة الجنسية
والوثيقة والمجلس البلدي ومركز الشرطة ومركز الامين للفحص الطبي ولاتنسى الكفيل
ياتي باقرار خدمة وتذهبون الى شارع النضال لاتمام الكفالة ويتم تسليم الكراس بعد الانتهاء منه
اتمنى ان اكون قد افدتك

anas widad
01-10-2011, 08:50 AM بتوقيت غرينيتش
الف الف شكر اخي العزيز ( qusai ) على ردك الجميل .. يارب التوفيق للجميع

ياسر الخفاجي
01-10-2011, 05:59 PM بتوقيت غرينيتش
مساء الورد و الياسمين ...

اخواني الكرام عندي استفسار بخصوص تعيينات وزارة الشباب و الرياضة لحد الآن مطلعت الاسماء ما ادري اذا واحد منكم عنده معلومة

عن هالشي و اكون ممنون

تحياتي

ياسة
01-10-2011, 09:53 PM بتوقيت غرينيتش
السلام عليكم رجاءا محد يعرف اي شي عن المقبولين بوزارة الهجرة والمهجرين...اني وصلتني رسالة وذهبت وقابلت لكن لا اعرف النتيجة...وموقع الوزارة لايعمل!!
فاللي يعرف شي يشاركنا المعلومة وشكراً مقدماً

ثائر
02-10-2011, 05:46 PM بتوقيت غرينيتش
السلام عليكم الاخ نباوي حبيبي جزيل الشكر للجهود الرائعة المبذولة من قبللك انت والاخ نهاد الاصيل
لم يتبقى لي امل في كل التقديم الذي قدمته والذي زاد على 11 مكان ما بين الوزارات المختلفة والحمد لله ولم يتبقى سوى جامعة بغداد والمستنصرية ووزارة الشباب مكتب المفتش العام ورغم الواسطات والفساد الا ان املنا بالله والناس الخيرين كبير . ارجوا تزويدنا باخر المعلومات بخصوص هذه الاماكن مع الشكر والتقدير

القطان
02-10-2011, 06:02 PM بتوقيت غرينيتش
اخوان ارجو المساعده ما هي اخبار حماية منشأت البصره قدمنه مرتين وماكو اي خبر الي عنده خبر لا يقصر مع جزيل الشكر

نباوي العراقي
02-10-2011, 07:02 PM بتوقيت غرينيتش
اتمنى الي عنده معلومة يقدمهه
تحياااااااااتي وبالتوفيق

نباوي العراقي
02-10-2011, 07:08 PM بتوقيت غرينيتش
أخي العزيز
أنا والأخ نهاد وجميع الأعضاء وجودنا هنا لخدمة الجميع
ومن واجبنا ومن أخلاقنا العراقية الأصيلة
العراقي يساعد أخو بالشدات مثل منكول

وتدلل
بالنسبة لسؤالك راح أستفسر بشكل أكيد وأرد عليك
تحياااااااااااتي

ali8.jack8
02-10-2011, 07:25 PM بتوقيت غرينيتش
اخوان ارجو المساعده ما هي اخبار حماية منشأت البصره قدمنه مرتين وماكو اي خبر الي عنده خبر لا يقصر مع جزيل الشكر


السلام عليكم حبيبي القطان قبل 4 أيام نشرت خبر بالموقع عن ظهور اسماء شرطة حماية المنشأت في البصرة واعتقد 60 اسم والباقي 40 احتياط , لذلك عليك مراجعة مديرية حماية المنشأت في البصرة لغرض التأكد من اسمك , بس ما عندي فكرة وين صايرة المديرية حاول تشوف إلك شرطي او ضابط اكيد راح يعرفون وين مكانها صاير بالضبط .علي

tiger_k
02-10-2011, 07:57 PM بتوقيت غرينيتش
اخوان شوكت ينغلق التقديم على مصرف الزراعي والتقديم وين ببغداد تحياتي للجميع

علي الفيصل
02-10-2011, 07:59 PM بتوقيت غرينيتش
اخوان اكو احد يعرف شصار من تعيينات جامعة الموصل لان اتاخرو عن باقي الجامعات دائما الموصل متاخرة انشاء اللة دوم والظاهر التنسيق اتاخر شوية بعد مكملو الي يردوه اللة كريم

سامح البلداوي
02-10-2011, 09:00 PM بتوقيت غرينيتش
اخويه العزيز مباقيلهم شي روح قدم قبل مينسد التقديم

