المساعد الشخصي الرقمي

مشاهدة النسخة كاملة : الاستفسارات التي تخص اخبار التعينات تجدها هنا



الصفحات : 1 2 3 [4] 5 6 7 8 9 10

علاء الخزعلي
08-07-2011, 07:49 AM بتوقيت غرينيتش
اريد اعرف عنوان : مصرف الرشيد/ فرع الاعتماد التجاري بضبط وين






اخوكم علاء الخزعلي
3537

fly
08-07-2011, 08:09 AM بتوقيت غرينيتش
السلام عليكم
بخصوص تعيينات الداخلية في الدفاع المدني والجنسية وحماية المنشات متى تظهر اسماء المقبولين وأين
اشو صارت سكته وغلسوا عل موضوع

نباوي العراقي
08-07-2011, 08:31 AM بتوقيت غرينيتش
هلو عيوني أكيد بعد مراح تكتمل الأجراءات مالت الفرز
وأسمعت بالشهر الثامن تطلع تحياااااااااااااتي

كامل التميمي
08-07-2011, 08:43 AM بتوقيت غرينيتش
تحياتي ياطيب بس تتوفر المعلومه اخبرك تدلل

نباوي العراقي
08-07-2011, 08:49 AM بتوقيت غرينيتش
مصرف الرشيد فرع الاعتماد التجاري
الكرادة_ بين تقاطع عقبة بن نافع وساحة التحريات
بالقرب من جبار ابو الشربت الي على كرادة خارج مو داخل
ويصير بصفة مصرف سومر التجاري ان شاء الله دنليته

تحيااااااااتي لك

نهاد الاصيل
08-07-2011, 09:15 AM بتوقيت غرينيتش
شكرا نباوي اي فعلا هذا مكانه واني رحت قابلت بي اول يوم
المقابلات
بالتوفيق ان شاء الله

نباوي العراقي
08-07-2011, 09:24 AM بتوقيت غرينيتش
أخي روح قابل والله كريم
لان لحد الأن محد يعرف شنو الأختصاصات الي راح ياخذوهه
تحيااااااااااااتي لك

علاء الخزعلي
08-07-2011, 09:27 AM بتوقيت غرينيتش
شكر على الرد انشاء الله اندل




اخوكم
علاء الخزعلي

anas widad
08-07-2011, 09:39 AM بتوقيت غرينيتش
شكرا نباوي اي فعلا هذا مكانه واني رحت قابلت بي اول يوم
المقابلات
بالتوفيق ان شاء الله
اخي العزيز نهاد المحترم.. السلام عليكم ورحمة الله وبركاته.. بما انك قابلت اول يوم فكيف كانت المقابلة وما هي الاسئلة التي سالت فيها .. لانني لدي مقابلة في يوم الاحد لان المقابلة كانت في يوم الخميس واجلت الى يوم الاحد ..مع جزيل شكري واحترامي

نهاد الاصيل
08-07-2011, 09:48 AM بتوقيت غرينيتش
اخي العزيز نهاد المحترم.. السلام عليكم ورحمة الله وبركاته.. بما انك قابلت اول يوم فكيف كانت المقابلة وما هي الاسئلة التي سالت فيها .. لانني لدي مقابلة في يوم الاحد لان المقابلة كانت في يوم الخميس واجلت الى يوم الاحد ..مع جزيل شكري واحترامي

رحت اني من الصبح ودخلنه تقريبا ساعه ثمانيه شويه
كان المصرف مابي دوام لان جرد نصف سنوي
بعدين صعدنه للطابق الثاني بعد ماجات اللجنه
على الاسماء ندخل الي بجدول المقابلات
اني جنت مقدم على وظيفة امين صندوق
اول ماوصل الي السره
بدوا يسالوني اسمك وشوكت متخرج
اني خريج كليه بس مقدم على شهادة الاعداديه كالوا ليش سويت هيج
كالوا تتنازل يعني على الكليه كلت الهم اي
بدوا يسالوني شنو تعرف عن امين الصندوق
وبعدين طوني رقم كال كتبه وبعدين اطينه الرقم تكتبه رقما يعني
وكالوا تعرف بان شغلة الامين خطره مستعد الها كلت الهم اي طبعا مستعد
كالوا روح هذا هوه حتى عثرت بالدرج وردت اوكع خخخخخخخخ
هذا كال الي صار
ارجو ان يكون الجواب شافي

ENG.F
08-07-2011, 05:28 PM بتوقيت غرينيتش
سلام عليكم
متى موعد مقابلة الجامعة المستنصرية لحملة شهادة الماجستير بالهندسة

شكرا للجميع

anas widad
08-07-2011, 05:34 PM بتوقيت غرينيتش
رحت اني من الصبح ودخلنه تقريبا ساعه ثمانيه شويه
كان المصرف مابي دوام لان جرد نصف سنوي
بعدين صعدنه للطابق الثاني بعد ماجات اللجنه
على الاسماء ندخل الي بجدول المقابلات
اني جنت مقدم على وظيفة امين صندوق
اول ماوصل الي السره
بدوا يسالوني اسمك وشوكت متخرج
اني خريج كليه بس مقدم على شهادة الاعداديه كالوا ليش سويت هيج
كالوا تتنازل يعني على الكليه كلت الهم اي
بدوا يسالوني شنو تعرف عن امين الصندوق
وبعدين طوني رقم كال كتبه وبعدين اطينه الرقم تكتبه رقما يعني
وكالوا تعرف بان شغلة الامين خطره مستعد الها كلت الهم اي طبعا مستعد
كالوا روح هذا هوه حتى عثرت بالدرج وردت اوكع خخخخخخخخ
هذا كال الي صار
ارجو ان يكون الجواب شافي
الف الف الف شكر اخي الغالي نهاد .. والحمد لله على السلامة .. هاي انته بعدك ما متعين ردت توكع لعد شلون اذا اتعينت خخخخخخخخخخخخخخخخخخخه.

نهاد الاصيل
08-07-2011, 06:03 PM بتوقيت غرينيتش
الف الف الف شكر اخي الغالي نهاد .. والحمد لله على السلامة .. هاي انته بعدك ما متعين ردت توكع لعد شلون اذا اتعينت خخخخخخخخخخخخخخخخخخخه.
هههههههههه اي كلت الاهلي بس اتعين اجيب هاي الموسيقى مال اعراس ربع ساعه بالباب يدكون خخخخخخخ
احتفاء بالنصر

نهاد الاصيل
08-07-2011, 06:56 PM بتوقيت غرينيتش
حددت الجامعة المستنصرية في بغداد مواعيد اجراء مقابلات المتقدمين للتعيين في كليات الجامعة وأقسامها العلمية والإدارية، ولمختلف التخصصات العلمية والإنسانية ولحملة الشهادات الأولية والعليا.

وقال مصدر مسؤول إنّ الجامعة حددت موعدا لمقابلة المتقدمين لطلبات التعيين بعد انتهاء مدة التقديم, داعيا المتقدمين بطلبات التعيين إلى جلب نسخة من استمارة التقديم المرسلة إلى موقع الجامعة والأرقام الإحصائية الخاصة بهم , فضلا عن جلب المستمسكات الأخرى كافة, وإن المقابلات ستبدأ من الساعة 9 صباحا ولغاية انتهاء الدوام الرسمي.

وتابع المصدر أن مقابلات التعيين ضمن اختصاصات المجموعة الطبية ستكون في كلية الصيدلة الواقعة في مجمع البياع الطبي, حيث سيكون يوم الاحد الموافق 3/7/2011 لمقابلة حملة شهادة البكالوريوس, اما يوم الثلاثاء الموافق 5/7/2011 فسيكون لمقابلة حملة شهادة الماجستير, وسيكون يوم الخميس الموافق 7/7/2011 لمقابلة حملة شهادة الدكتوراه.
وعن مقابلات المتقدمين للتعيين ضمن اختصاصات مجموعات الكلية الانسانية والادارة والاقتصاد والفنون الجميلة والتربية الرياضية, فستكون في كلية الإدارة والاقتصاد الواقعة في الطالبية, حيث سيكون يوم الاحد الموافق 3/7/2011 ولغاية يوم الخميس الموافق 7/7/2011 لمقابلة حملة شهادة البكالوريوس, اما يوم الاحد الموافق 10/7/2011 ولغاية يوم الثلاثاء الموافق 12/7/2011 فسيكون لمقابلة حملة شهادة الماجستير, وسيكون يوم الاربعاء الموافق 13/7/2011 لمقابلة حملة شهادة الدكتوراه.
اما عن مقابلات المتقدمين للتعيين ضمن اختصاصات العلوم الصرفة وكليات الهندسة, فستكون في كلية التربية الاساسية الواقعة في صدر القناه, حيث سيكون يوم الاحد الموافق 3/7/2011 ولغاية يوم الخميس الموافق 7/7/2011 لمقابلة حملة شهادة البكالوريوس, اما يوم الاحد الموافق 10/7/2011 ولغاية يوم الاثنين الموافق 11/7/2011 فسيكون لمقابلة حملة شهادة الماجستير, وسيكون يوم الثلاثاء الموافق 12/7/2011 ولغاية يوم الاربعاء الموافق 13/7/2011 لمقابلة حملة شهادة الدكتوراه.


المصدر موقع وزارة التعليم العالي العراقيه

ghass400
08-07-2011, 09:32 PM بتوقيت غرينيتش
السلام عليكم
ماهي اخبار المتقدمين الى التعيين والذين قابلوا في الهيئة العامة للمياه الجوفية واخبار قرعة تربية الكرخ والذين قابلوا في الجامعة الاسلامية مع الشكر والتقدير

ثائر الشمري
09-07-2011, 12:49 PM بتوقيت غرينيتش
السلام عليكم اخوان ممكن اعرف مكان مصرف الرشيد بناية فرع الكرخ رجاءا

نهاد الاصيل
09-07-2011, 02:50 PM بتوقيت غرينيتش
وعليكم السلام اخويه
صاير بشارع حيفا بناية هيئة السياحه نفسها
مقابيل وزارة الثقافه مركز الفنون سابقا

loverofree
09-07-2011, 03:53 PM بتوقيت غرينيتش
السلام عليكم . يوم الخميس المصادف 30/6/2011 سمعت براديو دجلة وبالساعة الخدمية من الست سهاد انو اكو تعيينات بالمناطق الحرة ويريدون اختصاص اللغة الانكليزية ورحت عالمنطقة الحرة بالموصل وقالو انو هاي التعيينات قديمة ومن يوم 31/5 انسدت والمطلوب بس سايقين فقط واتصلت بالست سهاد وقالت انو التعيينات موجودة بالموقع . فما اعرف هسة اكو تعيينات عالمناطق الحرة لولا وشنو الاختصاصات المطلوبة بالموصل واشكركم جزيل الشكر

woody
09-07-2011, 04:36 PM بتوقيت غرينيتش
الاخ العزيز
اني الي اعرفه انه مقابلات اللغة الانكليزية في المناطق الحرة تمت في يوم 5 من هذا الشهر واظن كانت درجة واحدة ولبغداد فقط حسب ما اخبرني بيها صديقي الي قابل هناك

ثائر الشمري
09-07-2011, 05:27 PM بتوقيت غرينيتش
مشكور اخ نهاد رحم الله والديك والله مادري اشنون انجازيك على هذا المجهود .يله انشاء الله من نتعين نذبح طلي ونعزم اهل المنتدى

