المساعد الشخصي الرقمي

مشاهدة النسخة كاملة : الاستفسارات التي تخص اخبار التعينات تجدها هنا



الصفحات : 1 2 [3] 4 5 6 7 8 9 10

ثائر
21-06-2011, 07:11 PM بتوقيت غرينيتش
:sad:السلام عليكم اخوان اكو احد يعرف شنو صار من التقديم على مكاتب المفتش العام مال التعليم العالي والمالية اشو من يو الي قدمنة الشغلة صنطة

سبأ
21-06-2011, 07:32 PM بتوقيت غرينيتش
السلام عليكم ... عندي استفسار بخصوص مقابلات الهيئة العامة للكمارك منو افتهم شي جديد اني خريج حاسبات والمقابلة كالو يوم الخميس 23-6 اذا احد عنه معلومات عن آليه المقابلة بس ينشرها وخصوصاً خريجين القانون لان قابلوا البارحة واليوم

نهاد الاصيل
21-06-2011, 07:53 PM بتوقيت غرينيتش
السلام عليكم اريد استفسر عن موقع مصرف الرشيد الكرخ شكرا
يعني اي فرع تقصد بالضبط
حتى نكدر انكلك وين يعني شنو اسم الفرع
مع التحيه

محمد الخالدي
21-06-2011, 09:24 PM بتوقيت غرينيتش
السلام عليكم شنو ذولة ينصبون علينة شو لايفتح ولاكلشي

هيثم العزاوي
22-06-2011, 04:57 AM بتوقيت غرينيتش
أخوان رجاءا أذا واحد فتح عندة الموقع خلي ينطينا خبر
http://jobs.moi.gov.iq/

ula
22-06-2011, 05:57 AM بتوقيت غرينيتش
اني مااعرف اي خبر وماعتقد اكو احد يعرف خبر عن هذا الموضوع
لان طلعت التعيينات كله قشمريات
بس مضطرين ايعلنون

ramynazar
22-06-2011, 07:36 AM بتوقيت غرينيتش
لا انشاء الله عن قريب راح تطلع الاسماء مال مفتش العام بس العدد جان جبير وديصفوهم حسب الكفائة والقدم

zizo
22-06-2011, 08:34 AM بتوقيت غرينيتش
هلو ممكن اعرف اشوكد القابلات دائرة عقارات الدولة في بغداد او هيئة العامه للسدود ممكن واحد يساعدني وشكرا

عليي العراقي
22-06-2011, 08:38 AM بتوقيت غرينيتش
السلام عليكم
أسأل عن مصرف الرشيد / بناية فرع الطالبية وين صاير بالضبط بالضبط اللي يعرف يجاوبني
مع جزيل الشكر والامتنان

جناح الامل
22-06-2011, 08:56 AM بتوقيت غرينيتش
http://www.radiodijla.com/forums/showthread.php?48258-اللي-مقدم-على-دائرة-عقارات-الدولة-بغداد\السنك



هلو ممكن اعرف اشوكد القابلات دائرة عقارات الدولة في بغداد او هيئة العامه للسدود ممكن واحد يساعدني وشكرا

الطيب
22-06-2011, 09:22 AM بتوقيت غرينيتش
عيني مصرف الرشيد فرع الطالبية بس تعبر جسر الطالبية قريب على مطعم حبايبنا
تحياتي

zizo
22-06-2011, 09:23 AM بتوقيت غرينيتش
مصرف الرشيد فرع الطالبية يم الجسر مال قناة الي يجي على مطعم الموال الي يروح على الطالبية اول منزل جسر صاير على ايدك اليسرة ليش طلعت مقابلات ممكن اعرف

الغدير
22-06-2011, 10:28 AM بتوقيت غرينيتش
بالانتظار شنسوي

نهاد الاصيل
22-06-2011, 11:27 AM بتوقيت غرينيتش
بالنسبه للهية السدود احنه رحنه كالوا ورى الزياره يعني ورى يوم 26
بس الشرطي الي واكف بالباب كال ليش ترحون وتجون كل يوم هذا رقمي طانياه مشكور
كال اني ارمش الكم يعني او انتوا اتصلوا واكلكم الموعد المضبوط
وبالنسه للعقارات الدوله الاخ فائق مشكور خال الك رابط المواعيد
والتوفيق للجميع ان شاء الله

اذا اتحب رقم الشرطي ارسله الك برساله خاطر تكدر تتصل بي

اسراء
22-06-2011, 01:34 PM بتوقيت غرينيتش
السلام عليكم: اخوان الله يخليكم اي احد يعرف شوكت القرعة بتربية الرصافة الاولى تصير يقوللنا مع الشكر الجزيل للجميع

نهاد الاصيل
22-06-2011, 05:33 PM بتوقيت غرينيتش
اخوان مااخبار الحراسات القضائية
بلنسبة للمحافظات
محافظة القادسية
الافضل تراجع المحكمه الي كنت كاتبها ضمن الاختيار بالاستماره
اتروح تراجع هناك لان ماينشرون اي شي على موقعهم
انصحك اتروح

حسين عبد الامير
23-06-2011, 01:50 PM بتوقيت غرينيتش
السلام عليكم اخواني شوماكو ممكن احد يعرف شي عن الموقع اليش متوقف سمعت مغيرين الموقع هل صحيح

محمد الكريم
23-06-2011, 02:10 PM بتوقيت غرينيتش
اخواني الاعزاء اسماء المتقدمين للتعيين في الجامعة المستنصريه ومواعيد المقابلات ماظهرت على موقع الجامعة الالكتروني اذا احد يعرف خبر رجاءا يسعفنه

محمد الخالدي
23-06-2011, 03:03 PM بتوقيت غرينيتش
كانت مفتوحة ونحن لانعلم وانغلقت الان ولم نكن على علم بيها لانه لم يتم انزال الاستمارة بخصوصها؟ حالها حال الدفاع المدني والنجدة راح ينتهي الموعد والموقع لايفتح ولااكو استمارة

fly
23-06-2011, 04:22 PM بتوقيت غرينيتش
الموقع بيه افلاونزا الطيور@هع هع @بس انس قدمت والله كريم

Hussein.ENG
23-06-2011, 06:52 PM بتوقيت غرينيتش
الموقع بيه افلاونزا الطيور@هع هع @بس انس قدمت والله كريم

3509الموقع مالتهم طاكه بيه عبوه ناسفه

المهندسra
23-06-2011, 07:15 PM بتوقيت غرينيتش
حددت الجامعة المستنصرية في بغداد مواعيد اجراء مقابلات المتقدمين للتعيين في كليات الجامعة وأقسامها العلمية والإدارية، ولمختلف التخصصات العلمية والإنسانية ولحملة الشهادات الأولية والعليا.

وقال مصدر مسؤول إنّ الجامعة حددت موعدا لمقابلة المتقدمين لطلبات التعيين بعد انتهاء مدة التقديم, داعيا المتقدمين بطلبات التعيين إلى جلب نسخة من استمارة التقديم المرسلة إلى موقع الجامعة والأرقام الإحصائية الخاصة بهم , فضلا عن جلب المستمسكات الأخرى كافة, وإن المقابلات ستبدأ من الساعة 9 صباحا ولغاية انتهاء الدوام الرسمي.

وتابع المصدر أن مقابلات التعيين ضمن اختصاصات المجموعة الطبية ستكون في كلية الصيدلة الواقعة في مجمع البياع الطبي, حيث سيكون يوم الاحد الموافق 3/7/2011 لمقابلة حملة شهادة البكالوريوس, اما يوم الثلاثاء الموافق 5/7/2011 فسيكون لمقابلة حملة شهادة الماجستير, وسيكون يوم الخميس الموافق 7/7/2011 لمقابلة حملة شهادة الدكتوراه.
وعن مقابلات المتقدمين للتعيين ضمن اختصاصات مجموعات الكلية الانسانية والادارة والاقتصاد والفنون الجميلة والتربية الرياضية, فستكون في كلية الإدارة والاقتصاد الواقعة في الطالبية, حيث سيكون يوم الاحد الموافق 3/7/2011 ولغاية يوم الخميس الموافق 7/7/2011 لمقابلة حملة شهادة البكالوريوس, اما يوم الاحد الموافق 10/7/2011 ولغاية يوم الثلاثاء الموافق 12/7/2011 فسيكون لمقابلة حملة شهادة الماجستير, وسيكون يوم الاربعاء الموافق 13/7/2011 لمقابلة حملة شهادة الدكتوراه.
اما عن مقابلات المتقدمين للتعيين ضمن اختصاصات العلوم الصرفة وكليات الهندسة, فستكون في كلية التربية الاساسية الواقعة في صدر القناه, حيث سيكون يوم الاحد الموافق 3/7/2011 ولغاية يوم الخميس الموافق 7/7/2011 لمقابلة حملة شهادة البكالوريوس, اما يوم الاحد الموافق 10/7/2011 ولغاية يوم الاثنين الموافق 11/7/2011 فسيكون لمقابلة حملة شهادة الماجستير, وسيكون يوم الثلاثاء الموافق 12/7/2011 ولغاية يوم الاربعاء الموافق 13/7/2011 لمقابلة حملة شهادة الدكتوراه.

الخبر منقول من موقع وزارة التعليم العالي والبحث العلمي

تحياتي............

هيثم البياتي
23-06-2011, 09:30 PM بتوقيت غرينيتش
هي اصلا كل الوزارت تخربط ما قدمو شي للناس بس الخربطة والكذب

كريعاوي
23-06-2011, 09:40 PM بتوقيت غرينيتش
السلام عليكم شباب
طلع اسمي للمقابله بمصرف الرشيد وتسلسلي يبدأ 7566/ 10907 اين مكان المقابله

نهاد الاصيل
23-06-2011, 09:52 PM بتوقيت غرينيتش
شنو اختصاصك ومن اي محافظه

كريعاوي
23-06-2011, 10:03 PM بتوقيت غرينيتش
شنو اختصاصك ومن اي محافظه

الدرجه الوظيفيه معاون مبرمج محافظه بغداد اشكرك اخ نهاد

نهاد الاصيل
23-06-2011, 10:46 PM بتوقيت غرينيتش
اخويه العزيز
المقابله مالتكم بفرع الطالبيه

كريعاوي
23-06-2011, 10:57 PM بتوقيت غرينيتش
اخويه العزيز
المقابله مالتكم بفرع الطالبيه

اشكرك اخ نهاد بس ممكن ترسلي الصفحه الي محددين بيها الاماكن اني كلولي جماعه بفرع الوثبه ممكن تنزلها بلوضوع اكون منون منك

كريعاوي
23-06-2011, 11:00 PM بتوقيت غرينيتش
او ميحتاج اشكرك صح فرع الطالبيه هسه انتبهت الها اشكرك الموفقيه للجميع

هيثم العزاوي
24-06-2011, 06:42 AM بتوقيت غرينيتش
السلام عليكم
شباب صدكوني هاي المواقع مال تقديم عبارة عن تخدير للناس الفقره مثلنه كاعدين يومية ندور ونقدم وفرحانين
يله أنقدم والله كريم لعد وين نروح
أني ما أريد أخيب ضنكم بس خلي نكون واقعيين
كم واحد تعيين من التقديم على المواقع

هند
24-06-2011, 12:50 PM بتوقيت غرينيتش
مرحبا اخوان وزارة العدل رجعت الاستمارة على موقع الوزارة واني رسلت بالبديه قبل فترة ممكن اعرف هسه ارسل مرة ثانية لو لا

ماستر الهندسة
24-06-2011, 01:02 PM بتوقيت غرينيتش
والله ما ادري يا اختي اني هم لاحظت هالشيء العلم عند الله هما هيج يريدون يسووها حتى يوهمون الناس الابرياء
الله ينتقم من كل ظالم