المصرف صاير ابغداد ابشارع الرشيد يم البنك المركزي مقابل الاتصالات العامة

نهاد الاصيل
02-10-2011, 09:01 PM بتوقيت غرينيتش
اتصور ينغلق بعد اسوبع او 10 ايام
لان الظاهر مفتوح صار اكثر من اسبوعين
حتى المقابله يوم 18 واني باجر راح اقدم واجيب الكم الاخبار
مع التحيه

مهند الروحاني
02-10-2011, 10:02 PM بتوقيت غرينيتش
]اني احد المتقدمي لوزارة الهجرة والمهجرين والاسماء طلعت صار فترة طويلة والان المتقدميين على التعيين يباشرون باجراءات التعيين من جلب التاييد والتعاقد مع الوزارة على جميع المتقدمين للتعيين مراجعة الوزارة الكائنه في كرادة مريم بجانب وزارة الدفاع والتخطيط الحالية لان سوسف يتم المباشرة بالدوام بالنسبة للمتعيينن بعد فترة قريبة جدآاوبالنسبة الى ياسة صديقتنة العزيزة يجب متابعة الوزارة الاميل مالتي اذا عندج مشكلة اتصلي ابسرعع وكت اذا امكن اليوم اوباجر
mohnd.abdallah@yahoo.com

مصطفى المدريدي
03-10-2011, 06:17 AM بتوقيت غرينيتش
السلام عليكم اخي اني اتصلو بيه و قدمت الفايل بس بعد ما راجعت لان المكان شويه بعيد عني وكان عندي ضرف يعني عادي اروح واشوف لو راحت واخاف بيها احراج لان قدمت الفايل وبعد ما راجعت

عرين الاسد
03-10-2011, 08:38 AM بتوقيت غرينيتش
السلام عليكم
اخي نهاد الاصيل عندي سؤال اذا ممكن
اني استلمت الاستشارية مال التدريب المهني وقريت بالجرايد ان وزارة الصحة خصت وزارة العمل عن طريق مراكز التدريب المهني اعطاء 3000 درجة
فأذا ارفقت نسخة من الاستشارية وية مستمسكات التعين مسوي اشكال اي يعني( يكولون هذا يقدم طلب تعيين وهو مسجل مركزالتعليم المهني) وبذلك يرفضون استمارة التقديم
لو عادي ارفق نسخة من الاستشارية , واني سبق ان سألتك بخصوص هذا الموضوع بس اريد اطمئن
واكون ممنون

alioy88
03-10-2011, 09:37 AM بتوقيت غرينيتش
السلام عليكم
بالنسبة دائرة صحة بغداد الكرخ فاتحين تعيينات هسة لو بعد

نهاد الاصيل
03-10-2011, 11:53 AM بتوقيت غرينيتش
انته خريج علوم
لان اذا خريج علوم همه اتصلوا بجماعة الخريجين كلية العلوم الفايل يطو الهم عن طريقهم التقديم
روح راجع المكتب افضل الك
تحياتي الك

ياسة
03-10-2011, 12:55 PM بتوقيت غرينيتش
]اني احد المتقدمي لوزارة الهجرة والمهجرين والاسماء طلعت صار فترة طويلة والان المتقدميين على التعيين يباشرون باجراءات التعيين من جلب التاييد والتعاقد مع الوزارة على جميع المتقدمين للتعيين مراجعة الوزارة الكائنه في كرادة مريم بجانب وزارة الدفاع والتخطيط الحالية لان سوسف يتم المباشرة بالدوام بالنسبة للمتعيينن بعد فترة قريبة جدآاوبالنسبة الى ياسة صديقتنة العزيزة يجب متابعة الوزارة الاميل مالتي اذا عندج مشكلة اتصلي ابسرعع وكت اذا امكن اليوم اوباجر
mohnd.abdallah@yahoo.com

والله يا اخي اني رحت وقابلت بس ماعرفت النتيجة توقعت هم يتصلون بس اني حاراع حتى اشوف النتيجة بنفسي واشكرك

حسام الامير
03-10-2011, 05:48 PM بتوقيت غرينيتش
اخوان حبيت انوه عن شي بخصوص نتائج التعيين على وزارة الزراعة طبعا اني قدمت على التعيين في وزارة الزراعة على مديرية زراعة بغداد كان العدد المطلوب (80) بس من ظهرت النتائج كان عدد المقبولين (29) زين وين العدد الباقي (51) وين صارت هل هي مخصصة لجماعة الوزير وجماعة المدير العام وووووووووووووووو الله اعلم اما بقية المديريات فالعلم عند الله كم كان بيهه العدد اني حبيت ابين بس هذا الشي زين احنة بهاي الحالة شوكت يلحكنة السرة وصارلي (11) سنة متخرج والمشكلة بدوا يحدد الاعمار يعني اعمارنة راح تسقط ومنلكة اي تعيين وين نروح