نهاد الاصيل
09-07-2011, 05:46 PM بتوقيت غرينيتش
مشكور اخ نهاد رحم الله والديك والله مادري اشنون انجازيك على هذا المجهود .يله انشاء الله من نتعين نذبح طلي ونعزم اهل المنتدى
خخخخخخخخ والديك اي نسوي عزيمه بلكت يصير تعين جماعي بدل من الزفاف الجماعي ههههههه
ان شاء الله بالتوفيق

tark
10-07-2011, 05:56 AM بتوقيت غرينيتش
السلام عليكم .......وصباح الخير عليكم
عني سوأل.......بس بلا زحمه الي عنده خبر على قرعة التربيه /الكرخ الثانية .....او المفتش العام لوزارة التعليم العالي /بغداد عن المقابلات او اي خبر ......اكون مشكور الكم ؟؟

نهاد الاصيل
10-07-2011, 09:23 AM بتوقيت غرينيتش
اي خبر جديد ان شاء الله ننشر هنا
تحياتي الك

meme_nunu
10-07-2011, 09:28 AM بتوقيت غرينيتش
الي عرفته عن مكتب المفتش العام في وزارة التعليم من موظفة في قسم التصديقات انه تأجل كلشي الى وقت غير معلوم بسبب الحريق الي صار

دلع سمره
10-07-2011, 12:03 PM بتوقيت غرينيتش
ان شاء الله ابقى على تواصل ويانه
عن قريب راح انزل موضوع بخصوص منظمه
راح اتسوي قاعة بيانات للكل العاطلين يعني
ان شاء الله تافائلي خير من هاي الشغله
يعني عدها مشاريع


منتظريك ... والحق يقال ... انت ماتقصر ابد و جهودك واضحة بالمنتدى ... شكراً

هاشم الكوردستاني
10-07-2011, 01:59 PM بتوقيت غرينيتش
مرحبا شباب الي سوة مقابلة مال مصرف الرشيد في الموصل مسجل بيانات امين صندوق شنو الاسئلة لو تشرحولنة اذا ماكو زحمة

ابو زكريا
10-07-2011, 03:17 PM بتوقيت غرينيتش
السلام عليكم انا قابلت بالموصل بدرجة م مهندس ماكو اي اسئلة مجرد تاكيد معلومات التقديم فقط

ثائر
10-07-2011, 04:06 PM بتوقيت غرينيتش
السلام عليكم شباب يا ريت الذي يعرف معلومة على نتيجة مقابلات وزارة الشباب مكتب المفتش العام يبلغنة لن احنة قابلنة من زمان والشغلة ضلت سنطة همة كالوا احنة نتصل

ثائر
10-07-2011, 04:11 PM بتوقيت غرينيتش
السلام عليكم شباب اليعرف خبر عن مصير مقابلات وزارة الشباب يبلغنة رجاء لن شغلتهم طولت شنوا الصار لو نعلسنة بيهة حالها حال بقية التعيينات

باقر الشمري
10-07-2011, 05:56 PM بتوقيت غرينيتش
بارك الله فيكم
موضوع مهم جدا
اخوان بلا زحمة اللي قابل في مصرف الرشيد وفي جميع الاختصاصات
يدخل للمنتدى ويشرحنا طريقة المقابلة
وطلب اخوي من الاخ العزيز نهاد الاصيل
ان يتابع هذا الموضوع
ودمتم بخير

الغدير
10-07-2011, 06:06 PM بتوقيت غرينيتش
اخوان هم جايبين واحد مهندس ميكانيك بالمقابلة واكع لاهل الميكانيك دك

نهاد الاصيل
10-07-2011, 07:54 PM بتوقيت غرينيتش
بارك الله فيكم
موضوع مهم جدا
اخوان بلا زحمة اللي قابل في مصرف الرشيد وفي جميع الاختصاصات
يدخل للمنتدى ويشرحنا طريقة المقابلة
وطلب اخوي من الاخ العزيز نهاد الاصيل
ان يتابع هذا الموضوع
ودمتم بخير
اخويه العزيز
اني هم رحت وقابلت وحتى ذاكر المقابله مالتي باخر صفحه من موضوع الاستفسارات
يعني من اول لحظه الاخر لحظه تكدر اشتوفه
مع التحيه

عباس ألقاضي
10-07-2011, 08:38 PM بتوقيت غرينيتش
اخي ألعزيز حسب مصدر من داخل ألوزارة تم مباشرة ألموظفين قي مكتب ألمفتش ألعام قبل أسبوعين فلتشغل بالك بيه خلي تولي

صكر
10-07-2011, 09:44 PM بتوقيت غرينيتش
السلام عليكم شباب تره عمل المصارف ( حرام بكل المذاهب ) للعلم فقط
اللهم اغننا بحلالك عن حرامك وبعافيتك عمن سواك

احمد السعيدي
11-07-2011, 05:43 AM بتوقيت غرينيتش
جزاك الله خير اخ نهاد وتمنياتي لك بالتوفيق ونعاني مشكلة بهذا الخصوص في ذي قار(( حيث قامت دائرة الرعاية الاجتماعية شؤون العطلين ذي قار بقطع رواتب البطاقة الذكية على اللذين مؤشر عليهم قروض وحيث اني شخصيا لم استلم اي قرض حيث رفضته وذلك بمعاملة ارسلتها الى بغداد في حينها وعاد راتبي ولكن عند تنظيم البطاقة الذكية استلمت اول راتب وبعدها ابلغوني بقطع راتبي من قبل المفتش العام علما اني جلبت كتاب من دائرة قروض ذي قار يؤيد عدم استلامي اي قرض وقد راجعت مكتب المفتش العام في ذي قار وقد ارسل اسمي على ايميل المفتش العام بغداد باعادة راتبي وقد ابلغني بتاريخ 2//2011((بان جميع المؤشر عليهم قروض لايستلمون رواتب الى الابد)) اين العدالة في هذا وهل يتساوى المستلم المستفيد من عدمه سيما وان شهر رمضان مقبل على الابواب وانا اب لدي عائلة من عشرة افراد واغلبهم طلاب كليات الرجاء من يستطيع المساعدة لايقصر مع احترامي للجميع مع التقدير

BLaCK GHoST
12-07-2011, 08:37 AM بتوقيت غرينيتش
اسماء المقبولين في الهيئه العامه للسدود والخزانات / وزارة الموارد المائيه
منو يعرف شوكت تطلع ؟؟؟ وشلون يتصلون بينا لو تطلع الاسماء يمهم ؟؟؟

zizo
12-07-2011, 08:41 AM بتوقيت غرينيتش
هلو ممكن واحد يعرف او عندة خبر بخصوص نتائج المقابلات هيئة دعاوى الملكية وشكرا

نهاد الاصيل
12-07-2011, 09:05 AM بتوقيت غرينيتش
كالوا بعد اسبوعين تطلع
وابلشرطي كال يوم 15 يعني بس اتصور ورى 15 يوم من المقابله
وان شاء الله التوفيق

نهاد الاصيل
12-07-2011, 09:06 AM بتوقيت غرينيتش
بس يجي اي خبر ان شاء الله نشره
تحياتي الك

BLaCK GHoST
12-07-2011, 09:12 AM بتوقيت غرينيتش
كالوا بعد اسبوعين تطلع
وابلشرطي كال يوم 15 يعني بس اتصور ورى 15 يوم من المقابله
وان شاء الله التوفيق

شكرا ع الجواب اخ نهاد

حيدر ج
12-07-2011, 10:11 AM بتوقيت غرينيتش
اخوان ارجو من اي شخص بالمنتدى عنده خبر عن الاسماء شوكت تطلع مال الدفاع المدني والمنشات ينطينه خبر اشو من الشهر السادس قدمنه ولحد الان الاسماء مطالعه فارجو الي عنده اي خبر عن هذه الاسماء لايبخل علينه مع خالص حبي وتقديري لكل الاعضاء

بيرق علي
12-07-2011, 12:42 PM بتوقيت غرينيتش
والله يا اخي ماعندي خبر بس اكدر اكولك اصبر ان الله مع الصابرين

صكر
12-07-2011, 12:51 PM بتوقيت غرينيتش
اخوان ارجو من اي شخص بالمنتدى عنده خبر عن الاسماء شوكت تطلع مال الدفاع المدني والمنشات ينطينه خبر اشو من الشهر السادس قدمنه ولحد الان الاسماء مطالعه فارجو الي عنده اي خبر عن هذه الاسماء لايبخل علينه مع خالص حبي وتقديري لكل الاعضاء
السلام عليكم
اخ حيدر شلون كدرت تقدم اني جنت يوميا افتح موقعهم عدة مرات يطلع نوت فاوند

جيولوجي قديم
13-07-2011, 08:02 PM بتوقيت غرينيتش
الى الاخ العزيز بالنسبة لقبولات هيئة المياه الجوفية سمعت يوم 15-7سوف تظهر القبولات وان المقابلات كانت لاخر محافظة هويوم 10-7 حسب الجدول الذي كان معلن ومنشورفيهذا المنتدىاي يعني سوف تظهر بعد 5ايام من اكمال المقابلات لاخر محافظة

fly
14-07-2011, 07:25 AM بتوقيت غرينيتش
السلام عليكم
اخ حيدر ج
ماكو شي وننتظر الاسماء
واذا ايصير عندك خبر بلكت تبلغنا
وشكرا

هاشم الكوردستاني
14-07-2011, 08:14 AM بتوقيت غرينيتش
اخوان ما هو اخر اخبار التعينات اشو سوية مقابلة صار اكثر من 15 يوم ولحد الان ماكو شي

رجائا الي يعرف شي ايخبرنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



هاشم الكوردستاني

نهاد الاصيل
14-07-2011, 08:57 AM بتوقيت غرينيتش
هيه صار مو بس مقابله وحده اثنين يعني احنه كبلكم قابلنه
يعني صار اكثر من شهر ونص وهم ماكو شي
نتنظر ان شاء الله بس نعرف شي جديد انزله

حسام الامير
14-07-2011, 01:37 PM بتوقيت غرينيتش
السلام عليكم اخ نهاد ممكن عنوان مصرف الرشيد فرع المسبح ولو اسوي عليك زحمة والله يوفك واسمع عنك متعين وتقبل فائق احترامي

نهاد الاصيل
14-07-2011, 01:42 PM بتوقيت غرينيتش
وعليكم السلام اخويه العزيز
هوه بي تقديم هذا الفرع مقابله اقصد لو لا
لان اتذكر ماكو بي مقابلات

بيرق علي
14-07-2011, 05:16 PM بتوقيت غرينيتش
حبيبي لتدوخ نفسك وتسأل اذا تحب تسأل اخذ تكسي لتقاطع المسبح بالكرادة و هناك اسأل و تحياتي ان شاء الله مكضية شغلتك

rajaa.aaali
14-07-2011, 06:13 PM بتوقيت غرينيتش
ألف شكر على جهودكم المبذوله والله دخنا من ورا هاي التعيينات والمقابلات وماكو نتيجه اذا ممكن متى تجري مقابلات مصرف الرشيد فرع الثوره محافظة البصره لباقي الدرجات الوظيفيه مثل مسجل بيانات وفاحص نقد مع الشكر والتقدير

امير الحرباوي
15-07-2011, 08:32 AM بتوقيت غرينيتش
عفوا اخ صكر انت كاتب حماية المنشات والرابط مال الداخلية مكتوب بيه شرطه اتحادية ؟؟؟؟ تحياتي الك اخوية وشكرا على الخبر