نهاد الاصيل
24-06-2011, 01:33 PM بتوقيت غرينيتش
اخواني الاعزاء نقلا عن مصادر من وزارة العدل
يعني شغلتها اني راح اكلكم شنو هيه
وزير العدل المحترم
اكيد البعض منكم يعرف هوه رجل حزبي
جاب من جماعته من البصره حوالي 30 او 40 شخص وتم تعنيهم بوزارة العدل وهذا اعلان مجرد اعلان علمود المفتش العام او النزاهه لااكثر
والي يكتلك الوزير من حزب ديني بس يله عادي بقات عليه
هيه الكل تستر باسم الدين ويتاجرون بقضيه هذاالشعب المسكين
اللهم زلزل الارض من تحت اقدامهم
اللهم اللعن كل من ياذي الشعب العراقي المظلوم
اللهم اقطع لسان كل عضو برلمان كذب ومازال يكذب على ناخبيه
يمهل ولايهمل
ارجو المعذره اخواني لان مصيبتنه كلش عظيمه
والله ينتقم من كل ظالم

zizo
24-06-2011, 01:44 PM بتوقيت غرينيتش
مساء الخير ممكن واحد يساعدني اشو وزارة العدل نزلت اليوم استمارة التعيين من جديد على موقع الوزارة بل نيت اني قدمت قبل شهر هم نزلو نفس الاستمارة اريد اعرف هم اقدم ماعرف شنو هدا ممكن واحد يجاوبني وشكرا

ويكيليكس الخريجين
24-06-2011, 01:45 PM بتوقيت غرينيتش
الله وايدك استاذ نهاذ ماقصرت بيهم.. هو هاي شغلتهم

Hussein.ENG
24-06-2011, 02:09 PM بتوقيت غرينيتش
اخواني الاعزاء نقلا عن مصادر من وزارة العدل
يعني شغلتها اني راح اكلكم شنو هيه
وزير العدل المحترم
اكيد البعض منكم يعرف هوه رجل حزبي
جاب من جماعته من البصره حوالي 30 او 40 شخص وتم تعنيهم بوزارة العدل وهذا اعلان مجرد اعلان علمود المفتش العام او النزاهه لااكثر
والي يكتلك الوزير من حزب ديني بس يله عادي بقات عليه
هيه الكل تستر باسم الدين ويتاجرون بقضيه هذاالشعب المسكين
اللهم زلزل الارض من تحت اقدامهم
اللهم اللعن كل من ياذي الشعب العراقي المظلوم
اللهم اقطع لسان كل عضو برلمان كذب ومازال يكذب على ناخبيه
يمهل ولايهمل
ارجو المعذره اخواني لان مصيبتنه كلش عظيمه
والله ينتقم من كل ظالم

اللهم امين والله لعبوا بينه طوبه الله لايوفقهم وطيح الله حظهم كلهم شلع اغبياء

computer engineer
24-06-2011, 09:56 PM بتوقيت غرينيتش
والله كلامك صحيح اخ نهاد بس يعني بس ندعي عليهم هذوله اشون راح نشلعهم ؟؟ ونحن شوكت نتعين ؟؟
والله دخت بهالتقديمات كل يوم اقدم وماكو والتالي .. الله يهدهم ياربي

هاكر بسيط
25-06-2011, 01:36 PM بتوقيت غرينيتش
اخواني الاعزاء واخواتي العزيزات
يوم الخميس الفائت المصاف 23. 6 رحت للهيئة العامة للظرائب وسالت عن التعيينات وبصراحه ما اكدر اكول اكثر من ( ايس يا عبيس ) مع العلم اني قدمت بشهر الواحد لو الثاني ما اتذكر بالضبط
... والله اعلم

woody
25-06-2011, 01:51 PM بتوقيت غرينيتش
اخي اني هم سالتهم كالوا جيك ويانا الاسبوع الجاي

ميلو سات
25-06-2011, 02:59 PM بتوقيت غرينيتش
اخي هاكر انت جنت مقدم بشهر الواحد او الثاني ؟؟ وانت قابلت لو بس انطيت فايلك ؟؟
لان اني بصراحة قدمت للتعيين يوم الاربعاء 22 بالشهر وكالوا تراجعنا 30 بالشهر لغرض المقابلة .. بس حبيت اكولك ..

عطر الياسمين
25-06-2011, 09:36 PM بتوقيت غرينيتش
السلام عليكم


بخصوص استمارة مصرف الرشيد طبعتهه ابيض واسود وهمة طالبين ملون عادي لو اكو اشكال ؟؟؟؟؟؟؟؟؟؟؟ ارجو الرد

computer engineer
25-06-2011, 09:38 PM بتوقيت غرينيتش
اضمنلك اطبعيها ملوون لا يتحجوون عليج لان كاتبين لازم ملونة

نهاد الاصيل
25-06-2011, 10:15 PM بتوقيت غرينيتش
السلام عليكم


بخصوص استمارة مصرف الرشيد طبعتهه ابيض واسود وهمة طالبين ملون عادي لو اكو اشكال ؟؟؟؟؟؟؟؟؟؟؟ ارجو الرد
طبعيها كما هيه من الموقع حتى اعلانات لان راح تلاحظين راح يظهر يوم الطبع
تحياتي الكم

البرشاوي
26-06-2011, 08:20 AM بتوقيت غرينيتش
عادي لان هم يردون الاستمارة فقط وشعليهم بالاعلانات وهم صححوا جميع الذين قاموا بطبع الاستمارة اني سويتلها كوبي بيست على الوورد وطبعتها ابيض واسود

hope3_1977
26-06-2011, 08:26 AM بتوقيت غرينيتش
اطبعيها ملون هي والاعلانات مثل ما كال الاخ نهاد..

lawyer
26-06-2011, 09:38 AM بتوقيت غرينيتش
السلام عليكم اخواني واخواتي بس حبيت استفسر منكم على تعيينات وزارة العدل مثل متعرفون احنه قدمنه قبل فترة على وزارة العدل وهسة منزلين استمارة علموقع مالتهم مجانت موجودة قبل من قدمنه والظاهر اليوم منزليها لان يومية افتح موقعهم ماكو شي واني شفتها نفسها القدمناها ونفس الايميلات بعد مااعرف حايراقدم مرة لخ لو لا وكاتبين بلاستمارة تهمل الاستمارة في حال ارسالها اكثر من مرة واني اكول اخاف التقديم القديم يهملو ويحسبون بس الجديد ارجو الرد واكون مشكور الكم تحياتي

حيدر الفيلي
26-06-2011, 09:49 AM بتوقيت غرينيتش
اين تعينات مجلس القضاء الاعلى العراقي حول الحراسات القضائية ولماذا لحد الان لايوجد اي اسم تم تعينه ولماذا هذا التعتيم

ماستر الهندسة
26-06-2011, 10:12 AM بتوقيت غرينيتش
العلم عند الله اخوية والله مندري

عطر الياسمين
26-06-2011, 10:57 AM بتوقيت غرينيتش
اني حددولي يوم للمقابلة فاذا اطبعها مرة ثانية (ملونة) اخاف يعتبرو تكرار شدكول اخ نهاد مع جزيل الشكر

نهاد الاصيل
26-06-2011, 11:55 AM بتوقيت غرينيتش
الاجابه موجوده في الاستفسارات تم الاجابه عليها بالصفحه ماقبل الاخيره مع التحيه

ابن الفلوجة
26-06-2011, 11:55 AM بتوقيت غرينيتش
عليكم السلام اخويه شو دخلت على موقع الوزارة شو ماكو الاستمارة ممكن الرابط بلا زحمة عليك واكون ممنون الك

نهاد الاصيل
26-06-2011, 12:13 PM بتوقيت غرينيتش
اني اكلك ليش
لان همه ماعلنوا ولااسم على موقعهم
جان من الي قدموا يارجعوا مجلس القضاء
ويتابعون
لان كان فقط التقديم على النت
ناس مخربطه ماعليهم عتب
تحياتي الك

نهاد الاصيل
26-06-2011, 01:01 PM بتوقيت غرينيتش
اطبيعها مثل ماهيه بالموقع
ملونه
تعرف ليش ويه اعلانات لان حتى اتبين من الموقع مسحوبه وعليها تاريخ الطبع
اذا ورود وين اتبين ملون او عادي
من اتسوي برينت مو تطلع الصفحه كلها
يعني هوه هذا المقصود ترى طبعوها ملون عادي هسه

ميلو سات
26-06-2011, 09:55 PM بتوقيت غرينيتش
السلام عليكم لاحلى منتدى
حبيت اطلب منكم مساعدة ولو مكانها مو اهنا بس شسوي مجبور
اني الخميس عندي مقابلة على وضيفة مدخلي بيانات ..فحبيت اعرف الاسئلة شنو هي ؟؟ اي شخص يعرف يساعدني والف شكر الكم وتحياتي

نهاد الاصيل
26-06-2011, 10:31 PM بتوقيت غرينيتش
وعليكم السلام
اغلب النقابلات حاليا اذا كان مو اختصاصك
ماراح يسالوك اسئله ضمن اختصاص معين
اكثر الاسئله تتعلق تطابق المعلومات الي بالمستمسكات
واكيد راح يسالوك تعرف حاسبه لان ضمن اختصاص الي راح اتقدم بي
وراح يسالوك داخل دورات شنو جنت تشتغل كبل وليش تركت الشغل اذا جنت تشتغل كبل
هاي تقريبا كل الاسئله
وان شاء الله بالتوفيق

ميلو سات
27-06-2011, 06:38 AM بتوقيت غرينيتش
الف شكر اخ نهاد والله ماعرف شون اشكرك ..يارب يوفقك ويخليك ... وياربي الموفقية للجميع
اخوك ميلاد نوئيل

سلام خالد
27-06-2011, 07:59 AM بتوقيت غرينيتش
السلام عليكم ورحمة الله . اخوان هل يوجد احمد استلم من معهد الخدمة الخارجية اي اشعار او اي خبر للمتقدمين على معهد الخدمة الخاجي وجزاكم الله خير

محمدالعبادي
27-06-2011, 08:25 AM بتوقيت غرينيتش
اخي العزيز لحد الان ماكو خبر
بس راح استفسر وارجعلك الخبر

نهاد الاصيل
27-06-2011, 08:34 AM بتوقيت غرينيتش
لا العفو لاتشكرني هذا ابسط شي انقدمه واحد للثاني
هيه معلومه وهنا الغرض من وجودنه واحد يفيد الاخر من المعلومه
وان شاء الله بالتوفيق

lolo love
27-06-2011, 08:36 AM بتوقيت غرينيتش
بالنسبه لمقابلات مصرف الرشيد م.مبرمج
اشو من نفتح المقاابلات يطلع مصرف الرشيد فرع الصالحيه
ومن نريد نحمل الاسماء يطلع مصرف الرشيد فرع الطالبيه
ممكن اذا احدد عنده معلومات ايفيدنا وشكرا مقدما

نهاد الاصيل
27-06-2011, 08:47 AM بتوقيت غرينيتش
اول ماعلنوا كان معاون مبمرج بالطالبيه
والي بالصالحيه معاون قانوني
يعني اتصور وهوه الصحيح معاون مبرمج بالطالبيه
لان كل لجنه مختصه تقابل اختصاص معين
وان شاء الله بالتوفيق

أبن الزهور
27-06-2011, 09:55 AM بتوقيت غرينيتش
السلام عليكم ورحمة الله وبركاته... تحية طيبة لكل اعضاء المنتدى الاعزاء

ردت أسالكم عن تعيينات وزارة المالية ووزارة العلوم والتكنلوجيا شو ماكو أخبار عنها ؟؟؟؟!!!