صقر الهندسة
03-10-2011, 06:36 PM بتوقيت غرينيتش
اخي اني هم قدمت على وزارة الزراعة مديرية بغداد و عدد الدرجات كان 29 وليس 80 وان شاء الله تحصل على تعيين لان اني اعرف هواية خريجين صارلهم سنوات بدون تعيين ومن الاوائل وهسة تعينوا بدون اي واسطة اعتقد السنة كانت التعيينات مابيها لا واسطة ولا محسوبية بس اعتمدت على معدل الخريج والتسلسل وسنة التخرج والحق يقال

راح اموت وما متعيّن
03-10-2011, 07:40 PM بتوقيت غرينيتش
وين اكو هيج حجي الله يخليك صقر الهندسة الواسطات واصلة للضالّين

اخي اني هم قدمت على وزارة الزراعة مديرية بغداد و عدد الدرجات كان 29 وليس 80 وان شاء الله تحصل على تعيين لان اني اعرف هواية خريجين صارلهم سنوات بدون تعيين ومن الاوائل وهسة تعينوا بدون اي واسطة اعتقد السنة كانت التعيينات مابيها لا واسطة ولا محسوبية بس اعتمدت على معدل الخريج والتسلسل وسنة التخرج والحق يقال

ياسر الخفاجي
03-10-2011, 08:11 PM بتوقيت غرينيتش
شغلة الواسطة شي منتهين منه هو بالحج فريضة رب العالمين دتصير واسطات النوب بالتعيينات بس المشكلة منو يسمعك

صقر الهندسة
03-10-2011, 09:26 PM بتوقيت غرينيتش
اخوان اني واحد من الناس قدمت على التعيينات من صارت ولا عندي واسطة ولا شي صار سنين بلا تعيين بس كان عندي امل بالتعيين والحمد لله حصلت تعيين اني مااكول الناس صارت ملائكة بس اكو امل بالتعيين وان شاء الله تتعينون وما يبقى بالعراق خريج ماعندة وظيفة بس يرادلهة صبر

محمد الكريم
04-10-2011, 05:46 AM بتوقيت غرينيتش
السلام عليكم اخواني الاعزاء اريد اعرف هل تم الاعلان عن اسماء المتقدمين للتعيين في الجامعه المستنصرية ؟

SAIF ALI
04-10-2011, 07:45 AM بتوقيت غرينيتش
السلام عليكم
ارجو معرفت اخبار تعيينات وزارة الاتصالات شنو الي صار منها
قدمت والى حد الان ماكو اي خبر
ارجو من لديه خبر الرد على الموضوع
ولكم جزيل الشكر

mtun
04-10-2011, 09:18 AM بتوقيت غرينيتش
ممكن اعرف الاسماء المقدمين في وزاره الماليه على الانترنت طلعت لو لا

mustafaaliraqi
04-10-2011, 09:46 AM بتوقيت غرينيتش
متى تظهر اسماء المقدمين على دائرة التاقعد العامة التابعة وزارة المالية
السلام عيكم

اني قدمت قبل ماينتهي شهر رمضان الموافق 22 - 8 اعطيت فايلي في دائرة التقاعد العامة التابعة لوزارة المالية والى حد الان ماظهرت الاسماء اخر شي سمعت بعد عيد الاضحى ارجو الرد اخوان وشكرا

thair
04-10-2011, 09:50 AM بتوقيت غرينيتش
السلام عليكم الاخوة الاعزاء ممكن معرفة تاريخ التقديم على بلدية البصرة من اي تاريخ يبدأ و الى اي تاريخ ينتهي التقديم وشكرا

نهاد الاصيل
04-10-2011, 09:57 AM بتوقيت غرينيتش
http://www.radiodijla.com/forums/showthread.php?50583-%CA%DA%ED%ED%E4%C7%CA-%DD%ED-%E3%CF%ED%D1%ED%C9-%C8%E1%CF%ED%C9-%C7%E1%C8%D5%D1%E5
ادخل هنا شوف

نهاد الاصيل
04-10-2011, 09:59 AM بتوقيت غرينيتش
اناا لم نسمع ان دائرة التقاعد قامت بفتح تعين لااعلم
اذا اكو اي خبر يعرفه الاخوه ينزلوه
وياريت من الاخوان الي يسمعون بالتعين باي مكان ينزل اعلان هنا مشكورين بعض الاخوه الذين يتسابقون للنقل الخبر