صكر
15-07-2011, 10:38 AM بتوقيت غرينيتش
عفوا اخ صكر انت كاتب حماية المنشات والرابط مال الداخلية مكتوب بيه شرطه اتحادية ؟؟؟؟ تحياتي الك اخوية وشكرا على الخبر

حياك الله اخي
1اذا قريت الخبر زين كان نهاية التقديم على حماية المنشات لغاية يوم 14-7 بعدها انتهى التقديم ونرفع الاعلان من الموقع.
2ظهر اعلان جديد للتطوع للشرطه الاتحاديه لمحافظة بغداد فقط.
3اتصور بعد ما ينتهي موعد التقديم للشرطه الاتحاديه راح يعيدون التقديم على الدفاع المدني ودائرة الجنسيه وذلك للخلل اللي ادى الى اغلاق موقع الوزاره اثناء فترت التقديم.
وان شاءالله خير والتوفيق للجميع

كامل التميمي
15-07-2011, 01:18 PM بتوقيت غرينيتش
تسلم اخ صكر على متابعة مواقع التعيين ومشكوره جهودك

صقر الهندسة
15-07-2011, 03:28 PM بتوقيت غرينيتش
السلام عليكم
عندي استفسار عن الهيئة العراقية للحاسبات والمعلوماتية شوكت تطلع اسماء المقبولين
ارجو الاجابة مع الشكر

ghass400
15-07-2011, 03:58 PM بتوقيت غرينيتش
السلام عليكم
اريد ان اعرف موعد نتائج مقابلات الجامعة الاسلامية اي متى يعلنون اسماءالمقبولين في التعيين مع الشكرالجزيل

يوسف القيسي
15-07-2011, 05:30 PM بتوقيت غرينيتش
والله اخوية من رحنة للمقابلة كالو تبعونا على الانترنيت ان شاء الله خير

صكر
15-07-2011, 05:35 PM بتوقيت غرينيتش
تسلم اخ صكر على متابعة مواقع التعيين ومشكوره جهودك

الله يسلمك وان شاءالله يا ربي الموفقيه والتعيين للجميع
توكلو على الله

ثائر
15-07-2011, 06:36 PM بتوقيت غرينيتش
السلام عليكم شباب
تحية الى الاخ نهاد الاصيل . هل طلعت اسماء المرشحيين للتعيين في مكتب المفتش العام لوزارة التعليم العالي لبغداد احنة شفنة اسماء الفروع والمحافضات بس عن بغداد ماكو رجاء الاخ نهاد اوكلمن عنده معلومة يدلينا مكان الاسماء

ثائر
15-07-2011, 06:44 PM بتوقيت غرينيتش
مرحبا شباب الذي يعرف شي عن اسماء المرشحيين لمحافضة بغداد يبلغنة هل تم الاعلان عنها واين نجدها؟؟؟

صكر
15-07-2011, 08:27 PM بتوقيت غرينيتش
وعليكم السلام
تابع هذا الرابط
http://www.moheinspector.org/

صكر
15-07-2011, 08:34 PM بتوقيت غرينيتش
وعليكم السلام ورحمة الله وبركاته
1 تابع موقعهم الالكتروني
http://74.55.31.242/icci/

2 هذا رقم استعلامات الهيئه ارضي
017192391

موفق ان شاءالله لكل خير

امير الحرباوي
15-07-2011, 09:41 PM بتوقيت غرينيتش
تسلم اخوية العزيز اللة يبارك بيك..........تحياتي

ghass400
16-07-2011, 07:41 AM بتوقيت غرينيتش
السلام عليكم
متى سوف تظهر نتائج مقابلات الهيئة العامة للمياه الجوفية

ماستر الهندسة
16-07-2011, 01:09 PM بتوقيت غرينيتش
السلام عليكم ورحمة الله
اشلونكم اخوان ان شاء الله بخير
قبل ايام ظهرت لنا مقابلات الوجبة الاولى والثانية للمحافظات
فما هو الجديد الذي نترقبه من مكتب المفتش في الايام القادمة وما هو اساس اختيار الاسماء للمقابله؟؟
شكرااا

صكر
16-07-2011, 03:51 PM بتوقيت غرينيتش
السلام عليكم ورحمة الله
اشلونكم اخوان ان شاء الله بخير
قبل ايام ظهرت لنا مقابلات الوجبة الاولى والثانية للمحافظات
فما هو الجديد الذي نترقبه من مكتب المفتش في الايام القادمة وما هو اساس اختيار الاسماء للمقابله؟؟
شكرااا


السلام عليكم
1لم تظهر لحد الان اسماء المرشحين للمقابله عن محافظة بغداد
2اعلن عن الشروط التي سيتم المفاضله على اساسها بين المتقدمين والتي ستجدها بالرابط الخاص بالمكتب
http://www.moheinspector.org/
وموفق ان شاء الله
وجزاك الله كل خير على هذا التوقيع

fly
16-07-2011, 03:59 PM بتوقيت غرينيتش
السلام عليكم
اخ صكر منين جبت هيج خبر بأن اكو تقديم
ولغاية 14/7
من ندخل لموقع الداخلية ماكو بس عل شرطة اتحادية /بغداد
بأنتظار ردودكم عل موضوع

علاء الطلبي
16-07-2011, 06:11 PM بتوقيت غرينيتش
بخصوص حماية المنشئات أني قدمة علية أنسدت وفتحو الشرطة الاتحادية يوم 14

صكر
16-07-2011, 06:28 PM بتوقيت غرينيتش
السلام عليكم
اخ صكر منين جبت هيج خبر بأن اكو تقديم
ولغاية 14/7
من ندخل لموقع الداخلية ماكو بس عل شرطة اتحادية /بغداد
بأنتظار ردودكم عل موضوع

وعليكم السلام ورحمة الله وبركاته
1-اذا قريت الخبر زين كان نهاية التقديم على حماية المنشات لغاية يوم 14-7 بعدها انتهى التقديم ونرفع الاعلان من الموقع.
2-ظهر اعلان جديد للتطوع للشرطه الاتحاديه لمحافظة بغداد فقط ينتهي يوم 18-7
3-اتصور بعد ما ينتهي موعد التقديم للشرطه الاتحاديه راح يعيدون التقديم على الدفاع المدني ودائرة الجنسيه وذلك للخلل اللي ادى الى اغلاق موقع الوزاره اثناء فترت التقديم.
وان شاءالله خير والتوفيق للجميع

اسد بابل
16-07-2011, 06:29 PM بتوقيت غرينيتش
ممكن اعرف مكان مقابله تعيينات مصرف الرشيد بالنسبة لمحافظة بابل ؟؟؟

وشكراااا

الطيب
16-07-2011, 06:42 PM بتوقيت غرينيتش
مرجع الوظيفة 50 - التطوع بصفة شرطي على ملاك الشرطة الاتحادية بغداد - بغداد
اعلان التطوع بصفة شرطي على ملاك قيادة قوات الشرطة الاتحادية لخرجي الدراسة المتوسطة صعوداللفترة من14/7/2011 ولغاية 18 /7/2011 عدد المقاعد المخصصة 3400 مقعد مع ملاحظة ان يكون التقديم لحاملي هوية الاحوال المدنية لمحافظة بغداد حصر و سوف يهمل الطلب خلاف ذلك ملاحظة مهمة جدا يهمل الطلب في حال عدم ارسال الوثيقة الدراسية رفقة المستمسكات المطلوبة وسوف تدقق من قبل لجان معده لهذ الغرض
انقر هنا للتقديم (http://www.radiodijla.com/jobsite/apply/72)

الطيب
16-07-2011, 06:43 PM بتوقيت غرينيتش
الله كريم انتابع الموقع و خير ان شاء الله

نهاد الاصيل
16-07-2011, 06:57 PM بتوقيت غرينيتش
اخويه العزيز مقابلات محافظة بابل في الحله نفسها
(مصرف الرشيد / بناية فرع الحلة / مكتب مندوب الوسطى )
يعني يمكم وان شاء الله بالتوفيق

نهاد الاصيل
16-07-2011, 07:00 PM بتوقيت غرينيتش
السلام عليكم
اخ صكر منين جبت هيج خبر بأن اكو تقديم
ولغاية 14/7
من ندخل لموقع الداخلية ماكو بس عل شرطة اتحادية /بغداد
بأنتظار ردودكم عل موضوع
اعلان اني هم قريته ايضا بس هوه النشر مالته كان متاخر بالموقع
هنا
يعني النشر مالته كان يوم 12 هنا
وتحياتي للجميع

حيدر ج
16-07-2011, 11:21 PM بتوقيت غرينيتش
السلام عليكم اخي نهاد ورحمة الله وبركاته ممكن اعرف متى تضهر اسماء المتقدمين على الدفاع المدني الي بشهر السادس صار التقديم مع خالص حبي واحترامي

Hussein Al-Zobady
17-07-2011, 09:05 AM بتوقيت غرينيتش
اخويه بمصرف الرشيد / فرع الحلة 5 / في الحلة قرب تقاطع الام

نهاد الاصيل
17-07-2011, 09:22 AM بتوقيت غرينيتش
والله حاليا ماكو اي شي جديد
واحنه اي شي جديد ان شاء الله انزل اعلانه بي ومانقصر ويه الاعضاء جميعا
تحياتي الك

munamoor
17-07-2011, 09:30 AM بتوقيت غرينيتش
اخويه بمصرف الرشيد / فرع الحلة 5 / في الحلة قرب تقاطع الام
لا اخوية اني رحت قابلت صحيح فرع الحلة 5 واللي يكون مقابل السوق ومقابل ساحة الاحتفالات قرب شارع المكتبات

اسد الله
17-07-2011, 10:26 AM بتوقيت غرينيتش
الاخ نهاد الاصيل مع التحية اخوك في المنتدى اسد الله
حبيبي هل بالامكان مساعدتنا في حل مشكلة الايميل مال وزارة الدفاع مكتب المفتش العام لان كل ما جاي ارسل يرجعلي فلر جربت كل الطرق حتى كمت ارسل في الصباح عند الدوام بلكي السيرفر مالتهم يعمل ويه الدوام لكن بدون جدوى هذه الحالة ايضا بالنسبة الى وزارة الاتصالات نفس المشكلة اخوي العزيز اذا عندك حل لاتبخل به علينا مع حبي وتقديري

اسد الله
17-07-2011, 10:35 AM بتوقيت غرينيتش
:iraqi:الاخ نهاد الاصيل مع التحية اخوك في المنتدى اسد الله
حبيبي هل بالامكان مساعدتنا في حل مشكلة الايميل مال وزارة الدفاع مكتب المفتش العام لان كل ما جاي ارسل يرجعلي فلر جربت كل الطرق حتى كمت ارسل في الصباح عند الدوام بلكي السيرفر مالتهم يعمل ويه الدوام لكن بدون جدوى هذه الحالة ايضا بالنسبة الى وزارة الاتصالات نفس المشكلة اخوي العزيز اذا عندك حل لاتبخل به علينا مع حبي وتقديري

يوسف القيسي
17-07-2011, 11:46 AM بتوقيت غرينيتش
حبيب كلبي اسد الله صغر حجم المستمسكات وعادي راح يروح والله اني دزيتة من اول مرة كلما يحتاجلك برنامج فوتوشوب اتروح على (image)وبعدين اتروح على (image size)وتصغر حجم المستمسكات بحيث ينقري ودزة وبتوفيق

كامل التميمي
17-07-2011, 02:18 PM بتوقيت غرينيتش
مرحبا ولو مداخله بسيطه اكو برنامج تصغير الصور بسيط بدون فوتوشوب اذا اتحب نزله من النت واستخدمه