رجاءا اللي عند اخبار جديدة عن هاتين الوزارتين يفيدنا والله يجزيكم كل خير

أخوكم
أبن الزهور من مدينة الموصل الحدباء

lolo love
27-06-2011, 10:20 AM بتوقيت غرينيتش
شكرا جزيلا اخي نهاد الاصيل
ولو اتعبك بس وين صاير فرع الطالبيه اذا تعرف؟

meme_nunu
27-06-2011, 10:22 AM بتوقيت غرينيتش
وعليكم السلام بالنسبة لوزارة العلوم والتكنلوجيا فطلعت اسماء الوجبة الاولى والي هي 150 اسم للمقابلة والوجبة الثانية المفروض تطلع اسبوع الجاي حتى يحددون موعد المقابلات طبعا ماكو اعلان على النت لان لازم انت تراجع الوزارة بين فترة وفترة

وشكرا

نهاد الاصيل
27-06-2011, 10:51 AM بتوقيت غرينيتش
فرع الطالبيه بالقرب من مطعم حبايبنا
يعني قبل لاتصعدين جسر القناة
اتصور هيج شي

الوردة البيضاء5
27-06-2011, 10:54 AM بتوقيت غرينيتش
وعليكم السلام وزارة المالية لغت الدرجات الوظيفية ووزعتها على بقية الوزارت هذا الي سمعته ووزارة العلوم والتكنولجيا يكولون رح تطلع وجبة ثانية وهم يتصلون بيك اني رحت لوزارة العلوم والتكنولوجيا وكللولي هيج
شكرا

azq
27-06-2011, 11:38 AM بتوقيت غرينيتش
هلاو شباب.......
اريد بس افتهم هاي صدك هاي الشغلات مال التعيينات ألي اندز استمارات على النت ؟؟؟؟؟؟؟؟؟ اشو ادز وماكو اي شي والله كومة دزيت على الوقف السني على الزراعة على المالية على الشركات حتى شنو السالفة لا اسم لا شي والنوب ادز مو بس على الكلية بطلت عمي كمت ادزك على الاعدادية !!!
فد جواب رحمة على والديكم يعني كلهة اكلاوات حتى افتهم
وسلامي للجميع

anas widad
27-06-2011, 11:43 AM بتوقيت غرينيتش
اخي العزيز نهاد المحترم.. بارك الله بجهودك الطيبة.. اين يقع مصرف الرشيد/فرع الاعتماد التجاري..

هيثم البياتي
27-06-2011, 11:52 AM بتوقيت غرينيتش
لحد الان ماكو شي بأي دائرة او وزارة من وزارات الدولة الشغلة مماطلة بس الجيش والشرطة شغلها ماشي

anas widad
27-06-2011, 11:52 AM بتوقيت غرينيتش
اخي العزيز الشغلة كلها كلاوووووووووات×كلاووووووووات اني هم دزيت استمارات للتعين على النت ولكن لاحياة لمن تنادي حتى اني هم لغيت شهادة الكلية وكمت ادز على الاعدادية وماكو اي فايدة لان الشغلة كلها واسطلت ورشاووووووووووووووووووووووي .. حسبنا الله ونعم الوكيل منهم ومن هاي الدولة الفاشلةةةةةةةةةةةةةةةةةةةةةةةةةةةةةةة

هيثم البياتي
27-06-2011, 11:53 AM بتوقيت غرينيتش
والله اخي هو ماكو مجال للتقديم بعد بس النت بس بصراحة الدولة غلست عالتعيين فد مرة

eng.queen
27-06-2011, 11:54 AM بتوقيت غرينيتش
اي والله ياخي هيثم كلامك حق بش الشرطة والجيش ماشي شغلهم بالتعيينات

نهاد الاصيل
27-06-2011, 11:57 AM بتوقيت غرينيتش
اخويه العزيز قدم والله كريم
كلنه نفس الحال
بس يبقى املنه بالله كبير
يعني ماخسران شي اذا قدمت
والله اني كمت اقدم على الاعداديه وقابلت مرتين
اكول عسى ولعلى
وان شاء الله التوفيق للكل

lolo love
27-06-2011, 11:57 AM بتوقيت غرينيتش
شكرا جزيلا والله يجعله بميزان حسناتك يا رب

computer engineer
27-06-2011, 11:58 AM بتوقيت غرينيتش
يعني قول انه الدولة ما عتستوعب اعداد الخريجين
خلي يوفرونا شغل بشركات مؤسسات
وين نروح بنفسنا اذا تعيين ماكو شغل اهلي ماكو
نموت ؟

anas widad
27-06-2011, 12:04 PM بتوقيت غرينيتش
الاخ العزيز نهاد المحترم.. في البداية اشكرك على الجهود المبذولة لخدمة منتدانا الغالي واخواننا واخواتنا الاعزاء .. اريد ان اعرف اين يقع مصرف الرشيد/ فرع الاعتماد التجاري .. وشكرا مرة ثانية.

هيثم البياتي
27-06-2011, 12:22 PM بتوقيت غرينيتش
يعني قول انه الدولة ما عتستوعب اعداد الخريجين
خلي يوفرونا شغل بشركات مؤسسات
وين نروح بنفسنا اذا تعيين ماكو شغل اهلي ماكو
نموت ؟


الدولة ماتريد خريجين الدولة تريد عمالة وجنود وشرطة لأن حكومتنه حكومة المتخلفين والبوليسيين لذلك قدمو اهل الاعدادية والابتدائية والمتوسطة على ابو البكالوريوس والماجستير واكثر التعيينات لخريج الاعدادية والمتوسطة والابتدائية والدليل تعيينات الداخلية والدفاع الي اخذت 60% من حجم الوظائف الشاغرة لهاي السنة يعني بس الداخلية حصتها 111,000 الف وظيفة والدفاع 10,000
والشهادات المطلبوة بهاي الوزارتين هي الابتدائية والاعدادية والمتوسطة اما اصحاب الشهادت من البكالورويس والماجستير حصصهم من التعيينات فقط 50,000 وظيفة وتلحكها الواسطات والرشاوي والمنسوبية واصحاب العقود شكد راح يبقى لعد من هاي الوظائف علمآ انه عدد الخريجين العاطلين عن العمل مليون ونصف وهذا المعلن وما خفي اعظم. بصراحة العراق فشل وصار بأحط الدركات .. بس الي ناقص غيرة اليروح ينتخب بعد..

meme_nunu
27-06-2011, 01:22 PM بتوقيت غرينيتش
مصرف الرشيد/ فرع الاعتماد التجاري بالكرادة في ساحة عقبة بن نافع

الاخ العزيز نهاد المحترم.. في البداية اشكرك على الجهود المبذولة لخدمة منتدانا الغالي واخواننا واخواتنا الاعزاء .. اريد ان اعرف اين يقع مصرف الرشيد/ فرع الاعتماد التجاري .. وشكرا مرة ثانية.

سامح البلداوي
27-06-2011, 01:35 PM بتوقيت غرينيتش
السلام عليكم

ممكن اعرف شوكت هذا الحجي متى رحتو للوزارة وشوكت تطلع الاسماء ويارب الكل تتعين

تحياتي سامح المهندس

نهاد الاصيل
27-06-2011, 02:41 PM بتوقيت غرينيتش
اخي العزيز نهاد المحترم.. بارك الله بجهودك الطيبة.. اين يقع مصرف الرشيد/فرع الاعتماد التجاري..
يقع بالقرب من ساحة عقبه بن نافع قرب محل جبار ابو الشربت
اني هم راح اقابل هناك
يعني من ساحة الطيران تركب ديالى او زعفرانيه
تنزل بساجة عقبه بن نافع على ايدك اليسرى مو اول فرع ثاني فرع بي هواي شركات مال اثاث
على ايدك اليمنه صاير بس اسال وين مصرف الرشيد هوه بصف محل جبار ابو الشربت انته اذا نزلت وكلت وين جبار ابو الشربت الكل راح يدليك بس توصل يمه يعني وصلت للمصرف
مع التحيه

محمدالبياتي
27-06-2011, 04:22 PM بتوقيت غرينيتش
اخ نهاد الورد ممكن تستفسرالنا على شغلة الايميل لمكتب المفتش العام لا ن بصراحة معتمدين بعد الله عليك

anas widad
27-06-2011, 05:44 PM بتوقيت غرينيتش
مصرف الرشيد/ فرع الاعتماد التجاري بالكرادة في ساحة عقبة بن نافع
الف شكر على هذه المعلومات.

anas widad
27-06-2011, 05:51 PM بتوقيت غرينيتش
يقع بالقرب من ساحة عقبه بن نافع قرب محل جبار ابو الشربت
اني هم راح اقابل هناك
يعني من ساحة الطيران تركب ديالى او زعفرانيه
تنزل بساجة عقبه بن نافع على ايدك اليسرى مو اول فرع ثاني فرع بي هواي شركات مال اثاث
على ايدك اليمنه صاير بس اسال وين مصرف الرشيد هوه بصف محل جبار ابو الشربت انته اذا نزلت وكلت وين جبار ابو الشربت الكل راح يدليك بس توصل يمه يعني وصلت للمصرف
مع التحيه
الف الف الف شكر اخي العزيز نهاد المحترم .. وفقك الله وجعله في ميزان حسناتك ..

ياسري
28-06-2011, 10:32 AM بتوقيت غرينيتش
بالنسبة لمقابلات مصرف الرشيد اي ساعة تبدأ بالنسبة لليوم المحدد للمقابلة
وشكرا

نهاد الاصيل
28-06-2011, 11:18 AM بتوقيت غرينيتش
المقابله تبدي ساعه تسعه الصبح والحد ساعه وحده
وجان كاتبين عطلة اللجنه يوم الخميس هذا الحجي بداية اول ماعلنوا المواعيد
وانته روح باليوم المخصص الك افضل شي
تحياتي الك

ياسري
28-06-2011, 01:34 PM بتوقيت غرينيتش
المقابله تبدي ساعه تسعه الصبح والحد ساعه وحده
وجان كاتبين عطلة اللجنه يوم الخميس هذا الحجي بداية اول ماعلنوا المواعيد
وانته روح باليوم المخصص الك افضل شي
تحياتي الك

شكرا جزيلاً لك اخ نهاد على المساعدة وفقك الله

بسام
29-06-2011, 12:19 PM بتوقيت غرينيتش
السلام عليكم...اني مهندس مقدم على وزاره العلوم والتكنولجيا ااستفساري هو
الاختصاصات الهندسيه خابوهم او لا؟؟؟
حتى اذا مخابرين حتى نعرف انه احنا اتكنسلنا

lolo love
29-06-2011, 05:43 PM بتوقيت غرينيتش
اخي ولو تعبتك ويايه
بس اليوم رحت ادور على مصرف الرشيد فرع الطالبيه ورحت حسب الوصف اللي وصفتلياة
بس طلع هذا مو الرشيد الرافدين
رجاء اخي بلكي اذا تكدر توصفلي ادق لان افترينا الطالبيه وماكو المصرف اختفى

نهاد الاصيل
29-06-2011, 07:22 PM بتوقيت غرينيتش
اليوم احد الاخوه راح بلكت خلي انشوف نساله وين صاير

الوردة البيضاء5
29-06-2011, 07:48 PM بتوقيت غرينيتش
وعليكم السلام اني هم قدمت ورحت للوزراة وكالوا لي هم يخابروكم
شكرا

حسام الامير
29-06-2011, 08:37 PM بتوقيت غرينيتش
السلام عليكم ممكن اخ نهاد اعرف عنوان مصرف الرشيد فرع الاعتماد التجاري لان المقابلة مال امين صندوق هناك وتقبل فائق احترامي ياطيب

lolo love
29-06-2011, 08:48 PM بتوقيت غرينيتش
شكرا جزيلا
انتظر الرد والله كريم

douaa
29-06-2011, 09:48 PM بتوقيت غرينيتش
lolo اني كلولي اصعدين من يم الموال كوستار للداخل وتنزلين يم حسينيه الانصار وهو جان قبل يسمه مصرف القدس بشارع 71 وبعد مااعرف وياريت اذا احد يندله مضبوط يكللنه لان المقابله يوم الاحد

نهاد الاصيل
29-06-2011, 11:01 PM بتوقيت غرينيتش
اهلا بيك اخويه العزيز
اي المصرف صاير قرب ساحة عقبه بن نافع
يعني من ساحة الطيران تركب ديالى لو زعفرانيه تنزل بساحة عقبه بن نافع
على ايدك اليسرى اكو فرعين مو الاول الثاني بي شكرات اثاث واقرب شي للمصرف محل جبار ابو الشربت
يعني من توصل اله يعني وصلت للمصرف
يعني كول وين جبار ابو الشربت من يدلوك عليه راح اتشوف بصقه بنايه بيها صبات كونكريتيه هوه هذا المصرف لان اني هم راح اقابل بي
ورحت اله قبل فتره
ومع خالص التحيه

mehaider
30-06-2011, 01:27 AM بتوقيت غرينيتش
السلام عليكم ممكن احد يعرف عنوان مصرف الرشيد اللي سيتم المقابلة بيه للمهندسين من بغداد مكتوب فرع الصالحية

يونس العامري
30-06-2011, 06:12 AM بتوقيت غرينيتش
السلام عليكم
الى الاخ نهاد الاصيل المحترم
ارجو مساعدتي في معرفة مكان مصرف الرشيد بغداد / بناية فرع الوثبة .... رجاءا رجاء وباسرع وقت ممكن... واحب ان اشكر جهودك الرائعة في مساعدة الخريجين ... وفقك الله لعمل الخير .