اسد الله
04-10-2011, 11:09 AM بتوقيت غرينيتش
حبيبي الغالي بالنسبة الى وزارة الاتصالات جاي يتصلون بالمقدمين واني اتصلوا بيه يوم الجمعه اتصلت بنيه وكالت المقابلة يوم الاحد واستفسرت منها على الاسماء كالت الي نتصل بيهم بس هم الي مقبولين مع التحية اخوكم اسد الله

بهاء الحداد
04-10-2011, 03:15 PM بتوقيت غرينيتش
اخوان ماكو احد عنده معلومات عن تعينات هيئه الضرائب العامه

thair
04-10-2011, 03:30 PM بتوقيت غرينيتش
شكرا جزيلا استاذ نهاد على اجابتك . لكن الرابط للاسف لايعمل

نباوي العراقي
04-10-2011, 04:36 PM بتوقيت غرينيتش
أن شاء الله الأخوان اذا عدهم خبر ميقصرون
تحيااااااتي بالتوفيق

نباوي العراقي
04-10-2011, 04:43 PM بتوقيت غرينيتش
حبيبي ينتهي التقديم يوم 10\10
تحيااااااااتي

thair
04-10-2011, 07:07 PM بتوقيت غرينيتش
شكرا استاذ نباوي

ali.alwale
05-10-2011, 01:09 PM بتوقيت غرينيتش
بسم الله الرهمن الرحيم


ارجو ان تقبلوني صديقكم الجديد في هذا المنتدى الرائع وكافة اعضائه

ارجو المساعدة حول تعيينات هيئة الاعلام والاتصالات المستقلة حيث اني احد المتقدمين على هذا التعيين وقابلت وكانت مقابلتي جيدة لاكن الى الان لم اعرف اي معلومات عنها
ممكن من اي شخص يعرف معلومات عنها يذكرهة ............ وشكرا

رافت العمراني
05-10-2011, 01:22 PM بتوقيت غرينيتش
السلام عليكم ممكن اتساعدوني وذزولي اسماء حرس الحدود يكولون طالعه على الموقع مال حرس الحدود

البرشاوي
05-10-2011, 01:58 PM بتوقيت غرينيتش
اولا اهلا وسهلا بيك بالمنتدى شرفتنا ونورتنا
ثانيا حبيبي ماكو شي لهسه عن هيئة الاعلام والاتصالات واي شي جديد ان شاء الله نزله بالمنتدى

نهاد الاصيل
05-10-2011, 03:09 PM بتوقيت غرينيتش
اخويه العزيز انته قابلت علىاي اختصاص خاطر اكدر اجاوبك

نباوي العراقي
05-10-2011, 04:51 PM بتوقيت غرينيتش
أخي العزيز
رغم وعودهم أن الأسماء سوف تظهر قريباً وهذا الكلام من الشهر السادس
الا ان مع الأسف لحد هذه اللحظة لم تظهر
بالتوفيق تحيااااااااااتي

lawyer
05-10-2011, 06:44 PM بتوقيت غرينيتش
اهلا بيك اخوية بلمنتدى واني هم قابلت وجان هذا الحجي قبل تقريبا اسبوعين
واخواني الباقين ترى اني جنت مأيس من هاية الهيئة لان بوكتها كالو جمدو التعيينات بس اشو على غفلة خابروني كالولي تعال باجر عندك مقابلة وماكو وجبات بعد همة مختارين ماادري على اي اساس سالتهم اني كلتلهم على اي اساس مختارين واكو وجبات بعد كالو لا ماكو بس معرفت الاساس المختارينه عليه وجان العدد حيل قليل مندري هاية المقابلة بس شكلية ومظاهر لو شنو الله اعلم
اخوية اني خابرتهم بيوم الاحد كالو بعد 3 ايام او 4 يمكن تطلع الاسماء وبعدها تروح للمدير العام يوافق عليها وبعدها يصدرون الامر الاداري ويخابرونه
تحياتي للجميع وبالموفقية ان شاء الله

qusai
05-10-2011, 09:12 PM بتوقيت غرينيتش
بسم الله الرحمن الرحيم
إخواني وأعزائي المتقدمين على التطوع لقيادة قوات الحدود
السلام عليكم ورحمة الله وبركاته