نهاد الاصيل
17-07-2011, 02:53 PM بتوقيت غرينيتش
تحياتي الك اخويه العزيز
والل هاي المشكله هم واجهتها وهم كالوا الاخوان الكلام هذا
بس ماندزت يمي
جرب انته وبلكت اتصيب يمك يعني صغر الصور
وتحياتي الك

zizo
18-07-2011, 01:25 PM بتوقيت غرينيتش
هلو استاد نهاد ممكن اعرف اشوكت تطاع اسماء تعينات الهيئة العامه للسدود والخزانات او هيئة دعاوى الملكية ممكن ادا عندك خبر وشكرا لجهودك موفق انشاء الله

السنبلة
18-07-2011, 04:01 PM بتوقيت غرينيتش
السلام عليكم

حبيت اعرف شون راح يصير اختيار المقبولين بتعيينات مصرف الرشيد يعني الاختيار يكون من قبل اللجنة المشرفة على المقابلات الا تكون قرعة ولو هي قرعة ليش يسوون مقابلات خصوصاً بالمحافظات

مع الشكر

munamoor
18-07-2011, 04:29 PM بتوقيت غرينيتش
اعتقد اصلا الموظفين داومو قبل لا يسوون المقابلات لان سمعت من موظفين من نفس المصرف بيوم المقابلة ان المقابلات شكليات وان الدرجات الشاغرة تم شغلها وقد باشرو بالعمل

نهاد الاصيل
18-07-2011, 05:00 PM بتوقيت غرينيتش
اهلا بيك بالنسبه للهيئة دعاوي المليكه بعد الاسماء ماطالعه
وبالنسبه للهيئة السدود كالوا يوم 15 بالشهر ماعرف ورى 15 يوم ورى المقابله
وان شاء الله اي خبر جديد نشره هنا
مع التحيه

نهاد الاصيل
18-07-2011, 05:02 PM بتوقيت غرينيتش
لا اتصور تقيم يصير
وراها شلون يصير الاختيار بقات يمهم
وماتصور اكو قرعه
مع التحيه

صكر
19-07-2011, 03:54 PM بتوقيت غرينيتش
السلام عليكم
شباب اللي متاكد من الجواب رجاءا
بتعيينات الداخليه يطلبون رقم بطاقة السكن يوجد رقمين بالبطاقه هو
التسلسل
رقم الاستماره
منو المقصود
واذا صار عندي خطا طريقة التصحيح

محمد ضياء علي الشمري
19-07-2011, 04:00 PM بتوقيت غرينيتش
حبيبي وعيوني.......رقم بطاقة السكن هو رقم البطاقة فقط مو تسلسل البطاقةحسب العدد ..........تحياتي وانشالله الموفقية

كامل التميمي
19-07-2011, 04:25 PM بتوقيت غرينيتش
حسب ملي الاستمارة اتوقع الرقم الي بظهر الاستمارة

حسين مزهر
19-07-2011, 05:33 PM بتوقيت غرينيتش
اني قدمت عل داخلية وعلى الدفاع ودائما يطلبون الرقم الي بضهر البطاقة مو رقم الاستمارة

صكر
19-07-2011, 07:53 PM بتوقيت غرينيتش
يعني الرقم اللي بظهر البطاقه هو المطلوب لو الرقم الثاني
اخ نهاد او اي شخص متاكد رجاء
واذا دزيت بالخطا هل اعيد الارسال او اتركهه

عليي العراقي
20-07-2011, 09:06 AM بتوقيت غرينيتش
السلام عليكم ورحمة الله وبركاته .....................
ارجوا من من تتوفر لديه المعلومات عن موعد ظهور نتائج المقابلات (في مصرف الرشيد و وزراة التخطيط)بظهور الاسماء ان يعلن عنها في هذه الصفحة مع الشكر الجزيل
وتحياتي للجميع...

صكر
20-07-2011, 05:27 PM بتوقيت غرينيتش
السلام عليكم
اسف اذا كررت السؤال بخصوص تعيين الداخليه
1-هل يشترط ان تكون وثيقة التخرج معنونه الهم
2-رقم بطاقة السكن اللي بظهر البطاقه مكتوب تسلسل البطاقه او اللي بالوجه مكتوب رقم الاستماره

احمدالعبيدي
21-07-2011, 06:59 PM بتوقيت غرينيتش
شنو اخبار المقابلات مال التعيين مال الهيئة العامة للمناطق الحرة؟

امير الحرباوي
23-07-2011, 08:56 PM بتوقيت غرينيتش
السلام عليكم جميعا اذا احد عنده علم ينورنه باخبار التقديم على وزارة التعليم العالي نفسهه، اني قدمت وكان اكو اخيار اما دوائر الوزاره او المفتش العام واني قدمت على دوائر الوزاره ؟؟؟؟ وشكرا جزيلا.

ماستر الهندسة
23-07-2011, 09:48 PM بتوقيت غرينيتش
واتمنى من اي شخص عنده معلومات ع مكتب المفتش العام هل سوف تخرج وجبة اخرى خاصة باهل الهندسة ام ماذا لانني وبصراحة قابلت ع وظيفة ماستر هندسة ولم يظهر اعتقد اي اسم من الاسماء بتخصص الهندسة شنو السبب؟؟؟؟؟

sicalshams
24-07-2011, 08:37 AM بتوقيت غرينيتش
اعتقد تعينات التعليم العالي قد كنسلت
لان بعدها بقليل ظهرت نفس التعينات من خلال الجامعات وكان التقديم مباشر
وظهرت اسماء المتقدمين للجامعات وتم مقابلتهم
وكانت الاعداد قليلة جدا قياسا بالمتقدمين ولاتساوي العناء المبذول من اجلها

الطيب
24-07-2011, 10:47 AM بتوقيت غرينيتش
السلام عليكم اخوووان و اخوووات سؤال شنو اخبار وزارة الزراعة ماكو شيء لو هم راح ايغلسووون
و شكرا


اخوكم الطيب تحياتي .....

sicalshams
24-07-2011, 11:05 AM بتوقيت غرينيتش
يقال ان هناك سيطرات في طريق استكمال الاجراءات واول توصل رح تعرف بيها وتكون ان شاء الله من المقبولين

نجمةالمساء
24-07-2011, 11:31 AM بتوقيت غرينيتش
السلام عليكم
والله اني اذكر قدمت علية من الشهر الرابع ولحد الان ماافتهمت الاسماء الي ضهرت للمكتب المفتش العام احنة من ضمنهم ولا كنسلونة واشو صايرة هوسة ومدنفهم شي
ولكن ماكو غير انضل انتابع الموقع والله كريم
تقبلوا مروري تحياتي نجمةالمساء

أبن الزهور
24-07-2011, 03:41 PM بتوقيت غرينيتش
مشكورين عالخبر

Hussein Al-Zobady
25-07-2011, 08:45 AM بتوقيت غرينيتش
شباب و بنات اريد اعرف اذا اكو واحد اتصلو بي او راح قابل بمكتب المفتش العام بوزارة الدفاع
الي عندة معلومة اكيدة عن الموضوع ياريت يفيدنة بيها

احمد العلاق
25-07-2011, 09:35 AM بتوقيت غرينيتش
لحد الان ماكو

الغدير
25-07-2011, 09:52 AM بتوقيت غرينيتش
ما هي اخبار جامعة بغداد طلعت الاسماء

كامل التميمي
25-07-2011, 11:17 AM بتوقيت غرينيتش
تحياتي الك
ماكو شي

كامل التميمي
25-07-2011, 11:19 AM بتوقيت غرينيتش
تحياتي الك
ماكو شي

دعاء التميمي
25-07-2011, 11:23 AM بتوقيت غرينيتش
ما هي اخبار جامعة بغداد طلعت الاسماء
والله علساس اليوم كالو تطلع دننتظر والله كريم

دعاء التميمي
25-07-2011, 11:28 AM بتوقيت غرينيتش
عفية احد يعرف عن المعهد اتصلو لا ؟؟؟؟؟؟

يوسف القيسي
25-07-2011, 12:13 PM بتوقيت غرينيتش
اخوية العزيز لحد الان ماكو شي تحياتي الك

سمر
25-07-2011, 12:22 PM بتوقيت غرينيتش
سئلت بلوزارة وكالو بعد واني هم قدمت ودا انتظر ويارب التوفيق للجميع

Hussein Al-Zobady
25-07-2011, 01:01 PM بتوقيت غرينيتش
مشكورين حبايب واني ممنون منكم
اتمنا منكم اي شي تسمعو تعلنو هنايه
الموفقية للجميع

اياد العراقي
25-07-2011, 02:10 PM بتوقيت غرينيتش
اخوان ارجو التوضيح اكو احد دز الاستمارة مال مكتب المفتش العام لوزارة الدفاع لان اني اب بوقتها طلعت عندي مشكلة اب ارسالها
وشكرا مقدما

حسام الامير
25-07-2011, 02:45 PM بتوقيت غرينيتش
اخوان الي عندة خبر عن اسماء المرشحين للعين في جامعة بغداد ينطينة خبر لان كلما ادخل الى موقع جامعة بغداد ماكو شي جديد

دعاء التميمي
25-07-2011, 02:59 PM بتوقيت غرينيتش
شباب اني هسا بجامعة بغداد
وسالت على التعيينات
الاستعلامات الي بالمكتبة كال ان اللجنة ما مخلصة فرز وماكو تعييننات تطلع قبل ١/٨
وجامعة النهرين يكول ان التتعيينات تطلع من تجي من الوزارة
يعني لحد يتعب نفسة بس شباب يوم ١/٨

دعاء التميمي
25-07-2011, 03:01 PM بتوقيت غرينيتش
اخوان الي عندة خبر عن اسماء المرشحين للعين في جامعة بغداد ينطينة خبر لان كلما ادخل الى موقع جامعة بغداد ماكو شي جديد
شباب اني هسا بجامعة بغداد
وسالت على التعيينات
الاستعلامات الي بالمكتبة كال ان اللجنة ما مخلصة فرز وماكو تعييننات تطلع قبل ١/٨
وجامعة النهرين يكول ان التتعيينات تطلع من تجي من الوزارة
يعني لحد يتعب نفسة بس شباب يوم ١/٨

سمر
25-07-2011, 05:28 PM بتوقيت غرينيتش
هلم اياد شنو الخطأ الي صار عندك اني قدمت الحمدلله بلمناسبة اني خريجة حاسبات

الطيب
25-07-2011, 07:44 PM بتوقيت غرينيتش
وين صاااااااااااااااااااااااااااااااااااارت الاسماء

سيف الدين البغدادي
25-07-2011, 07:55 PM بتوقيت غرينيتش
والله آني هم قدمت بس بعدني دا انتظر مثلك ................................................ حتى النهاية

دعاء التميمي
26-07-2011, 02:18 AM بتوقيت غرينيتش
الله كريم والله نعبنا

حسام الامير
26-07-2011, 05:58 AM بتوقيت غرينيتش
تدري يااخي الطيب صار اكثر من مرة ادخل على موقع الجامعة وماكو اي شي حتى الاعلانات قديمة واكو اي شي جديد بالموقع هسة حتى لو امجليهة ينطونة خبر ماادري شادينة مغذي والله كريم

يونس العامري
26-07-2011, 06:57 AM بتوقيت غرينيتش
وين صاااااااااااااااااااااااااااااااااااارت الاسماء