احمد السعيدي
30-06-2011, 08:30 AM بتوقيت غرينيتش
السلام عليكم اخواني من فضلكم متى يتم تنزيل اسماء المقبولين فب نكافحة الارهاب والحدود مع الاحترام

ميساء
30-06-2011, 09:35 AM بتوقيت غرينيتش
واني اسال عن فرع الكرخ وين صاير؟؟؟ وشكرا مقدما

البرشاوي
30-06-2011, 10:12 AM بتوقيت غرينيتش
حبي مصرف الرشيد فرع الوثبة بساحة الوثبة تتمشى شوية ويصير كبالك لان اني مقابلتي هناك الاثنين

يونس العامري
30-06-2011, 10:18 AM بتوقيت غرينيتش
السلام عليكم
اشكرك اخي البرشاوي على الرد السريع واتمنى الموفقية للجميع ان شاء الله

lolo love
30-06-2011, 10:21 AM بتوقيت غرينيتش
lolo اني كلولي اصعدين من يم الموال كوستار للداخل وتنزلين يم حسينيه الانصار وهو جان قبل يسمه مصرف القدس بشارع 71 وبعد مااعرف وياريت اذا احد يندله مضبوط يكللنه لان المقابله يوم الاحد

عيني دعاء ا شكرا ع الرد
وكلامج صحيح اني هم سمعت هيج وصف وسمعت يكولون يم علوة جميله بالافرع والله كريم ان شاء الله خير

douaa
30-06-2011, 12:04 PM بتوقيت غرينيتش
يله انشاءالله خير بلكت الله يسهلها علينه

عيني دعاء ا شكرا ع الرد
وكلامج صحيح اني هم سمعت هيج وصف وسمعت يكولون يم علوة جميله بالافرع والله كريم ان شاء الله خير

احمد السعيدي
30-06-2011, 01:37 PM بتوقيت غرينيتش
السلام عليكم هل يتم تنزيل اسماء المقبولين في مكافحة الارهاب والحدود في منتداكم مع الشكر

ويكيليكس الخريجين
30-06-2011, 03:14 PM بتوقيت غرينيتش
صحيح اخوان يريدون تاييد المجلس البلدي اثناء المقابلة .......... لان هذا الخبر منشور عند المتقدمين .. ارجو اعلامنا.. ملاحظة ..

هاشم الكوردستاني
30-06-2011, 03:53 PM بتوقيت غرينيتش
لالالالالالالالالالالالالالالالالالالالالالا لأن ما ذاكرين في الموقع الرئيسي كالين بس :_ المستمسكات المطلوبة :نسخة تصوير ملون من
- استمارة التعيينات الالكترونية
- هوية الأحوال المدنية .
- شهادة الجنسية .
- بطاقة السكن .
- البطاقة التموينية .
- وثيقة التخرج مثبت فيها المعدل
- في حالة لديك احد الأقارب من الدرجة الأولى شهيد جلب ما يؤيد ذلك من مستمسكات رسمية وما يؤيد صلة القرابة .

محمد ضياء علي الشمري
30-06-2011, 04:48 PM بتوقيت غرينيتش
اخويهالعزيز......جهازمكافحة الارهاب يتصل برقم المبايل الخاص بحضرتك يبلغ المسؤول بحضورك الى مطار المثنى في اليوم التالي مع الاوليات الخاصة بالساعة السادسة صباحا لغرض الفحص الطبي وغيره......... ولا ينبؤك مثل خبير.........انشالله الموفقية والنجاح

slwan
30-06-2011, 05:09 PM بتوقيت غرينيتش
اخويه العزيز - بكل الدوائر الحكوميه يطلبون تاييد المجلس البلدي في حاله عدم وجود بطاقة السكن
صحيح اخوان يريدون تاييد المجلس البلدي اثناء المقابلة .......... لان هذا الخبر منشور عند المتقدمين .. ارجو اعلامنا.. ملاحظة ..

التوب جاكم
30-06-2011, 05:56 PM بتوقيت غرينيتش
اخوان سؤال ياما تلوعت بيه وادمرت:محد يعرف مصرف الرشيد شكد منطي درجات وضيفيه لان العدد وصل 22000 ونقدم وما تعرف؟؟؟؟؟؟؟؟؟

سيف الدين البغدادي
30-06-2011, 06:00 PM بتوقيت غرينيتش
السلام عليكم ...
كيف الحال يا اخ نهاد المحترم انشاء الله تكون باحسن حال انت وكل الاصدقاء في المنتدى ارجوا مساعدتي في ايجاد مكان مصرف الرشيد فرع الاعتماد التجاري طالباً منك ذلك وهو رجااااااااااااااااااااااء اخوي
تحياتي للجميع

كامل التميمي
30-06-2011, 06:24 PM بتوقيت غرينيتش
مشكور اخ محمد على التوضيح

lolo love
30-06-2011, 09:05 PM بتوقيت غرينيتش
ويا ريت اللي يندل مصرف الرشيد فرع الطالبيه لان والله تعبت وماكو اختفى المصرف........

eng.queen
01-07-2011, 03:25 PM بتوقيت غرينيتش
من لديه خبر عن تعيينات هيئة المهاهد واسماء المقبولين؟؟؟؟؟؟؟؟؟؟؟؟لان انا قدمت وطلع اسمي من ظمن الاسماء المرشحة بالتعيين واجريت مقابلة بس مااعرف امتى يعلنون اسماء المقبولين بالتعيين على ملاك هيئة المعاهد؟
ارجو الرد

ماستر الهندسة
01-07-2011, 08:22 PM بتوقيت غرينيتش
اهلا اختي ان كنتي تقصدين هيئة التلعيم التقني انا ايضا قدمت لها واتمنى من اي احد يعرف متى تطلع اسماء المقبولين يكون خير

لملم
01-07-2011, 10:27 PM بتوقيت غرينيتش
السلام عليكم اخواني واخواتي اريد اطلب طلب وان شاء الله تساعدوني قدمت على تعيينات الجامعة المستنصرية ورسلت الاستمارة وانتظرت اربعة ايام وما ردولي استلام الطلب ولا رقم تسلسل واتصلت بيهم على الرقم المخصص للاستفسارات وكالولي ارسليها مرة ثانية على البريد الثاني او الثالث وهم رسلتها مرة ثانية ونفس الشي ماردولي اي جواب فاذا احد يكدر يسالي من يروح يقابل انه اللي بمثل حالتي يسولة مقابلة لو لا علما اني خريجة علوم يعني اللي يروح يقابل بكلية التربية الاساسية رجاء يسالي لان اني ان شاء الله اروح الاثنين فاللي يروح الاحد ويذكرني ويسالي بلكي يردلي الجواب واكون ممنونة الكم.

حسين عبد الامير
02-07-2011, 06:45 AM بتوقيت غرينيتش
السلام عليكم سمعت قبل ايام عن وجود وظائف شاغرة في هيئة النزاهة على قناة العراقية هل من تفاصيل واذموجود المصدر بعد افضل وشكرآ.

نهاد الاصيل
02-07-2011, 06:51 AM بتوقيت غرينيتش
وعليكم السلام
لا مو تعينات هو اعلان سابق راديين محققين
وطلبوا منهم يدخلون الموقع يملون استماره
همه كان طالبين خريجين قانون فقط بصفة محقق
مع التحيه

maha
02-07-2011, 09:29 AM بتوقيت غرينيتش
السلام عليكم
السؤال الاول اكو احد يعرف مقابلات هندسة المواد بالهيئة العامة للكمارك الى اي تاريخ تاجلت لان رحت يوم 29 وهم بلغونا انه تاجلت
السؤال الثاني لحد الان محصلت اي جواب بخصوص عنوان مصرف الرشيد \فرع الكرخ اذا اي احد عنده معلومة ارجو ان يبلغنا لان باجر المقابلة


واكون ممنونة
مع الشكر الجزيل

دنــــــدش الصغير
02-07-2011, 10:20 AM بتوقيت غرينيتش
أخواني الاعزاء اللي يعرف شي عن تعيينات مجلس القضاء الاعلى ينطينه خبر
شو ضلت سكته:sad:

ويكيليكس الخريجين
02-07-2011, 10:29 AM بتوقيت غرينيتش
عزيزي انا احجيلك عن محافظة نينوى الاسامي طلعت مال المتعينين

نهاد الاصيل
02-07-2011, 10:32 AM بتوقيت غرينيتش
مصرف الرشيد / فرع الكرخ الكائن في مجمع هيئة السياحة في شارع حيفا

نهاد الاصيل
02-07-2011, 10:34 AM بتوقيت غرينيتش
انته على تعينات تقصد الحراس القضائين لو غيرهم
تحياتي الك

mehaider
02-07-2011, 10:36 AM بتوقيت غرينيتش
شكرااااااااااا

دنــــــدش الصغير
02-07-2011, 10:39 AM بتوقيت غرينيتش
لا حبيبي انه اقصد مو الحراس
اقصد اصحاب الشهادات

الوردة البيضاء5
02-07-2011, 11:29 AM بتوقيت غرينيتش
السلام عليكم اريد اعرف مصرف الرشيد /فرع الوثبة وين صاير

computer engineer
02-07-2011, 11:40 AM بتوقيت غرينيتش
قبل شهر بالموصل طلعت الاسماء وتعلقت بالمحاكم الاستئنافية واللي رادوهم بعثولهم مسجات للمقابلة وتعينوا وهسه عيستلمون رواتب

نهاد الاصيل
02-07-2011, 11:43 AM بتوقيت غرينيتش
لا حبيبي انه اقصد مو الحراس
اقصد اصحاب الشهادات
اخويه العزيز الاسماء طلعت ويمكن باشروا
بس ماعرف على طريقة تم اختيارهم لان حتى مو كل الناس قابلوا
اذا عندك واسطه قويه تتعين بمجلس القضاء باي وقت
لان ماشاء الله يكولون يوميه هناك وجوه جديده تظهر
وطبعا الكلام من مصدر موثوق مو حجي
بس شنكول الله ينتقم من رمزيه منو رمزيه روحوا سالوا مجلس القضاء تعرفوها منو ؟؟؟
تحياتي الك اخويه العزيز وان شاء الله بالتوفيق

نهاد الاصيل
02-07-2011, 11:48 AM بتوقيت غرينيتش
السلام عليكم اريد اعرف مصرف الرشيد /فرع الوثبة وين صاير

مصرف الرشيد بناية الوثبة صاير بشارع الرشيد حافظ القاضي محلة 104/زقاق 70

انور
02-07-2011, 02:23 PM بتوقيت غرينيتش
السلام عليكم

لو سمحتم من لديه معلومة عن الحراسات القضائية
ولمحافظة القادسية

تحية وشكر لكم

نهاد الاصيل
02-07-2011, 02:39 PM بتوقيت غرينيتش
المفروض تراجع انته هناك خاطر يسون الك قيد جنائي وبعدها مقابله
يعني لاتنتظر منهم يعلنون على النت
انصحك اتروح تراجع الهم مباشرة