أخواني المحترمون
قمنا بإجراء ألقرعه الالكترونية بتاريخ 15 – 6 2011 ولمدة ثلاثة أيام متتالية وكانت بحضور السيد قائد قوات الحدود ووسائل الإعلام من القنوات الفضائية العراقية وقناة أخرى أجنبية وحضور عدد من ضباط الوزارة المشرفين على ألقرعه وكذلك عدد من الجهات الرقابية لموضوع القرعة ولم تكن المسألة سهلة مثلما تتصور يا أخي العزيز

نحن ننتظر معكم بفارغ الصبر صدور الأمر الوزاري بالتعيين من وزارة الداخلية لشدة الحاجة إلى الإفراد الجدد ولسد النقص الحاصل في ملاكاتنا هذا والأمر مرفوع إلى الوزارة منذ الانتهاء من ألقرعه
كما أود ان ابين لك إننا قد دققنا من لديهم قيود جنائية في مديرية تحريات الشرطة للتحري عن اللذين لديهم جرائم قانونيه أو قيود جنائية أو أعمال إرهابية وقد استغرقت أيضا بعض الوقت لكثرة الفائزين بالقرعة . طبعا على عدد الاحتياج .

وألان نحن معك ومع الجميع ننتظر ونقول الله كريم

مع العلم بالدقيقة الأولى من صدور الأمر الإداري للفائزين بالقرعة سيظهر إعلاننا على موقعنا هذا وإعلان في الصحف المحلية وإعلان في القنوات الفضائية

لإعلامكم متى الالتحاق؟ اين الالتحاق ؟؟؟

تقبل منا فائق التقدير والاحترام


أخوكم
العميد
مدير الموقع الالكتروني
قيادة قوات الحدود

المعتصم
05-10-2011, 09:16 PM بتوقيت غرينيتش
يا اخي يا حبيبي يا اخويه نهاد شنو سالفه هاي الوزاره المسماة بالثقافه عجيب امرهم حيل مرعبلين ادري من
فتحوا التعيينات غير يسون جدول مقابلات بس المن تحجي
المهم تحياتي الكم وعساكم بخير دوم

كرادية ساكنة المنصور
05-10-2011, 09:28 PM بتوقيت غرينيتش
عمي انت البارحة قدمت وهيج خبصتنا

لعد احنا شنحجي صارلنا اشهر طويلة مقدمين

ساره البغداديه
06-10-2011, 05:14 AM بتوقيت غرينيتش
امنو يريد معلومات عن هيئة الاعلام يسالني اني
1-دكتور برهان مسافر يسوي عمليه وقبل شهر هم سوه عمليه وهسه رجع والمخول بداله دكتور علي وبالنسبه لوعود الهيئه كلها اكا>يب وماكو شي اسمه تعيين لانهم كلهم عقود بس العقد ينتظر لو سنه لو 10 اشهر يله يصدر الامر الاداري مالته في حالة صدر طبعا وحاليا الهيئه تعااني من مشاااكل كبيره في ظل غياب رئيسها لانه وبعد استقالة بعض المدراء مثل عبد الرسول رئيس قسم الرصد وغيره صارت مشاكل على المناصب الجديده وكل اعمال الهيئه متوقفه ماعداااا اخ> الصكوك يعني بس الامور الماليه ماشيه تمام وبالنسبه للست سمر مديرة المكتب التنفي>ي بالهيئه ميحق لاي شخص يشوفها يمكن مو عاديه والله اعلم وانصح كل واحد قابل يروح للهيئه وحيجاوبوه عدنه امور لوجستيه واني متأكده ميعرفون شنو معنى لوجستيه بس يكولوها للناس واكو معلومات اخرى والي يحب يتاكد يروح للهيئه ويسال عن كل ه>ا الكلام

ساره البغداديه
06-10-2011, 05:47 AM بتوقيت غرينيتش
نعم صحيح هيئة التقاعد فتحت تعيينات على الملاك الدائم بس جان الخبر سري تقريبا يعني بس للمعارف لان معلنو عنه وبالنسبه للمقابلات لازم لمن قدمتو الفايل ينطوكم تاريخ المقابله
ملاحظه للسخريه;) منو منكم شايف المدير الاداري مال هيئة التقاعد كوه يحجي وكوه يسمع يمكن عمره 80 سنه خخخخخ ولهسه مطلع على التقاعد ؟؟؟؟؟؟؟؟

نهاد الاصيل
06-10-2011, 06:41 AM بتوقيت غرينيتش
شكرا على الاجابه طبعا هيه صح عقود بس هم محصوره بينهم
شكرا مره ثانيه بس اني اعرف اكو ناس قابلوا وهسه صار شهر يدامون بعقد
هم ويانه قدموا