شلونك اخوية الطيب ان شاء الله مرتاح... بخصوص الاسماء للمقدمين على التعيين في جامعة بغداد ..اليوم رحت للجامعة واخبروني الاخوة هناك ان الاسماء سيتم الاعلان عنها بعد 2011/8/1 ... شنسوي خوية الله كريم

اياد العراقي
26-07-2011, 02:13 PM بتوقيت غرينيتش
هلم اياد شنو الخطأ الي صار عندك اني قدمت الحمدلله بلمناسبة اني خريجة حاسبات

اني هم خريج حاسبات بس المشلكة جان باستلام الملف جنت كلما ادز الاستمارة والمستمسكات تجيني رساله فشل في التوصيل

سمر
26-07-2011, 02:51 PM بتوقيت غرينيتش
هلو هذا صوج الانترنت المفروض ترست الحاسبة وبعدين دز مرة ثانية

سمر
26-07-2011, 02:54 PM بتوقيت غرينيتش
هلو اياد جان المفروض ترست الحاسبة وعيد الارسال

قادرعبدين
27-07-2011, 04:57 PM بتوقيت غرينيتش
سلام عليكم ممكن موقع تقديم لي مدرية محافظة صلاح الدين واكون مشكورا

منعم سعدون
27-07-2011, 05:39 PM بتوقيت غرينيتش
ارجو من الاعضاء الموقرين اعطائي اي معلومات عن اسماء المتقدمين بطلبات التعيين الى ديوان الوقف الشيعي ولكم مني جزيل الشكر

يوسف القيسي
27-07-2011, 05:39 PM بتوقيت غرينيتش
حبيبي قادر الاخ علي كاتب الموضوع ذاكر التقديم مباشر

نهاد الاصيل
27-07-2011, 06:07 PM بتوقيت غرينيتش
بعد ماكو اي شي جديد
احنه بس يصير شي جديد ان شاء الله نزله بالمنتدى
مع التحيه

المهندسه الحالمه
27-07-2011, 07:59 PM بتوقيت غرينيتش
السلام عليكم
اخوان اذا احد منكم يعرف شي عن الهيئه العامه للكمارك , هم نزلو اسماء المقبولين لو لا ؟
والكم جزيل الشكر

ثائر الشمري
27-07-2011, 08:01 PM بتوقيت غرينيتش
اخوان منو عنده علم طلعت الاسماء لو لا

الرونق الجريح
28-07-2011, 12:01 AM بتوقيت غرينيتش
السلام عليكم
اخوان اذا احد منكم يعرف شي عن الهيئه العامه للكمارك , هم نزلو اسماء المقبولين لو لا ؟
والكم جزيل الشكر

يكولون المدير العام مسافر للبصرة فأجلوهة من اسبوع الى 10 ايام النتائج فنرجو الصبر من كافة المتقدمين

اياد العراقي
28-07-2011, 02:11 PM بتوقيت غرينيتش
هلو اياد جان المفروض ترست الحاسبة وعيد الارسال

والله رستت وما كو فايدة علمعوم خيرها اب غيرها وشكرا عل توضيح

اسماعيل العكيلي
28-07-2011, 03:15 PM بتوقيت غرينيتش
انا خريج المعهد العالي للاتصالات والبريد 1993
ابحث عن تعيين من سنين طويلة
متزوج وعندي 6 اطفال
وحاليا اشتغل بالعمالة والله حرام
ارجو المساعدة قدر الامكان
م/ ماعندي واسطة ماعندي فلوس اتعين بيها

نجمةالمساء
28-07-2011, 03:26 PM بتوقيت غرينيتش
انا خريج المعهد العالي للاتصالات والبريد 1993
ابحث عن تعيين من سنين طويلة
متزوج وعندي 6 اطفال
وحاليا اشتغل بالعمالة والله حرام
ارجو المساعدة قدر الامكان
م/ ماعندي واسطة ماعندي فلوس اتعين بيها
الله ايساعدك اخي ويعينك ليش متقدم ع تعينات الشرطة او وزارة الدفاع وبلكي تنقبل اذا بعدة مفتوحة وشملك لئن ابصراحة البكالوريوس محد امعينهم هسة دياخذون اهل الماجستير واكيد المعاهد والله اعلم شغلتهم بعد اصعب وضل ويانة بالمنتدى ع اعلانات الوضائف بلكي ايطلبون اختصاصك والله كريم
تقبل مروري نجمةالمساء

نهاد الاصيل
28-07-2011, 03:31 PM بتوقيت غرينيتش
الشمكله اختي نجمه الاخ عمره جبير مايسمحونه اله بالشرطه او الجيش اتصور
بس انته لاتفقد الامل
ان شاء الله تواصل ويانه
بلكت اعلان من اعلانات يفيدك بيهن
ان شاء الله بالتوفيق

sergon42
28-07-2011, 03:38 PM بتوقيت غرينيتش
اخي اذا عندك خبره بالاتصالات روح لشركة عراقنا او اسيا سيل او امنية او اتصالنا وان شاء الله يعينوك عدهم ....

التوب جاكم
28-07-2011, 03:43 PM بتوقيت غرينيتش
صح اخويه شركات الاتصالات تبحث عن اختصاصك بشرط توفر الخبرة لدى المتقدم للوضيفه وما اصورهه بالشي المستحيل

lawyer
28-07-2011, 04:10 PM بتوقيت غرينيتش
اخوية مو الا تقدم على اختصاصك بشركات الاتصالات قدم حتى لو على خدمات المشتركين صارلها فترة شركة زين خاله اعلان طالبين وظائف بخدمات المشتركين هم تفيد وبدون خبرة قدم ويصير خير انشاالله .تحياتي للكل اخوكم المحامي

يوسف القيسي
28-07-2011, 05:33 PM بتوقيت غرينيتش
الك الله اخوية راجع شركات الاتصالات وان شاء الله خير

احمد يعرب
28-07-2011, 10:21 PM بتوقيت غرينيتش
السلام عليكم
شلونك اخويه
هسه التعيينات كلهه على الدفاع وعلى الداخليه
انصحك نصيحه لتدور على وظيفه مدنيه لان متلكه
اصحاب الشركات والدوائر الحكوميه كلهه على العرف
جيب ابن عمك وابن خالك
ومن ينفتحن التعيينات بالوزاراة المدنيه
وزارة شكبرهه شعرضهه تطلب 50 درجه وظيفيه
لو 20 درجه وظيفيه بينما الوزارات العسكريه تطلب بالالاف درجات وظيفيه
روح قدم على حمايت المنشاة في وزارة الداخليه تره اكو واحد
مواليد 1976 وقابلي وطالع اسمه بالشرطه الاتحاديه لدير بال للعمر
قدم وخليهه على الله
ادخل على موقع وزارة الدفاع
وقدم على مكافحة الارهاب
وهذه الروابط
:iraqi:تعيينات وزارة الداخليه (http://174.142.105.65/jobsite/?province[0]=1923&province[1]=1924&province[2]=1925&province[3]=1926&province[4]=1949&province[5]=1950&province[6]=1929&province[7]=1930&province[8]=1931&province[9]=1932&province[10]=1997&province[11]=1933&province[12]=1934&province[13]=1935&province[14]=1936&province[15]=1937&province[16]=1938&province[17]=1939&province[18]=1940):iraqi:
:iraqi:تعيينات وزارة الدفاع (http://www.mod.mil.iq/):iraqi:


كاريوكي

عباس السهلاني
28-07-2011, 10:45 PM بتوقيت غرينيتش
السلام عليكم ورحمة الله
اذا ممكن احد يجاوبني ويكلي مكان مقابلة المفتشية لوزراة التجارة زين الاسماء شلون نعرفها اني محافظة الديوانية
شكرا لكم

hisham
29-07-2011, 06:59 AM بتوقيت غرينيتش
السلام عليكم منو يعرف شنو صار من تعيينات وزارة الماليه ؟ ومتى تضهر نتائج المقابلات في مصرف الرشيد؟
والسلام ختام

نهاد الاصيل
29-07-2011, 08:59 AM بتوقيت غرينيتش
تعينات وزارة الماليه الغت
والمصرف بعده كاعد ياقبل خلي يخلصون
وراها نتظر والله كريم
تحياتي الك

ويكيليكس الخريجين
29-07-2011, 03:50 PM بتوقيت غرينيتش
عزيزي با ان التقديم كان ببغداد حصرا فالمقابلة ايضا ببغداد .. هذا رأيي لان الموقع ماذاكر شي.......

عباس السهلاني
29-07-2011, 04:32 PM بتوقيت غرينيتش
عزيزي با ان التقديم كان ببغداد حصرا فالمقابلة ايضا ببغداد .. هذا رأيي لان الموقع ماذاكر شي.......
يعني التقديم فقط لاهالي بغداد حصرا شكرا جزيلا

ويكيليكس الخريجين
29-07-2011, 08:07 PM بتوقيت غرينيتش
عزيزي الظاهر مااستوعبت ردي الك .. اني اقصد المن فتحو التعيينات جان التقديم بمركز الوزارة اي ببغداد يعني مو بالنت ولا بفروع المحافظة.. فالمقابلة تشمل كل المحافظات

عصام الامير
29-07-2011, 08:51 PM بتوقيت غرينيتش
السلام عليكم

بالبداية رمضان مبارك ع الجميع وان شاء الله رمضان الجاي كلنا متعينين

ممكن اذا احد يعرف خبر بخصوص اسماء الجامعة الاسلامية شوكت تعلن

تحياتي وتقديري للجميع

نجمةالمساء
29-07-2011, 10:57 PM بتوقيت غرينيتش
السلام عليكم



بالبداية رمضان مبارك ع الجميع وان شاء الله رمضان الجاي كلنا متعينين


ممكن اذا احد يعرف خبر بخصوص اسماء الجامعة الاسلامية شوكت تعلن


تحياتي وتقديري للجميع

اخي والله يومية اروح ع موقع وابد محاطين اعلان ع موضوع شو صايرة سنطة مااعرف ليش يمكن من المهزلة والواسطات الي صارت بالمقابلة عتمو ع الموضوع وياريت اي شخص يعرف عنهم خبر يكتبلنة تعليق
ورمضان كريم ع الجميع وتقبل مروري
اختكم نجمةالمساء:)

يوسف القيسي
30-07-2011, 12:59 AM بتوقيت غرينيتش
رمضان كريم ع الامة الاسلامية عامة وشعب العراقي خاصة والله اخوية شو جماعة امغلسين على الاخر ان شاء الله خير

الاعظمي
30-07-2011, 06:26 AM بتوقيت غرينيتش
السلام عليكم ورحمة الله اخواني اني خابرت شخص بالجامعة كال 15-8على اساس وراسلت الموقع كالو على اساس 1-8 نتابع الموقع مالهم والله اعلم بعد

عصام الامير
30-07-2011, 01:35 PM بتوقيت غرينيتش
مشكورين اخوان ماقصرتوا

ننتظر والله كريم

نمر البصره
30-07-2011, 08:11 PM بتوقيت غرينيتش
ممكن اعرف اشوكت تعلن الاسماء للمتقدمين على مصرف الرشيد في محافظة البصرة علما احنا قابلنا يوم 11-7-2011
ولحد الان ماكو اسماء بالموقع علما سمعنا خبر بان الاسماء ملصقه على جدران المصرف بالبصرة
هل لديكم علم بذلك
ارجو الرد بأسرع وقت

عبد الحسنين
31-07-2011, 12:57 PM بتوقيت غرينيتش
السلام عليكم ممكن اعرف اسماء المتقدمين على الهيئه العراقية للحاسبات والمعلوماتيه شوكت تطلع الاسماء ؟؟؟؟

صكر
31-07-2011, 01:08 PM بتوقيت غرينيتش
السلام عليكم ممكن اعرف اسماء المتقدمين على الهيئه العراقية للحاسبات والمعلوماتيه شوكت تطلع الاسماء ؟؟؟؟

وعليكم السلام ورحمة الله وبركاته
راجعت الهيئه يوم 25-7 كان جوابهم (الاستعلامات) اختارت لجنة التعيينات (اللي قابلتنه) الاسماء المرشحه للتعيين وبانتظار مصادقة الوزير على الاسماء حتى يتم اعلانهه انتهى كلامهم.
حاولت اعرف الاسماء اللي رشحت ما قبل وهو اكيد ما يعرف لكن ردت اسال ما قبل كال ما يصير راح تعرفون الاسماء عند اعلانهه
لكن الاسماء تعلن على الموقع الالكتروني للهيئه فتابعه دائما
هذا الرابط
http://74.55.31.242/icci/

عبد الحسنين
31-07-2011, 05:42 PM بتوقيت غرينيتش
مشكور حبي على الخبر والله يوفق الجميع انشاءالله

هاشم الكوردستاني
01-08-2011, 07:08 AM بتوقيت غرينيتش
شباب وين صارت الاسماء واللة ملينة هسة لو تطلع ونخلص جان ارتاحينة

رجائا الي عندة خبر خلي لا يبخل علينة ...........