الحسناوي
02-07-2011, 04:18 PM بتوقيت غرينيتش
وعليكم السلام اختي العزيز ...
اني انشاء الله باجر اروح لكلية التربية الاساسية لن اني هم مقدم بس اني صراحه دزولي رقم برساله
بس اعتقد اني مراح تصير على استلام الطلبات ولا على رقم تسلسل لن هاي المشاكل صارت ويه اصدقائي هم قدموا ونفس الحاله صارت ما ردولهم اي رقم المشكله صاير بالبرنامج الي مستخدمي همه استخدموا ايميل الموقع وما استخدموا ايميل الياهو او هوتميل وهذا لازم يتحدد بحجم لعدد الرسائل الي توصل وكل رساله لازم تكون الها حجم معين همه لازم يحددون حجم الملف المرسل مثل وزارة المالية اعتقد بوكتها حددوها ب 200 كيلو بايت للرساله فلهذا صارت المشاكل بالايمل مال جامعه المستنصرية والله اعلم بعد
انشاء الله اسئل باجر وتدللين

munamoor
02-07-2011, 06:30 PM بتوقيت غرينيتش
السلام عليكم
مذكور في الموقع ان يوم 3/7 هو موعد المقابلات ولكن لم تذكر اي تفاصيل حول مكان المقابلة هل هو في بغداد او في المحافظات المطلوب فيها التعيين!!
اتصل احد الاصدقاء بمدير فرع بابل لهيئة دعاوي الملكية فأجابه متفاجأ هل هنالك تعيينات في الهيئة هنا في محافظة بابل؟؟ وقد نفى مثل هذا الخبر حول الدرجات الوظيفية المطلوبة في محافظة بابل.

نهاد الاصيل
02-07-2011, 06:36 PM بتوقيت غرينيتش
لازم الحضور البغداد للمقابله
بالمقبله الاولى كان هناك معي محامي من بابل اتى للمقابله
ومكان المقابله في دائرة المفتش العام
يعني هيه الدائره قريبه على هية دعاوي الملكيه
هيه بشارع 52 قريب على الصناعه
سالي هيئة دعاوي الملكيه المقر الرئيسي
وان شاء الله بالتوفيق
بس هيه المقابلات تبدي يوم 3 بس ترى هيه كم يوم يخلوها
وانتي اذا اجيتي كبل اتقابلين لان الاوليه الاهل المحافظات

munamoor
02-07-2011, 06:50 PM بتوقيت غرينيتش
شكرا جزيلا اخي العزيز على هالمعلومات
اني قدمت على شهادة الاعدادية وهم طالبين بس 2
الله كريم
شكرا مرة ثانية ويا رب الموفقية للجميع

نهاد الاصيل
02-07-2011, 06:53 PM بتوقيت غرينيتش
هههههههه اني هم قدمت على شهادة الاعداديه اني هم اداب
بس شمرت شهادة الاداب وقدمت على الاعداديه بس سالوني بالمقابله
مخلص كليه يعني لو لا
كلت اي بس شسوي مجبور عفتها
وان شاء الله التوفيق

علاء الخزعلي
02-07-2011, 08:05 PM بتوقيت غرينيتش
اخوية نهاد باجر تروح اذا تروح ممكن تشوفلي اسمي طالع وية المقايلة علاء راضي هماتين على العدادية لين ما رسلتة دي بي اف يجوز ما يضيفوني

عراقي وافتخر
02-07-2011, 08:17 PM بتوقيت غرينيتش
اخي والله اني احد الاساماء الي طلعت ورحت للمقابلة
بس تعرف الواسطات تلعب دور مثل مارحت مثل مارجعت لا تعيين ولا اي شي

عباس السهلاني
02-07-2011, 10:57 PM بتوقيت غرينيتش
مشكوورررررررررررررررررر اخي العزيز بارك الله بيك

انور
03-07-2011, 07:16 AM بتوقيت غرينيتش
يعني تقصد للمحكمة
اكو جماعة سابقا عملو قيد جنائي

لك جزيل الشكر

بسام
03-07-2011, 07:43 AM بتوقيت غرينيتش
اخواني واخواتي الي قابلو اليوم بمصرف الرشيد كولونا شون جانت المقابله؟؟شسالوكم؟
الوضع العام اشون كان؟
واالي قابل بالموصل شون جانت المقابله اسئله ؟الاسئله عامه لو بالاختصاص
وتحياتي للجميع

lolo love
03-07-2011, 08:08 AM بتوقيت غرينيتش
ويا ريت اللي قابل بفرع الطالبيه يوصفه النا بالضبط لن باجر مقابلتي

love prince
03-07-2011, 08:29 AM بتوقيت غرينيتش
السلام عليكم
شلونكم شباب ان شاء الله بخير
جدول محافظة بغداد
تبدأ المقابلات يوم الاحد الموافق
3-7-2011
الى كل من قابل اليوم بمصرف الرشيد ...توضيح ما هو نوع المقابله..وتنبيه الكل على نقاط اساسية حول الاسئلة المكرره من اللجنة وهل هناك اختبار كفائة؟ ..
الرجاء من الاعضاء ..عند الرد كتابة عنوان المصرف والقسم ونمط اللجنة
واذا ممكن احد الاعضاء يكون م.مهندس حاسبات بمصرف الرشيد فرع الكرخ:considering:
بالتوفيق
تحياتي للجميع

هاشم الكوردستاني
03-07-2011, 08:52 AM بتوقيت غرينيتش
اي واللة ياريت المنطقة الشمالية اذا احد سوة مقابلة ايخبرنة على كيفية اجراء المقابلة معة

هاشم الكوردستاني
03-07-2011, 09:00 AM بتوقيت غرينيتش
يا ريت واحد من الموصل يكول النا كيف كانت المقابلة

lawyer
03-07-2011, 09:34 AM بتوقيت غرينيتش
السلام عليكم اليوم اني رحت قابلت بمصرف الرشيد بلصالحية ومتوقعت انه يسالونه اسئلة علمواد بلتفصيل يعني مو مقابلة جانت امتحان وسالوني حتى بتعاريف من المرحلة الثالثة ومو واضحة الاسئلة وحسب الشخص اكو سألوهم سؤالين واكو سالوهم 20 سؤال ماادري همة شيريدون اني بلنسبة الي سالوني يمكن اتذكر 3 لو 4 اسئلة وسالتهم كلتلهم شوكت انراجع بعد كالو شوفها علنت الله كريم وشفنه وحدة شايلة ملزمة وواحد هم سالناهم شنو هاية كالو احنه عقود وهمة انطونه هاية الملازم نقراها وبعد مندري الله كريم احنه النه الله واسطتنه الله وسلامي

هيثم البياتي
03-07-2011, 10:21 AM بتوقيت غرينيتش
السلام عليكم اليوم اني رحت قابلت بمصرف الرشيد بلصالحية ومتوقعت انه يسالونه اسئلة علمواد بلتفصيل يعني مو مقابلة جانت امتحان وسالوني حتى بتعاريف من المرحلة الثالثة ومو واضحة الاسئلة وحسب الشخص اكو سألوهم سؤالين واكو سالوهم 20 سؤال ماادري همة شيريدون اني بلنسبة الي سالوني يمكن اتذكر 3 لو 4 اسئلة وسالتهم كلتلهم شوكت انراجع بعد كالو شوفها علنت الله كريم وشفنه وحدة شايلة ملزمة وواحد هم سالناهم شنو هاية كالو احنه عقود وهمة انطونه هاية الملازم نقراها وبعد مندري الله كريم احنه النه الله واسطتنه الله وسلامي

انت بأعتبار قانون هم سألوك عن المواد الي الها علاقة بالمالية لو سألوك بالقانون بوجه عام ؟

topraiedr
03-07-2011, 10:45 AM بتوقيت غرينيتش
السلام عليكم ورحمة الله
بسم الله الرحمن الرحيم
اود الاستفسار عن تعيين الطلبة العشرة الاوائل على الكليات الهندسية
هل التقديم له خاص؟؟
هل علي الذهاب الى الوزارة
او الجامعات الاهلية والحكومية
رجاءا التزويد باية معلومات
لا امتلك اي معلومة عن هذا الموضوع
وشكر الجزيل لكل من يقدم رد

douaa
03-07-2011, 11:17 AM بتوقيت غرينيتش
اليوم اني قابلت بس الاسئله كلش صعبه وطبعا قابلنه فرع الطالبيه الي هو صاير من ساحه الموال باتجاه الطالبيه قبل اشارة المرور المؤديه للطالبية تنزلون مجاور عماره الطاهر والموفقيه للجميع
اخوان منو منكم قابل بالجامعه المستنصريه اريد اعرف شنو نوع المقابله لان اريد اروح باجر اقابل ارجو الرد

hassan aljbory
03-07-2011, 11:23 AM بتوقيت غرينيتش
اني اول مرة اسمع اكو هيج خبر

صقر الهندسة
03-07-2011, 11:40 AM بتوقيت غرينيتش
اني الرابع على القسم هندسة كهرباء وصارلي 3سنوات بدون تعيين يعني لا وزارة التعليم عبرتنة ولا غير وزارة بس اذا هذا الخبر جديد ياريت بس مااعتقد اكو هيجي قرار

topraiedr
03-07-2011, 11:53 AM بتوقيت غرينيتش
لا اخي الخبر موجديد اني هم ما عندي معلومة حبيت استفاد من الاخوان

شكرا جزيلا على الردود

ثائر الشمري
03-07-2011, 11:54 AM بتوقيت غرينيتش
اخوان منو عنده علم اختصاص دبلوم تكنولوجيا (كھرباء،الكترون،اتصالات،ميكانيك

في بغداد اشوكت مقابلاتهم ..اكو بعد مواعيد ما عالنيها لو شنو

munamoor
03-07-2011, 12:05 PM بتوقيت غرينيتش
هههههههه اني هم قدمت على شهادة الاعداديه اني هم اداب
بس شمرت شهادة الاداب وقدمت على الاعداديه بس سالوني بالمقابله
مخلص كليه يعني لو لا
كلت اي بس شسوي مجبور عفتها
وان شاء الله التوفيق
الحمد لله همزين ما رحت للمقابلة لان اسمي ما موجود ضمن المرشحين بعد ما ادري شنسويلهم مو عندي خبرة صار 8 سنين وقدمت على الاعدادية وما مرشحيني
انا لله وانا اليه راجعون

ماستر الهندسة
03-07-2011, 12:22 PM بتوقيت غرينيتش
اخوية العزيز اني طلعت 2 ع الكلية مو بس ع القسم هندسة مدني بسنه 2007 من سنتنا طلع قرار انه فقط الاول ع الكلية حصرا هو الي يتعين لاغيررر

اياد العراقي
03-07-2011, 12:31 PM بتوقيت غرينيتش
اختي ممكن اتوضحين اكثر شنو نوع الاسئله وهل اسئلة عامة لو عل اختصاص
وشكرا مقدما

douaa
03-07-2011, 12:57 PM بتوقيت غرينيتش
اخويه الاسئله تخص البرامجيات اكثر شي يعني يسألوك شنو اللغات وعلى اي لغه انتي مشتغل يعني يريدون ممبرمج مضبوط وحتى لا ورد ولا اكسل يسألون عليه يكولون هاي سهله يسألون باللغات وانظمه جديده والاسئله مالتهم جماعة الحاسبات معرفو يجابون عليها احنه شويه اساهلو ويانه لان موختصاصنه حاسبات واسفه عالاطاله وانشاءالله الموفقيه للجميع