واذا اكو واحد من بغداد امقدم ايروح للدائرة ويسئل بعد احسن .......



هاشم الكوردستاني

نهاد الاصيل
01-08-2011, 08:04 AM بتوقيت غرينيتش
للإتصال بمكتب المفتش العام لهيئة دعاوى الملكية على الارقام :- ب


07903299737 - 07808678067
اتصل بيهم همه هسه يطوك جواب
وان شاء الله خير

حارس المنتدى
01-08-2011, 09:25 AM بتوقيت غرينيتش
خابرهم هاشم شمنتظر عالسريع

الله يوفقك

ويوفق استاد نهاد الاصيل

الطيب
01-08-2011, 10:09 AM بتوقيت غرينيتش
شنو اخر اخبار اسماء المتقدمين للتعيين في جامعة بغداد
مو اليوم 1 اب احد عندة علم بخصوص هذا الشيء
ولكم جزيل الشكر و الامتنان
اخوكم الطيب
تحياتي:love:

دعاء التميمي
01-08-2011, 10:57 AM بتوقيت غرينيتش
عفية والله موتونا

جناح الامل
01-08-2011, 11:50 AM بتوقيت غرينيتش
اخي العزيز راجع الموقع مالهم
لان من رحتلهم قبل كم يوم كالوا راح تنزل الاسماء على موقعهم
وبالتوفيق للجميع

ثائر
01-08-2011, 12:32 PM بتوقيت غرينيتش
السلام عليكم اخوان ورمضان كريم علينا وعلى كل العراقيين الطيبيين اليوم رحت الى هيئة الكمارك وسئلت على نتائج التعيينات كالولي بالنص( يوم الخميس هناك قرعة علنية الساعة العاشرة والدعوة عامة ) وانشاء الله التوفيق للجميع


مهندس ثائر البغدادي
الدعوة عامة وحتبئى لمة

المهندسه الحالمه
01-08-2011, 03:20 PM بتوقيت غرينيتش
رمضان كريم عليك اخ ثائر وعلى كل العراقيين
شكرا على الخبر بارك الله بيك

BLaCK GHoST
01-08-2011, 05:17 PM بتوقيت غرينيتش
استفسار حول الاعلان عن نتائج المقبولين في الهيئه



منو يعرف بليييييز



واذا عدكم رقم الاستعلامات

ارخبيل
01-08-2011, 05:57 PM بتوقيت غرينيتش
اني خابرتهم قبل اسبوع جاوبني واحد كالي اخويه تابعوا جريدة الصباح لأن الاسماء راح ندزهه لجريدة الصباح بس شوكت محد يعرف

احمد المهتدي
02-08-2011, 07:34 AM بتوقيت غرينيتش
ممكن الاسامي ومشكور اذا طلع يا اخ ثائر الاسماء بس لمحافظة بغداد ام لمحافظات وشكرا ع الخبر

ثائر
02-08-2011, 08:36 AM بتوقيت غرينيتش
حبيبي ابو شهاب الوردة الي اعرفة انه هذه اسماء محافظة بغداد والي قابلوهم بنفس الهيئة الموجودة مقابيل القصر الابيض

نهاد الاصيل
02-08-2011, 09:29 AM بتوقيت غرينيتش
همه كالوا على اساس 15 بهذا الشهر
واذا تريد الشرطي الي بالباب طانياه هوه اذا اتحب ادزه الك برساله مع التحيه

نهاد الاصيل
02-08-2011, 09:38 AM بتوقيت غرينيتش
ان شاء الله خير
التوفيق للجميع

ثائر الشمري
03-08-2011, 08:55 AM بتوقيت غرينيتش
السلام عليكم و رمضان كريم عليكم اخوان منو عنده خبر على الاسماء طلعت بعدها شنو السالفه

douaa
03-08-2011, 11:40 AM بتوقيت غرينيتش
عفيه محد منكم عرف شوكت تطلع الاسامي مو ملينه والله حتى صبرنه خلص

جناح الامل
03-08-2011, 11:53 AM بتوقيت غرينيتش
السلام عليكم و رمضان كريم عليكم اخوان منو عنده خبر على الاسماء طلعت بعدها شنو السالفه

حبيبي الغالي
اني اتصلت بيهم وكالولي النتائج اسماء التقديم ان شاء الله باجر ساعة 10 صباحا
والله اعلم

احمد المهتدي
03-08-2011, 02:19 PM بتوقيت غرينيتش
اخي جناح الامل الاسماء مال شرطة حدود لو غير شي

اسامة وافتخر
03-08-2011, 02:37 PM بتوقيت غرينيتش
السلام عليكم شباب الي يعرف اخبار عقود وزارة الهجرة والمهجرين اشو ما كو اي اخبار بالموقع الرسمي

مالك
03-08-2011, 04:31 PM بتوقيت غرينيتش
سمعت الوزارة راح تنلغي

احمد العلاق
03-08-2011, 04:44 PM بتوقيت غرينيتش
ارسلوا رقم لكل متقدم بالايميل

صكر
03-08-2011, 05:07 PM بتوقيت غرينيتش
السلام عليكم ورحمة الله
كل وزاره يكون تقديمها عن طريق النت تعلن النتائج على موقعها
فتابع الموقع الالكتروني+الاخوان هنا ما يقصرون اذا اكو اي شي جديد
وبالتوفيق ان شاءالله

صكر
03-08-2011, 05:12 PM بتوقيت غرينيتش
عفيه محد منكم عرف شوكت تطلع الاسامي مو ملينه والله حتى صبرنه خلص

اكيد راح تعلن على موقعهم ان شاءالله

جناح الامل
03-08-2011, 05:45 PM بتوقيت غرينيتش
لا حبي الموضوع على هيئة الكمارك



اخي جناح الامل الاسماء مال شرطة حدود لو غير شي

ثائر الشمري
03-08-2011, 06:31 PM بتوقيت غرينيتش
شكرا حبيبي جناح الامل والله ايوفقك ورمضان كريم عليك اذا عرفت الاسماء ارجو ان تنشرها هنا

المهندسة سمر
03-08-2011, 07:04 PM بتوقيت غرينيتش
اني من كنت بالمقابلة الخاصة بالجامعة المستنصرية الي اني متخرجة منها بالموت يلة رحت للمقابلة بالحر والتعب جان كدامي الاستاذ الي قابلني جان ديخابر ويتوسط لوحدة ويكلة سوولهة شغلتهة لخاطر فلان الفلاني ترة يزعل عليكم ومن كمل تلفونه كلي احجي بسرعة ترة مستعجل كتلة اني خريجة هندسة وعندي شهادات عالمية توفل واي سي وخبرات بعملي كلي اي اي وكبس الاوراق بالمكلوبي بالفايل كتلة استاذ هيج غلط كلي مشيها وعلساس يسئلني بالاختبار كلي شنو الفرق بين الخرسانة والسمنت ولا عبالك كدامة مهندسة مدني يعني هذا سؤالة يبيين همة شكد مستهزئيين بالوضع وشكد الشغلة كلاوات ومن جاوبتة صح كلي انتي ذكية عفية عليج كلي انتي اوائل كتلة لا استاذ كال لعد متفيدينة متنقبليين بالتعيين كتلة ليش استاذ اني اربع سنوات ما متعينة كلي رجاء رجاءا لا تحجيلي هيج حجي وصار عصبي فاني طلعت وايست من الشغلة لان كلها كلاوات وجذب وواسطات مشتغلة على قدم وساق

المهندسة سمر
03-08-2011, 07:06 PM بتوقيت غرينيتش
ارسلوا رقم لكل متقدم بالايميل لعد اشو اني قدمت وما انطوني رقم ؟؟؟؟؟؟؟؟؟؟؟؟؟

صكر
03-08-2011, 07:16 PM بتوقيت غرينيتش
لعد اشو اني قدمت وما انطوني رقم ؟؟؟؟؟؟؟؟؟؟؟؟؟

اني ما قابلت يوم ومسجل رقم التعيين
بس دائما الكي مثبت ويه الاسم بالمقابله (نفس الشي كلشي ما وصلني)

بسام
03-08-2011, 07:18 PM بتوقيت غرينيتش
كلامج كله صح لان اني هم مجربه بس بغير مقابلات ...بس اريد اعرف بيا دوله اكعدون المهندسين بالبيت بس هذي دولتنا الموقره(دوله القانون)على كولتهم
الله ينتقم منهم بالدنيا قبل الاخره احنا تعبنا بالدراسه ومحد منجح اله شاف انجوم الظهر وتاليها نكعد بالبيت

صكر
03-08-2011, 07:20 PM بتوقيت غرينيتش
والله يا اختي شنو الحل الهذا الوضع والله ما اعرف
اللي دا يصير بالعراق ما صاير بأي مكان
اني نفس الحاله بالمقابله بس سمعت استاذ طالع يحجي علني كدام كل المتقدمين للمقابله
الهذي الدرجه وصلت بيهم

صكر
03-08-2011, 07:32 PM بتوقيت غرينيتش
(دوله القانون)

دولة الفافون

hope3_1977
03-08-2011, 08:01 PM بتوقيت غرينيتش
السلام عليكم

اخواني الاعزاء .. اخواتي العزيزات..
ما هو الامر بالنسبة لمصرف الرشيد (المنطقة الشمالية)اعلن وما زال يعلن اسماء المتقدمين لدرجة مسجل بيانات وفاحص نقد، وعندما ذهبنا للمقابلة وقابلنا (نديم اسماعيل الدباغ) قال بأنه لا توجد درجات شاغرة بالنسبة لمسجل بيانات وفاحص نقد.. اذا لدى احدكم علم بخصوص هذا الموضوع نرجو اعلامنا، علما اننا ارسلت رسالة للمصرف وقال انهم بحاجة لهذه الدرجات فما مصيرنا نحن؟؟ نرجو اعلامنا ...

ويكيليكس الخريجين
03-08-2011, 08:09 PM بتوقيت غرينيتش
اختي العزيزة بما ان المصرف اكدلج انهم طالبين مسجل بيانات وفاحص نقد فروحي عالمقابلة.. حتى بعدين مايظل عند هذا نديم (( ابو كرم ))اي حجة..

hope3_1977
03-08-2011, 08:12 PM بتوقيت غرينيتش
الحقيقة اني قابلت بس هو كال انو ماطالبين هاي الدرجات والله حيرة الواحد وين يتوجه وشيسوي، ماكو غير واحد يفوض امره لألله

نجمةالمساء
03-08-2011, 09:05 PM بتوقيت غرينيتش
السلام عليكم
ابصراحة اختي صار موضوع مصرف الرشيد والله دوخة وبهذلة من شغلة الاستمارة دمرونة بيهه وهسة المقابلات الي مدتخلص والله اعلم الي قابلوا حيصيرون اكثر من عشرة الالف شخص والله اعلم العدد المطلوب اشكد بس لا يطلع 500 اذا عدنة حظ والله مهزلة مع احترامي والله كريم

محمد ابن الموصل الحدباء
04-08-2011, 08:24 AM بتوقيت غرينيتش
السلام عليكم استاذ نهاد الوردة ممكن تزودنا بأي معلومات عن المقابلات الخاصة بمكتب المفتش العام في وزارة الصناعة والمعادن وهل اكملو عملية فرز الاستمارات اذا عندك اي معلومات حول الموضوع او اي عضو في المنتدى يفيدنا وجزاكم الله الف خير

anas widad
04-08-2011, 08:25 AM بتوقيت غرينيتش
اللهم بحق محمد وآل محمد ان تخسف الارض وتفتح ابواب جهنم وتغلق ابواب رحمتك على كل ظالم وظالمة وعلى كل من لايعمل الخير لاخيه او اخته ويحب نفسه ويتكبر على اخوانه واخواته.. امين يا رب العالمين..

engineer firas
04-08-2011, 09:19 AM بتوقيت غرينيتش
اخ نهاد حظرتك كلت انو ادخل للموقع وسوي ريفرش لكن هم ما ظهرت الاسماء شنو المشكلة والله ما اعرف على كل حال راح اكتبلك اي وتساعدني جزاك الله الف خير


بخصوص تعيينات المرور

نهاد الاصيل
04-08-2011, 10:57 AM بتوقيت غرينيتش
اوكي ماكو مشكله اني متواجد وهسه ضفتك

نهاد الاصيل
04-08-2011, 11:35 AM بتوقيت غرينيتش
اي شي جديد ان شاء الله مانقصر بي
تحياتي الك

يحيى العقابي
04-08-2011, 11:55 PM بتوقيت غرينيتش
السلام عليكم
ممكن اعرف اسماء المقبولين على الجامعة المستنصرية طلعت لو بعد لان حرت والله ... وياريت الي عنده اي خبر عنها يردلي( وله الاجر والثواب) واذا اسمي طالع (وله هدية ثمينة)
تحياتي للكل....

anlaser
05-08-2011, 06:15 AM بتوقيت غرينيتش
:frown:السلام عليكم ورحمة الله وبركاته
هل توجد اخبار حول التعيينات في هيئة التعليم التقني؟

sicalshams
05-08-2011, 06:52 AM بتوقيت غرينيتش
سبق ان تم مقابلة وتعيين البعض ممن تقدموا للتعيين في التعليم التقني من حملة الشهادات العليا ماجستير ودكتوراه

anlaser
05-08-2011, 07:06 AM بتوقيت غرينيتش
نعم قابلنا معهم والحمد لله لكن هل طلعت الاسماء
وشكرا على الرد

BOZKURT
05-08-2011, 08:23 PM بتوقيت غرينيتش
أني هم قابلت بس لحد الان ماطلعت الاسماء من خلال متابعتي لموقعهم الالكتروني

الاعظمي
06-08-2011, 06:42 AM بتوقيت غرينيتش
السلام عليكم
اذا امكن اي شخص يكوللنا شصار من تعيينات الجامعة الاسلامية وشوكت تطلع الاسماء اشو صار فترة كالولنا على بداية شهر اب ولي هسة ماكو شي اذا امكن اي شخص عندة معلومة يكولها النا ولكم جزيل الشكر

عصام الامير
06-08-2011, 11:13 AM بتوقيت غرينيتش
عليكم السلام

اني راسلتهم على الموقع مالتهم

وجاوبوني

كالوا راقب الموقع مالتنا لا مامعلوم شوكت تطلع الاسماء بس اول متطلع تنزل على الموقع

والله كريم

تحياتي

faisaal_7
06-08-2011, 11:31 AM بتوقيت غرينيتش
السلام عليكم ورحمة الله وبركاته
قبل اكثر من شهر قدمنا عن طريق الانترنيت طلب تطوع تابع لوزارة الداخلية في مديرية الدفاع المدني التابع لمحافظة نينوى وحماية المنشأة
اخوتي الاعزاء ولحد الان لم نسمع شي بخصوص الموضوع لم تظهر اسماء المقبولين لحد الان متى ستظهر اسماء المقبولين وهل ستجرى قرعة
( اخاف هاي التقديمات كلها كلاوات )

يوسف القيسي
06-08-2011, 11:39 AM بتوقيت غرينيتش
حي الله اهل موصل حبيب كلبي واحنة مثلك قدمنة ولحد الان ماكو شي حبيبي ماكو شي كلاوات هم صارت تقديمات عن طريق النت على الشرطة الاتحادية وطلعت الاسماء ان شاء الله خير

اياد العراقي
06-08-2011, 11:53 AM بتوقيت غرينيتش
وعليكم السلام
والله اني استفسرت عن طريق صديق بالجامعة وكال
على اساس انه الاسماء تطلع ورا شهر رمضان الكريم والله اعلم

المهندسة سمر
06-08-2011, 03:31 PM بتوقيت غرينيتش
اخي يحيى ولو اني تشائمية شوية بس احسلك تنسى حتة من تطلع اسماء جماعة الواسطات والاحزاب متنصدم لان اني صار اربع سنوات اركض ورة تعينات وزارة التعليم وكلشي ماكو قابلت الوكيل ومدير مكتب الوزير والمفتش العام ذات نفسة وكلشي ماكوووووووووووووووووووووووووووو حسبي الله ونعم الوكيل

بيرق علي
06-08-2011, 06:18 PM بتوقيت غرينيتش
الاسماء بعدها مطالعة فقط الاول على الاوائل اتعين .... و الباقين الله الهم .... بس الصبر حلووو اصبرووا و الله موجود مينساكم و الي الكم ميصير الغيركم ...

صكر
06-08-2011, 06:33 PM بتوقيت غرينيتش
السلام عليكم
ممكن اعرف اسماء المقبولين على الجامعة المستنصرية طلعت لو بعد لان حرت والله ... وياريت الي عنده اي خبر عنها يردلي( وله الاجر والثواب) واذا اسمي طالع (وله هدية ثمينة)
تحياتي للكل....
وعليكم السلام ورحمة الله
شلون بعد محد بجاوب الا بالهدايا هههههه
خوش شغله
اخويا العزيز الاسماء تعلن على موقع الجامعه المستنصريه على الانترنت
وراح تكون المفاضله (اذا صدقو)وفق الشروط اللي اعلنوهه سابقا وهي المعدل والتسلسل على الدفعه وجماعة الشهداء والعقود واولاد الاساتذه الخ
وهذا رابط الجامعه
http://www.uomustansiriyah.edu.iq/
والموفقيه للجميع

zizo
07-08-2011, 08:17 AM بتوقيت غرينيتش
هلو استاد العزيز نهاد الاصيل ممكن اعرف ادا عندك علم بخصوص اسماء المتعنين ماعرف طلعت لو لا اسماء مال الري او هيئة ادا عدك خبر اتخبرنا مع جزيل الشكر والتقدير

الغدير
07-08-2011, 10:09 AM بتوقيت غرينيتش
الاسبوع الثاني من اب وكلشي ماكو جامعة بغداد خل انسوي هجوم على صفحنهم بالفيس بوك

يوسف القيسي
07-08-2011, 10:30 AM بتوقيت غرينيتش
اصبرو الله كريم ان شاء الله خير

نجمةالمساء
07-08-2011, 12:25 PM بتوقيت غرينيتش
السلام عليكم
والله هم فكرة شكرا اخي ع موضوع

banota
07-08-2011, 12:54 PM بتوقيت غرينيتش
السلام عليكم بس ردت اعرف منو اليوم قابل بدائرة صحه بغداد يعني شلون كانت المقابلة شنو الاوراق اللي يحتاجوهه اللي عنده معلومه لايبخل علينه

حسام الامير
07-08-2011, 01:43 PM بتوقيت غرينيتش
اخوان جايز الجماعة خاليهة النة عيدية ورة العيد ليش نستعجل هم من كامو ياجلونهة شوية شوية اكيد ضامينة مفاجئة حلوة الله يستر ياجامعة بغداد

احمد المهتدي
07-08-2011, 01:55 PM بتوقيت غرينيتش
يا جماعة صابرين هل جم سنة ذا اصبرو هل العشرين سنة والله كريم

علي العراقي العراقي
07-08-2011, 04:49 PM بتوقيت غرينيتش
عمي هم ينتظرون عام 2012 يدخل علمود يصير عصفورين بحجر ويلهون الناس سنة اخرى

ارخبيل
07-08-2011, 05:53 PM بتوقيت غرينيتش
ممكن اعرف انته من من يا محافظة قدمت على مكتب المفتش العام هيئة دعاوي الملكية ؟ وشنو شهادتك ؟ ويا يوم رحت للمقابلة وكم واحد كان موجود وياك من محافظة كركوك بلا زحمة

ياسر التميمي
07-08-2011, 06:07 PM بتوقيت غرينيتش
اني مقهور عليكم انتو شكد فقرة وطيببين القلب يا عراقيين
كل هل الكلاوات ومصدقيين الله يكون بل العون

اسراء
07-08-2011, 06:48 PM بتوقيت غرينيتش
السلام عليكم:اخواني واخواتي الاعزاء من فتحت وزارة العدل التقديم وقدمنا اشو بعد ماكو لاحس ولاخبر ولاعلنوا شي ولامقابلات ولاطلعت اسماء ولا كل شي رجاءا اللي عنده اي معلومات او اخبار لايبخل علينا بيها وتحياتي للجميع

اياد العراقي
07-08-2011, 07:42 PM بتوقيت غرينيتش
والله اختي حالنه من حالج دانتابع الموقع والله كريم

يوسف القيسي
07-08-2011, 08:36 PM بتوقيت غرينيتش
والله اختي احنه هم مثلج بس اكو احجاية اتكول وزير العدل انسان حزبي جاب جماعتة وعينهم وبعدين نشر الدرجات الوظيفية

ahmed_iraq_1987
07-08-2011, 09:53 PM بتوقيت غرينيتش
تحية طيبة
اسراء هسه وزارة العدل بيها الف مشكلة ما اعتقد راح يصير شيء هسه لانه استجواب بالبرلمان

بسام
07-08-2011, 10:24 PM بتوقيت غرينيتش
يا عدل يابطيخ هو هذا بلدنا بي عدل؟؟؟؟
شباب الوظائف لهل الواسطه وهذا كله جذب في جذب
والله اخلي حكومتنا (حكومه القانون)على كولتهم للحراميه

ساره البغداديه
08-08-2011, 05:47 AM بتوقيت غرينيتش
طلع وزير العدل مو خوش رجال ههههههههههههههه يعني بشرى ماكو لاتعيين ولاشي
وحيستمر الفلم هيج كلهم مو اوادم واحنه ننتظر الفرج المستحيل