اختي ممكن اتوضحين اكثر شنو نوع الاسئله وهل اسئلة عامة لو عل اختصاص
وشكرا مقدما

lawyer
03-07-2011, 01:09 PM بتوقيت غرينيتش
جانت اللجنة مكونة من اربع اشخاص 3 نسوان والمدير رجال وسالوني عن قانون التجارة اذا تتذكره اخذناه بلمرحلة الثالثة مرية سالتني اذا انته موظف بلمصرف واني ردت احجز على راتبك يصير كلتلها اي فكالتلي شكد النسبة وسالتني شنو الحساب المكشوف وشنو يعني مكشوف وسالتني شنو العلاقة بين المصرف واليخلي بي الفلوس عرفتها تكلي ماريد تعريف والمدير يكول العلاقة القانونية قصدها يعني حتى اسئلتهم مو واضحة وسالني المدير بلمرافعات كلي شنو طرق الطعن بلدعوى وسالني عرف الدعوى الحادثة والدعوى المتقابلة وسالني عندك هوية مات النقابة وعندك ممارسة بلمحاماة لو لا وليش لا جان انحسبتلك خبرة علساس هو قابلني وحيعيني كبل والثنين البقية مسالوني شي كالو ماعدنه اسئلة يعني ملخص الحجي سالوني عن المرافعات والتجاري واكو ناس سالوهم بلاثبات باعتبارها وية المرافعات وكلتلهم اني ناسي مااتذكر لان الاسئلة السئلوها مو مات مقابلة عبالك امتحان حتى مكالولنه ولا ناطينه مواد نراجعها اليروح يقابل يكول حيسالوني شكم سؤال علقانون بشكل عام مو هيجي اسئلة ترى صعبة مو مات واحد ممراجع احنه نكول الله ويانة هو اليرزق وهو واسطتنه وتحياتي للكل

purpleflower
03-07-2011, 04:45 PM بتوقيت غرينيتش
مساء الخير اليوم كانت المقابلات عالحظ اكو ناس انسالت اسالة بااختصاصهم عالا اسانو كان مشرعكس احنة عدنة خبرة وناس شنو اسمك واختصاصك وشنو مشروعك وسنة تخرجك والله وياك فكلمن وحظة والموفقية للجميع ان شاء الله المصرف صاير بشارع حيفا

computer engineer
03-07-2011, 04:55 PM بتوقيت غرينيتش
هاي انتم وببغداد وحبابيين وهكذ
لكن بالموصل اش ديعملون بينا ؟؟
كل حجرة اقوى من الخ
شكلها طايرة الوظيفة من هسه
ع الله

ثائر الشمري
03-07-2011, 05:12 PM بتوقيت غرينيتش
اخوان منو عنده علم اختصاص دبلوم تكنولوجيا (كھرباء،الكترون،اتصالات،ميكانيك

في بغداد اشوكت مقابلاتهم ..اكو بعد مواعيد ما عالنيها لو شنو

darklove
03-07-2011, 05:16 PM بتوقيت غرينيتش
aشباب بيش لساعة رحتو للمقابلة واكو زدحام لو لاوشوكت يبدون يقابلون على لتسلسل لو بكيفهم

عباس السهلاني
03-07-2011, 05:19 PM بتوقيت غرينيتش
السلام عليكم // رجاءا من اطبع استمارة مصرف الرشيد جاي يطلعلي لا يمكن الاستعلام معناها انو اني راح تتاجل مقابلتي او مراح اقابل اصلا طبعا هاي الاستمارة بموقع المصرف المذكور ولكم جزيل الشكر والاحترام

يالدز
03-07-2011, 06:08 PM بتوقيت غرينيتش
استاذ عباس اعتقد هذا الغلط صادف هوايه من المتقدمين وحاولو اكثرمن مره شوف مكتب انترنت او غير حاسبه وحاول مره ثانيه تره هذا الغلط ماله علاقه بالمقابلات تاكد مره ثانيه
وشكرا

ghass400
03-07-2011, 06:48 PM بتوقيت غرينيتش
السلام عليكم
اخواني الاعزاء
اشكر كثيرا ً منكم هذه المبادرة العزيزة من خلال اطلاق منتداكم بشأن الوظائف الشاغرة ولكن لدي انتقاد على بعض الامور الاساسية
ان اطلاق الدرجات الوظيفية في مكان معين يجب متابعة الدرجات الوظيفية بعد المقابلة هل قبلت الاسماء ام لا
انا الاحظ ان هذا المنتدى فقط يطلق درجات وظيفية شاغرة في الوزارات او القطاع الخاص ولكن لاتوجد متابعة على هذه المواقع
فمثلا زوجتي واخي قدموا على الجامعة الاسلامية وقابلوا وقالوا لنا الجامعة الاسلامية اسماء المقبولين ستذاع على الانترنيت في بداية الشهرالسابع ولكن لم نرى اي نتيجة واخي قدم على الهيئة العامة للمياه الجوفية وقابل وقالوا له نفس الخبر ولكن من دون فائدة لم يذاع اي شيئ عن الهيئة العامة للمياه الجوفية على الانترنيت بشان نتائج المقبولين في المقابلة في بداية الشهرالسابع ونفس الشيئ بالنسبة لتربية الكرخ الاولى والثانية قدموا وقالوا القرعة ستكون في الشهر السابع ولكن من دون نتيجة ارجو تعليق على هذه الاخبار
اذا كان هذا المنتدى يعود الى جهة حكومية او اهلية اريد تعليق على كل هذا الصراحة شبابنا اصبحت لديهم احباطات كثيرة واذا كان هذا المنتدى لا يعود الى اي جهة حكومية فارشدونا الى منتدى تعود ادارته الى جهة حكومية لكي نشكي حالنا يا اخوان والله ( لقد بزعت ارواحنا من هذا الحال يا اخوان ) وبالعامية ( طكت روحنا ) في العالم الغربي الذي ندعي انه من غير دين الانسان عندهم محترم ويحترمونه ويوفرون له العمل ولكن في عراقنا العظيم لايوجد اي احترام للانسان وخير دليل على ذلك الكهرباء واي خدمات اخرى متعثرة لاتلبي حاجة المواطن اريد جواب سريع يا اخوان وارجو المساعدة مع الشكر الجزيل

قمر بغداد_1
03-07-2011, 07:00 PM بتوقيت غرينيتش
أخوان ممكن أحد يعرف شوكت مقابلات الجامعه المستنصريه قسم محاسبه همه كالو من 3-7الى 7-7 للعلوم الأنسانيه بس جماعه المحاسبه الهم يوم محدد لو عادي اي يوم

مهند منعم
03-07-2011, 07:21 PM بتوقيت غرينيتش
السلام عليكم
ممكن اعرف وزارة الاتصالات رح تعين الخريجين لو تغلس عل موضوع

slwan
03-07-2011, 07:38 PM بتوقيت غرينيتش
اخويه العزيز اني هم نفس اختصاصك- بس الظاهر يبدون بالاداريين وبعدين يبلشون بالفنيين - والله كريم

love prince
03-07-2011, 07:52 PM بتوقيت غرينيتش
شكراً على الردود يعني بين قوسين على الحظ والله كريم...

اياد العراقي
03-07-2011, 08:10 PM بتوقيت غرينيتش
اخويه الاسئله تخص البرامجيات اكثر شي يعني يسألوك شنو اللغات وعلى اي لغه انتي مشتغل يعني يريدون ممبرمج مضبوط وحتى لا ورد ولا اكسل يسألون عليه يكولون هاي سهله يسألون باللغات وانظمه جديده والاسئله مالتهم جماعة الحاسبات معرفو يجابون عليها احنه شويه اساهلو ويانه لان موختصاصنه حاسبات واسفه عالاطاله وانشاءالله الموفقيه للجميع

شكرا اختي وبارك الله بيج وصلت الفكرة

douaa
03-07-2011, 08:12 PM بتوقيت غرينيتش
العفو اخويه العزيز

شكرا اختي وبارك الله بيج وصلت الفكرة

lawyer
03-07-2011, 08:14 PM بتوقيت غرينيتش
اكو ازدحام المقابلة من التسعة للوحدة ومو علاسماء ياخذون الفايل ويصيحون الاسم بعدين

douaa
03-07-2011, 08:18 PM بتوقيت غرينيتش
المقابله بدت تقريبا بالتسعه وحسب القائمه الي عدهم

aشباب بيش لساعة رحتو للمقابلة واكو زدحام لو لاوشوكت يبدون يقابلون على لتسلسل لو بكيفهم

بسام
03-07-2011, 08:39 PM بتوقيت غرينيتش
لعد احنا لازم نقرا اذا هيج الاسئله
شكرا للجميع عل معلومات
الموفقيه للكل انشاءالله

نجمةالمساء
03-07-2011, 09:28 PM بتوقيت غرينيتش
السلام عليكم اخواني واخواتي الاعزاء شكرا للصاحب الفكرة للموضوع اني حقابل بعد كم يوم وائيست واني حاسبات يعني حيسوني فلم اوليييييييييييييي والله من داقرة ردودكم كلت مااروح احسن اوف بس عندي سؤال للكل من ايعنون الوزراء هم طلبوا منهم سنوات خبرة لوبس علينة كادرين والي ديسولنة المقابلة ياترى من اتعينوا هم رادوا منهم سنوات خبرة اذا الدولة متتبنى الخريج وسويلة خبرة الواحد وين ايروح الله اكبر انخلي عينة ابعين الله وهو ارحم الراحمين ولو نقدم تعين وزراء يمكن نتعين لئن بلا خبرة والحليم تكفية الاشارة تحياتي للجميع

بسام
03-07-2011, 10:04 PM بتوقيت غرينيتش
يمكن تغلس الوزاره

عباس ألقاضي
04-07-2011, 05:57 AM بتوقيت غرينيتش
اخوان ألاخبار ألموجودة في هذا ألمنتدى من ألاعضاء وليس من مصدر رسمي حيث يقوم ألعضو بنقل ألاخبار من ألمواقع وأي شئ جديد لازم ينزل في ألمنتدى بلنسبة لتعينات ألجامعة ألاسلامية في ألموقع ألرسمي لهم لايوجد شي أما ألمياه ألجوفية فتتأخر يعني صارت مقابلات في أحد تشكيلات وزارة ألموارد ألمائية في ألشهر ألواحد وألى حد ألان لايوجد شي

وسن تركي
04-07-2011, 07:01 AM بتوقيت غرينيتش
:iraqi:ممكن نعرف طلعت الاسماء للمقبولين بجامعة بغداد لو لا؟ وبالنسبة للتربية اشو صنطة بالنسبة للكرخ الاولى (القرعة) ؟!

وسن تركي
04-07-2011, 07:02 AM بتوقيت غرينيتش
وبالنسبة لمصرف الرشيد اني قابلت وكانت الاسئلة من ضمن اختصاصي باللغة الانكليزية وسألوني يا كلية ومنو الاساتذة اللي درسوكم وشنو الروايات اللي درستوهه ويا سنة تخرجت وكالولي اتكلم عن نفسي بالانكليزي وبعدين سالوني اعرف حاسبة وعندي شهادات خبرة بالاماكن اللي عملت بيهه وهاهيه وسالوني ليش وثيقتي باللغة الانكليزية واحنا نريدهه بالعربي وكالوا تابعي الموقع والله كريم.

علاء الموسوي
04-07-2011, 07:52 AM بتوقيت غرينيتش
من لديه معلومات تخص الاستخبارات العسكرية

ثائر الشمري
04-07-2011, 08:27 AM بتوقيت غرينيتش
شكرا سلوان انشاء الله خير

يونس العامري
04-07-2011, 09:20 AM بتوقيت غرينيتش
السلام عليكم
اخوان اني اليوم كنت بكلية الادارة والاقتصاد - المستنصرية والواقعة في منطقة الطالبية والحمد لله قابلت لان اني خريج ادارة اعمال اما المحاسبة فحسب الاعلان الموجود في الكلية مقابلتهم يوم الاربعاء 6/7/2011 وبالتوفيق للجميع ان شاء الله
واحب اكوللكم ان الاعلان اللي قريته كالاتي
الاحصاء يوم الاحد 3/7/2011
ادارة الاعمال يوم الاثنين والثلاثاء 4-5/7/2011
المحاسبة يوم الاربعاء 6/7/2011
السياحة +التقنية+المتأخرين يوم الخميس 7/7/2011
وبالتوفيق للجميع ان شاء الله

الطيب
04-07-2011, 09:28 AM بتوقيت غرينيتش
الله يساعدك اخوية يونس شلونك

احمد البغدادي
04-07-2011, 09:40 AM بتوقيت غرينيتش
من لديه معلومات تخص الاستخبارات العسكرية

اخوية العزيز الاستخبارات العسكرية قامت بالاتصال بالمقبولين في يوم الخميس والجمعة على انه سوف يكون الالتحاق وتسويقهم يوم السبت والاحد الماضي وكملت الاعداد والتحقو بمعسكر العدالة يعني انتهت والله كريم والتوفيق من رب العالمين

الطيب
04-07-2011, 09:44 AM بتوقيت غرينيتش
السلام عليكم اخت وسن
بالبداية بالتوفيق ان شاء الله بالتعيينات ان شاء الله
طبعا اني كنت موجود في مقابلات مصرف الرشيد فرع الوثبة وكانت مقابلتك قبلي و اني قابلت قبلج
بس اكو شغلة هناتين ... وين ما اروح الكيج كدامي يعني جامعة بغداد انتي هماتين مقدمة وين ما اروح وراي ههههههههههههههههه

على العموم ماكو معلومات حاليا بخصوص جامعة بغداد جاي انتابع الموقع و الله كريم

بالتوفيق ان شاء الله للجميع
اخوكم الطيب

بسام
04-07-2011, 10:21 AM بتوقيت غرينيتش
العفو اختي نجمه بس ردت اكول فد سالفه ابن عم العميد مال كليتنا(كليه الهندسه)جاب ابن اخو عينه عل حاسبه وهو خريج فنون جميله::::
لمن سالو كالوله شجاب هندسه الحاسبات عل فنون الجميله كال مو هو يفتهم بالحاسبه؟؟؟؟؟؟
يعني الدوله اتعين باليفتهم
الله كريم ..الله احسن الكل

وسن تركي
04-07-2011, 11:20 AM بتوقيت غرينيتش
اخي الطيب الكريم وعليكم السلام بس اذا اني مقدمة لجامعة بغداد انته ليش مقدم؟ غير حتى بلكي تنصح ويانه وحدة من التعيينات عسى ولعل.بس بالنسبة لمصرف الرشيد اني ما شفت حضرتك لأن اني كنت بأول وجبة تدخل تقابل وين تكول قبلي؟على العموم بالتوفيق ان شاء الله التعيين .أما سؤالى لجامعة بغداد فلصديقتي مو إلي لأن آني ما خالتهه ببالي ولا إلي أصلا.وبعدين شلون مقابلتك قبلي واني قبلك.ههههه وانته شسمك اصلا علي لو محمد؟؟؟؟

قمر بغداد_1
04-07-2011, 12:12 PM بتوقيت غرينيتش
شكرا اخ يونس ورحمه الله والديك على الرد

zizo
04-07-2011, 02:14 PM بتوقيت غرينيتش
مساء الخير ممكن اعرف منو عندة خبر اشوكت مقابلات وزارة مالية في بغداد دائرة عقارات الدولة اني خابرتهم الخميس كلولي بعد ماكو شي ممكن اعرف ادا احد راح وشكرا

احمد جباري
04-07-2011, 04:11 PM بتوقيت غرينيتش
حبيبي تعينات الاستخبارات العسكرية مثل ما قال اخي احمد البغدادي اتصلو على المتقدمين وتم اسدعائهم في معسكر العدالة في الكاظمية وقسموهم شى على معسكر التاجي وشى على معسكر النعمانية وهذا الكلام من يوم السبت الماضي واتمى للجميع الموفقية

احمد جباري
04-07-2011, 04:23 PM بتوقيت غرينيتش
زين اشلمنة عرفت انو اسمك في فرع الطالبية

فله
04-07-2011, 05:02 PM بتوقيت غرينيتش
السلام عليكم

مرحبا اخوان .... اني عندي استفسار بخصوص وظيفة فاحص نقد في بغداد

قدمت عليها وطبعت الاستمارة بس بجدول المقابلات غير موجوة

بالمحافظات الاخرى موجودة بس بغداد ماكو

اذا ممكن اريد اعرف لغوها ولا غيروها ولا وين صارت

ياريت اللي عنده علم بهذا الخصوص ويكدر يفيدنا ما يبخل علينا بمعلوماته

جزاكم الله خيرا

ماستر الهندسة
04-07-2011, 05:31 PM بتوقيت غرينيتش
لا اخوية ان شاء الله ما لغوها انتضر التحديث للموقع

لملم
04-07-2011, 06:02 PM بتوقيت غرينيتش
شكرا اخي وتسلم لان رديت عليه

BLaCK GHoST
04-07-2011, 06:05 PM بتوقيت غرينيتش
اني اليوم رحت نفس الشي كلولي منعرف شوكت .. لازم يوميه تخابر .. بس هيه مبين الشغله كلاوات .. لان المقابله صلنه شهر نركض وراها لعد القبولات شوكت تطلع السنه الجايه يمكن هههههههههه

anas widad
04-07-2011, 06:50 PM بتوقيت غرينيتش
مساء الخير ممكن اعرف منو عندة خبر اشوكت مقابلات وزارة مالية في بغداد دائرة عقارات الدولة اني خابرتهم الخميس كلولي بعد ماكو شي ممكن اعرف ادا احد راح وشكرا
اخوااااااااااااااااااااااني الاعزاء اني مو كلتلكم الشغلة كلها كلالالالالالالالالالالالالالالالاوات × كلالالالالالالالالالالاوات .. لانه اكو واحد يشتغل هناك حلف لي ان اللي يريدوهم من جماعتهم عينوهم وهسة يداومون وراح يقبضون الراتب واحنا ايضحكون علينا اليوم او باجر .. اخواني اني من رحت وانطوني الرقم او كالو خابرنا عليه بس طلعت من يمهم شكيت الرقم او ذبيته بعد الحجي اللي سمعته من الولد اللي يشتغل اهناك.......حسبنا الله ونعم الوكيل على الظالمين.

ghass400
04-07-2011, 07:18 PM بتوقيت غرينيتش
السلام عليكم اخي العزيز
اشكرك كثيرا يا اخي العزيز لكن بالنسبة لتعيينات مديرية التربية الكرخ الاولى والثانية والثالثة ما هي اخبارها

mohammad1986
04-07-2011, 09:10 PM بتوقيت غرينيتش
السلام عليكم والله ملية وتورطة رحةهندسه كهرباء لحد هس مجتي وضيفه وكل مقدم مجاي تصير واني الاول على قسمي هههههههههه والرابع على الكليه مو مهزله

محمد ضياء علي الشمري
04-07-2011, 09:17 PM بتوقيت غرينيتش
اخوي الجواب الي قالو اخونا العزيز......وانشالله الموفقية والخير

سبأ
04-07-2011, 09:33 PM بتوقيت غرينيتش
السلام عليكم ممكن نعرف اخر اخبار الهيئة العامة للكمارك اني قابلت بس ما نعرفشكوت تطلع الاسماء... ياريت اذا اكو احد عنده معلومه بخصوص هذا الموضوع يجاوبنا ... مع جزيل الشكر

عمري انت
05-07-2011, 12:06 AM بتوقيت غرينيتش
شباب محتاج اعرف متى تعلن مواعيد مقابلات وزارة الزراعة

انا مقدم على محافظة نينوى اللي يعرف اي شي خلي يكتب اي معلومة تفيدنا

علي ساكار
05-07-2011, 02:03 AM بتوقيت غرينيتش
اعلنت وزارة المالية عن اسماء المرشحين للتعيين في وزاراتها .هذه الجملة شوكت راح نسمعها شو صارت سكته يالفته

الطيب
05-07-2011, 03:56 AM بتوقيت غرينيتش
اخي الطيب الكريم وعليكم السلام بس اذا اني مقدمة لجامعة بغداد انته ليش مقدم؟ غير حتى بلكي تنصح ويانه وحدة من التعيينات عسى ولعل.بس بالنسبة لمصرف الرشيد اني ما شفت حضرتك لأن اني كنت بأول وجبة تدخل تقابل وين تكول قبلي؟على العموم بالتوفيق ان شاء الله التعيين .أما سؤالى لجامعة بغداد فلصديقتي مو إلي لأن آني ما خالتهه ببالي ولا إلي أصلا.وبعدين شلون مقابلتك قبلي واني قبلك.ههههه وانته شسمك اصلا علي لو محمد؟؟؟؟


اسمج مرفوض في تعيينات امانة بغداد مكتب المفتش العام / السبب التقديم قبل موعد اعلان التعيينات

و هماتين وين ما اروح كدامي هههههههههههههههههههه اتصور شكو تعيينات احنة مقدمين عليهة اني وياج و موفقة ان شاء الله
اخوكم مالك (( الطيب )) و شكرا

ula
05-07-2011, 05:10 AM بتوقيت غرينيتش
ههههههههههه لا مو انته الظاهر متدري وزاره الماليه اصلا مراح تعلن لان لغت الدرجات الوظيفيه شفت الهنا الي احنه بيه

tark
05-07-2011, 05:33 AM بتوقيت غرينيتش
والله فرحت كلت الحمد لله لكينا شي
بس يافرحة ما تمتش ..........حلوه النكته هذي .......ضحكتونا من الصبح ههههههههه

ميلو سات
05-07-2011, 05:47 AM بتوقيت غرينيتش
اخوان وزارة المالية ما الغت التعيينات ..بس وزعتها على دوائر تابعة للوزارة مثل الهيئة العامة للضرائب ومصرف الرشيد والهيئة العامة للمنطقة الحرة ...

احمد يعرب
05-07-2011, 08:54 AM بتوقيت غرينيتش
السلام عليكم
شلون الشباب ان شاء الله بخير
شكرا على المعلومات
لكن عندي سؤال
هل تعرفون عدد المقبولين في يوم السبت والاحد الذين التحقو بالدوره ؟
:iraqi: اتمنى منكم الرد على السؤال :iraqi:

احمد يعرب
05-07-2011, 09:11 AM بتوقيت غرينيتش
السلام عليكم
شلون الشباب ان شاء الله بخير
عندي سؤال في شأن المقبولين في الدوره
س\كم عدد المقبولين في دورة السبت والاحد ؟
س\كم عدد الوجبات التي ذهبت للدورة في يوم السبت والاحد ؟
اني قابلت في معسكر العداله والفحص الطبي واخيرا ذهبت الى الحاسبه وسجلو اسمي اني خريج اعداديه وكان رقم الوجبه مالتي 49
ارجو اعلامي بارقام الوجبات التي قابلو وحتى الذين لم يقابلوعلمود نتبادل المعلومات ونعرف شوكت يجي دورنه
واي واحد عنده معلومات اكثر اتمنى ان يضيفها
:iraqi: اتمنى من الشباب الرد على الاسئله لافادة الجميع :iraqi:
3531

علاء الموسوي
05-07-2011, 09:39 AM بتوقيت غرينيتش
بعد التحاق الوجبة الاولى من المقبولين في الاستخبارات العسكرية لعدد محدود والباقي لم يعرف مصيره قمت بالاتصال بنفس الرقم الذي استدعاني الى الحضور من اجل اجراء الفحص وسألته عن حال الذين لم يتم الاتصال بهم ليوم الخميس والجمعة واخبرني بأن الذين تم الاتصال به هم الوجبة الاولى وان الوجبة الثانية سوف يتم الاتصال بهم والتحاقهم في الايام المقبلة وقال بما يقارب الشهر او (15 يوم ) .
ووفق الله الجميع وحفظ الله شبابنا