احمد السعيدي
08-08-2011, 06:37 AM بتوقيت غرينيتش
بين فترة واخرة تظهر لنا تعيينات في الارنترنيت وهي ظاهرة حظارية جديدة ومفيدة في نفس الوقت من حيث تكاليف التقديم المادة والجسدية ونحن نثمن هذه المبادرة.. ولكن جميع اللذين تم التقديم لهم لم يظهر اي اسم منهم. هل تكمل العدد وبعدها يعلن في الانترنيت
وهذاما لاحظته في شخصيا حول التقديم على مكافحة الارهاب حيث يفتح الموقع بصورة متفق عليه في اوقات معينه معلومه لبعض الاشخاص حيث يتصلون بذويهم ومعارفهم للتقديم وبعدها يبقى الفقير..
والله المستعان

هاشم الكوردستاني
08-08-2011, 07:25 AM بتوقيت غرينيتش
صابريييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييين يا عراق



هاشم الكوردستاني

حارس المنتدى
08-08-2011, 08:02 AM بتوقيت غرينيتش
راح تموت من الصبر هاشم هو بقى صبر

الله يساعدك ويساعد الكل

no hope
08-08-2011, 11:14 AM بتوقيت غرينيتش
اهلا رحنة قابلنة بس المقابلة شكليات كلسع يسالون عالاسم وعلى عنوان السكن واخر شي اصعب سؤال ما هو الاوفس؟؟ بالله هو هذا سؤال ينسال والله عيب الاطفال بالابتدائية ديعلموهم اوفس وقبل المقابلة كالوا لتتاملون تتعينون انتوا هواي ناخذ بس 4 او 5 من عندكم لان ما عدنة درجات

نهاد الاصيل
08-08-2011, 11:27 AM بتوقيت غرينيتش
بالنسبه للوزارة العدل
مثل ماكالوا الاخوان وزير العدل جاب جماعته وراها خله الدرجات اعلان فقط
بس الله موجود لكل ظالم نهايه
والصبر مفتاح الفرج
ورمضان كريم عليكم جميعا

نهاد الاصيل
08-08-2011, 11:30 AM بتوقيت غرينيتش
بالنسبه الهيئة السدود ماكو شي لحد هسه
وكذلك هيئة دعاوي الملكيه
احنه بس يصير شي جديد انزله مع التحيه

صكر
08-08-2011, 01:15 PM بتوقيت غرينيتش
السلام عليكم ورحمة الله
استفسار الى الاستاذ نهاد او اي شخص يعرف
اكو بعض الوزارات تطلع الاسماء مع تاريخ موافقة الوزير ويكلك روح كمل اوراقك وتعال وبهذي الحاله تسمى (متعين).

البعض الاخر بعد ما تطلع الاسماء وبدون موافقة الوزير يكلون انتظرو موافقة الماليه وتسمى (اسماء المرشحين للتعيين) .

اكو احتمال انو الماليه ترفض ؟
وعلى اي اساس حددو الدرجات دون وجود تخصيص مالي ؟
لو موافقة الماليه اجراء روتيني؟

يوسف القيسي
08-08-2011, 04:45 PM بتوقيت غرينيتش
حبيب كلبي اخوي صكر طبعا من بعد اذن استاذ نهاد راح اجاوبك ماكو تعين من دون موافقة المالية وشنو الفايدة اذا اتعينت من دون تخصيص مالي بمعنى اتداوم بلاش ارجو ان وصلتلك الفكرة تحياتي االك اخوية صكر

صكر
08-08-2011, 05:21 PM بتوقيت غرينيتش
حبيب كلبي اخوي صكر طبعا من بعد اذن استاذ نهاد راح اجاوبك ماكو تعين من دون موافقة المالية وشنو الفايدة اذا اتعينت من دون تخصيص مالي بمعنى اتداوم بلاش ارجو ان وصلتلك الفكرة تحياتي االك اخوية صكر

اشكرك اخويه يوسف على التفاعل مع الموضوع
لكن ما افتهمت قصدي الموضوع بالشكل الاتي
تعلن الوزاره او الدائره عن درجات شاغره ونقدم ونقابل وتطلع الاسماء اللي على اساس تعينو لكن يكلون ما تباشرون لان الوزير بعد ما مصادق عالاسماء
خوش كلام شوكت يصادق الوزير من يجي التخصيص المالي يعني اصلا ما يخلون اللي طالع اسمه يباشر الى ان يجي التخصيص المالي
سؤالي هل هذا شي روتيني يعني مسالة وقت ويجي التخصيص المالي لو اكو احتمال انو الماليه ترفض
تعرفون شخص مرت بي هذي الحاله او هل هذا اجراء طبيعي بالدوائر لان اني بصراحه ما عندي خبره بالاجراءات الاداريه
ولك جزيل الشكر

محمدالربيعي
08-08-2011, 06:08 PM بتوقيت غرينيتش
السلام عليكم ورحمه الله وبركاته

ممكن من الاعضاء واحد يعرف شوكت تطلع اسماء المتقدمين على مكتب المفتش العام لوزاره الدفاع الصناعه لو هيئه دعاوى الملكيىه اللي قبل مده نزلت اعلان بجريده الصباح ولحد الان كل شي ماكو والحلو بل موضوع انو تدخل لموقع وزاره الدفاع والاعلان بعده لحد الان مال تعين على مكتب المفتش العام

player night
08-08-2011, 06:25 PM بتوقيت غرينيتش
مهزله يااخي
اخي هيئة دعاوي الملكية مو سوت مقابلات وحينشروا الاسامي قريبا
انتظر ومن الله الفرج

roro
08-08-2011, 06:30 PM بتوقيت غرينيتش
اشكرك اخويه يوسف على التفاعل مع الموضوع
لكن ما افتهمت قصدي الموضوع بالشكل الاتي
تعلن الوزاره او الدائره عن درجات شاغره ونقدم ونقابل وتطلع الاسماء اللي على اساس تعينو لكن يكلون ما تباشرون لان الوزير بعد ما مصادق عالاسماء
خوش كلام شوكت يصادق الوزير من يجي التخصيص المالي يعني اصلا ما يخلون اللي طالع اسمه يباشر الى ان يجي التخصيص المالي
سؤالي هل هذا شي روتيني يعني مسالة وقت ويجي التخصيص المالي لو اكو احتمال انو الماليه ترفض
تعرفون شخص مرت بي هذي الحاله او هل هذا اجراء طبيعي بالدوائر لان اني بصراحه ما عندي خبره بالاجراءات الاداريه
ولك جزيل الشكر


السلام عليكم
اخ صكر اتصور انها مسألة وقت حسب ما سألت .. اتمنى ان يكون الوقت قصير .. وانت وحضك ..
والمالية ماترفض لان الدائرة بحاجة الى هذا الاختصاص ومن حق كل دائرة تطلب الاختصاص الي تحتاجة بأي وقت وتصادق عليه المالية ..بس ينرادلهة شوية صبر وطولة بال والله يوفقك واتمنى من الاخ نهاد ان يعذرني على المداخلة ويجاوبك لان جوابة اكيد هو الجواب الاوفى ...

محمدالربيعي
08-08-2011, 07:35 PM بتوقيت غرينيتش
[QUOTE=player night;540524]مهزله يااخي
اخي هيئة دعاوي الملكية مو سوت مقابلات وحينشروا الاسامي قريبا
انتظر ومن الله الفرج[/QUOTE
قبل كم يوم انفتح اعلان واخر موعد كان 25/7 ساعه 12 ليلا بس التعيين مو على مكتب المفتش العام على غير اماكن

نهاد الاصيل
08-08-2011, 07:52 PM بتوقيت غرينيتش
اخويه العزيز اذا وافق وزير مايحتاج موافقة الماليه
لان هوه اكيد عنده درجات ويكدر يتصرف
اني من الناس قبل فتره قابلت وكيل وزير الصحه كال قدم طلب
وطلعت موافقة الوزاره بس كان على دائرة صحه بغداد الكرخ هناك اتحفظوا على المعامله والسبب عدم وجود درجات وظيفيه
يعني اذا اتحصل موافقة وزير يعني تعين
بس هيه المشكله بعض الموظفين المتنفذين يعني مايخليك اتحصل الوظيفه اتكول من عنده طالعه يعني صايره عوائل الشغله
وان شاء الله بالتوفيق للجميع والاخوان الاعزاء عادي ماكو مشكله بالاجابه احنه الغايه المعلومه الصح خلي توصل من اي واحد بينه
مع التحيه

صكر
09-08-2011, 01:28 AM بتوقيت غرينيتش
اشكر الاستاذ نهاد وجميع اللي اجابو عن الموضوع
شكرا اخت رورو على الجوواب المتفائل لانو فعلا ما ظلت ثقه
ولا اكو اجراءات قانونيه واداريه موحده حتى الواحد يعرف

سبأ
09-08-2011, 07:00 AM بتوقيت غرينيتش
السلام عليكم ... بلا زحمه الي يعرف اي شي عن اسماء الكمارك اختصاص حاسبات خلي ينشرها وبارك الله بالجهود الطيبة ..

الرونق الجريح
09-08-2011, 07:37 AM بتوقيت غرينيتش
اذا حصلته رح انطيكم خر
وتأمرون امر
تحياتي

tark
09-08-2011, 11:38 AM بتوقيت غرينيتش
السلام عليكم الي عنده خبر عن موعد مقابلات حماية المنشات او وزاره الهجره والمهجرين بلكن يبلغنا ؟؟ وشكرا

نهاد الاصيل
10-08-2011, 11:20 AM بتوقيت غرينيتش
ان شاء الله اي خبر جديد احنه نزله
تحياتي الك

lawyer
10-08-2011, 01:07 PM بتوقيت غرينيتش
السلام عليكم وزارة التعليم العالي شصار من تعييناتها قدمنه وكلشي ماكو غلسو علموضوع ومصرف الرشيد شوكت تنتهي المقابلات ماته والله ملينه ووزارة الزراعة منو عنده اخبار عنها؟

احمد يعرب
10-08-2011, 08:43 PM بتوقيت غرينيتش
السلام عليكم شلون الشباب
ارجو من الشباب الي عنده اخر اخبار تخص التحاق الوجبه الثانيه وتاريخها من الاستخبارات العسكريه

لملم
10-08-2011, 08:58 PM بتوقيت غرينيتش
اخوية lawyer بخصوص تعيينات وزارة التعليم اتوقع والله اعلم ملغية لان اني صديقتي موظفة بوزارة التعليم وسالتها على التعيينات كالتلي ايسي لان الوزير يكول عندهم فائض بالموظفين وتكول اصلا من طلبوا درجات وظيفية للوزارة صارت عندهم عركة بين الوكيل والوزير نسيت منو بالضبط انه شلون ينزلون اعلان وهمة ممحتاجين ولو تلاحظ انه الجامعات ومكتب المفتش العام واللي فتحوا التعيينات بعد الوزارة سووا مقابلات والوزارة لا وثانيا الوزير دينقل الموظفين من الوزارة للجامعات حتى يخفف من الفائض اللي عندهم فيعني لتتامل على وزارة التعليم .

عمر العنبكي
11-08-2011, 10:54 AM بتوقيت غرينيتش
ارجو المساعدة في معرفة موعد مقابلتي في المفتش العام للتجارة

نهاد الاصيل
11-08-2011, 11:02 AM بتوقيت غرينيتش
همه كاعد ياقابلون هسه
ويمكن اكو موضوع بهذا الخصوص شوفه باي صفحه موعد مقابلات هسه اشوفه واخلي الك هنا