الغدير
05-07-2011, 10:37 AM بتوقيت غرينيتش
منو عنده خبر عن شركة خطوط الانابيب النفطية لان تعبت من الروحه والجية وماكو خبر

الوردة البيضاء5
05-07-2011, 11:25 AM بتوقيت غرينيتش
السلام عليكم ورحمة الله وبركاته بس اريد اعرف مقابلات المهندسين بالنسبة لمصرف الرشيد وين صايرة بناية فرع الكرخ وايضا م.ملاحظ وين صايرة بناية فرع الوثبة واريد اعرف شصار من الهيئة العراقية للحاسبات اكو شي خبر جديد والجامعة الاسلامية
مع الشكر

الطيب
05-07-2011, 11:27 AM بتوقيت غرينيتش
عيني الوردة البضاء اني اعرف بس م . ملاحظ الباب الشرقي ساحة الوثبة شارع حافظ القاضي قبل الجسر

بسام
05-07-2011, 11:35 AM بتوقيت غرينيتش
يمعودين اني صدكت ودخلت كبل
بس طلع بوري مثل بواري الحكومه
تحياتي للجميع

tark
05-07-2011, 11:58 AM بتوقيت غرينيتش
اني ايضا مقاباتي بناية فرع الكرخ الخميس ....عرفت مكان المصرف في شارع حيفا قرب مجمع هيئة السياحة .........هذا الي عرفته .....

computer engineer
05-07-2011, 12:25 PM بتوقيت غرينيتش
هيئة كمارك المنطقة الشمالية طلعت الاسماء

سامح البلداوي
05-07-2011, 12:34 PM بتوقيت غرينيتش
وعليكم السلام ورحمة الله وبركاته

مقابلات المهندسين ابشارع حيفاا مثل ماقال الاخ طارق قرب مجمع هيئة السياحه

واني باجر مقابلتي الاربعاء وانشالله انقللكم الخبر وادعولي بالتعيين

زين محد عنده فكره شنو الاسئله مال المهندسين وشيسئلوهم

ويارب الكل تتعين

تحياتي

حسام الامير
05-07-2011, 01:20 PM بتوقيت غرينيتش
الاخ نهاد الاصيل ممكن اعرف فرع الطالبية وين صاير بالضبط لان المقابلة مالتي هناك فدوة لعينك ولو زحمة عليك اخوي العزيز وتسلملي ياوردة

lolo love
05-07-2011, 01:40 PM بتوقيت غرينيتش
اخ حسام اني البارحه قابلت فرع الطالبيه صاير تروح من يم الموال باتجاة جسر الطالبيه
قبل الترفك تنزل اكو عمارة جديده عمارة الطاهر على ايدك اليسرة هو ايصير ابصفهه
عبارة عن بيت وداير مدايرة صبات

مصطفى المدريدي
05-07-2011, 01:45 PM بتوقيت غرينيتش
السلام عليكم اخوان بس ممكن سوال اني كانت مقابلتي يوم 4-7 بس لظرف خاص مرحت هل يعتبر سقط حقي بالمقابله

هاشم الكوردستاني
05-07-2011, 02:48 PM بتوقيت غرينيتش
لا عادي روح ايمشوك اخ مصطفى المدريدي اتوكل على اللة


بنسبة السامح البلداوي المقابلة صعبة ترة يسئلوك ضمن اختصاصك اسئلة صعبة غير متوقعة اطلاقا

محمد صباح
05-07-2011, 04:32 PM بتوقيت غرينيتش
السلام عليكم اخوان
بلا زحمة اذا احد يعرف اكلي اسماء المقبولين للتعيين في الجامعة المستنصرية وين اشوفها اشو بس مواعيد المقابلات والاسماء ماكو .. مع جزيل الشكر

نهاد الاصيل
05-07-2011, 04:37 PM بتوقيت غرينيتش
السلام عليكم

مرحبا اخوان .... اني عندي استفسار بخصوص وظيفة فاحص نقد في بغداد

قدمت عليها وطبعت الاستمارة بس بجدول المقابلات غير موجوة

بالمحافظات الاخرى موجودة بس بغداد ماكو

اذا ممكن اريد اعرف لغوها ولا غيروها ولا وين صارت

ياريت اللي عنده علم بهذا الخصوص ويكدر يفيدنا ما يبخل علينا بمعلوماته

جزاكم الله خيرا






مو فاحص النقد وامين صندوق نفس المصرف يقابلون
يخلصون ذوله الاول وبعدين على فاحص النقد
مع التحيه

عصام الامير
05-07-2011, 07:10 PM بتوقيت غرينيتش
السلام عليكم

اود ان استفسر عن مقابلات هيئة السدود والخزانات

اعتقد كان اليوم اول يوم بالمقابلات

فأذا احد راح قابل ممكن يزودنا بالمعلومات

تحياتي وتقديري

عصام الامير
05-07-2011, 07:20 PM بتوقيت غرينيتش
وعليكم السلام

اخي العزيز ماكو اسماء وانما المقابلات حسب الاختصاصات

اتشوف اختصاصك اشوكت وبأي مكان وتروح تقابل

تحياتي

نهاد الاصيل
05-07-2011, 08:07 PM بتوقيت غرينيتش
وعليكم السلام
اي والله رحنه اليوم
وشفنه كم عضو هناك بس ماكملوا كل المقابلات اجلونه للخميس يعني عكب باجر
انته تعال احسن يوم الخميس
بس شلعوا كلوبنه كل شويه صاعدين طابق الخامس ونازلي للارضي
واخر شي صارت ساعه 1 ونص كالوا على الخميس البقيه تقابل
شغلهم مخربط
وهم مو ثقه شغلتهم
يعني اكو مقابلات للجماعة الاجور اليوميه ذوله الهم الاوليه
واللتوفيق من عند الله
تحياتي الك

علي ساكار
05-07-2011, 10:10 PM بتوقيت غرينيتش
اخوان اسماء وزارة العلوم والتكنولوجيا وين صارت تحياتي للكل

عصام الامير
05-07-2011, 10:26 PM بتوقيت غرينيتش
الف شكر اخي العزيز

وان شاء الله الخميس اكون موجود

والموفقية للجميع

ahmed altememi
06-07-2011, 05:24 AM بتوقيت غرينيتش
وزارة العلوع والتكنولوجيا في الجادرية مجاور جامعة بغداد ونادي الفروسية والأسماء يكولون موجودة طالعة قبل كم يوم بس ماخذين الأوائل حسب ما يقولون

ahmed altememi
06-07-2011, 05:28 AM بتوقيت غرينيتش
http://www.radiodijla.com/forums/images/icons/justin.gif وزارة العلوم والتكنولوجيا


وزارة العلوم والتكنولوجيا في الجادرية مجاور جامعة بغداد تعلن عن الأسماء يكولون موجودة طالعة قبل كم يوم بس ماخذين الأوائل حسب ما يقولون والقوائم موجودة بالوزارة

tark
06-07-2011, 05:54 AM بتوقيت غرينيتش
مشكورين اخويه
لكن اذا احد يعرف الاسماء بلكت ينزلها ...

علاء الخزعلي
06-07-2011, 08:46 AM بتوقيت غرينيتش
انشاء الله الخميس اروح بلكي الكاكم هناك

دلع سمره
06-07-2011, 09:10 AM بتوقيت غرينيتش
اي والله ... اللي يعرف شي ياريت يكولنه ... اني مقدمه على بغداد هيئة التصحر

اكرم وين ... اذا تعرف شي كولنه حباااااااب

بسام
06-07-2011, 11:05 AM بتوقيت غرينيتش
والله ياريت احد يكدر انزل الاسماء المقبوله بوزاره العلوم والتكنلوجيا او هم اسماء الي طالعه المقابله مالتهم بوزاره التخطيط ينشرها اهنا بالمنتدى
لان احنا مو من بغداد الي ينشرها راح اسوي فضل كبير
وتحياتي للجميع

اسامه عبدالكريم
06-07-2011, 11:31 AM بتوقيت غرينيتش
http://www.uotechnology.edu.iq/
شباب هذا الموقع الي طلعت الاسماء المقبولين مع التحيات اخوكم

اسامه عبدالكريم
06-07-2011, 11:34 AM بتوقيت غرينيتش
اي والله الي يعرف شي يكتب مشكورين على الجهود

نهاد الاصيل
06-07-2011, 01:42 PM بتوقيت غرينيتش
تحية طيبة اخواني و اخواتي الاعزاء
قد قمت بمراسلة وزارة الزراعه للاستفسار عن موعد اعلان عن مواعيد المقابلات الخاصة بالتعيين و كان ردهم التالي:
تحية طيبة ...
يتم حالياً تهيئة البيانات في استمارات طلبات التعيين ودراستها وسيتم
اعلان النتائج على الموقع الالكتروني لوزارة الزراعة .
مع التقديـــــــــــــــــر.........
مدير قسم الحاسبة الالكترونية
المصدر صفحة برنامج فرصة عمل

الغدير
06-07-2011, 06:12 PM بتوقيت غرينيتش
هذا موقع الجامعة التكنولوجية

محمدد
06-07-2011, 08:30 PM بتوقيت غرينيتش
استاذ نهاد بارك الله بجهودك الطيبة في المنتدى واود ان اسالك بخصوص الذين قدموا على مصرف الرشيد بدرجة م.مهندس في محافظة ديالى اين سيكون مكان مقابلتهم بالضبط وتحياتي لك

meme_nunu
06-07-2011, 09:03 PM بتوقيت غرينيتش
المقبولين بالوزارة تم تبليغهم بواسطة الهاتف وهسة هم باشروا دوام اني رحت البارحة واستفسرت منهم

نهاد الاصيل
06-07-2011, 09:12 PM بتوقيت غرينيتش
(بغداد- ديالى)
م. مهندس - مهندس - فني
العنوان: مصرف الرشيد /بناية فرع الكرخ

سامح البلداوي
06-07-2011, 09:26 PM بتوقيت غرينيتش
ممكن يااخت ميمي نونو توظحيلنه من رحتي بالظبط شكالولج يعني ماكو بعد اسماء او قوائم مثل مصرح برنامج فرصة عمل هايهيه خلصت التعينات

محمدد
06-07-2011, 10:45 PM بتوقيت غرينيتش
استاذ نهاد بناية فرع الكرخ وين صايرة بالضبط ؟؟

SAIF ALI
07-07-2011, 04:36 AM بتوقيت غرينيتش
السلام عليكم
عندي استفسار بخصوص مكان مصرف الرشيد /بناية فرع الطالبية أين يقع بالمضبوط
اريد العنوان بالكامل اخواني الاعزاء لاني لااعرف اين يقع مكان هذا الفرع لمصرف الرشيد
وهل أحد منكم ذهب الى مقابلة م.مبرمج وماهو نوع المقابلة وكيف كانت اريد تفاصل كامل اخواني ولكم جزيل الشكر ...

(بغداد-ديالى)
م. مبرمج - مسجل بيانات

العنوان : مصرف الرشيد /بناية فرع الطالبية

تم اعلان اسماء الذين قامو بطباعة استماراتهم على الورق الى تاريخ 21-6-2011

لذا نرجو من بقية المواطنين طباعة استماراتهم لكي يتم ادراجهم ضمن جدول المقابلات

أرجو الرد السريع لان موعد المقابلات قريبا ...

lolo love
07-07-2011, 08:21 AM بتوقيت غرينيتش
اخ سيف اني ا قابلت فرع الطالبيه صاير تروح من يم الموال باتجاة جسر الطالبيه
قبل الترفك تنزل اكو عمارة جديده عمارة الطاهر على ايدك اليسرة هو ايصير ابصفهه
عبارة عن بيت وداير مدايرة صبات

احمد يعرب
07-07-2011, 09:58 AM بتوقيت غرينيتش
السلام عليكم
شلون الشباب ان شاء الله بخير
عندي سؤال في شأن المقبولين في الدوره
س\كم عدد المقبولين في دورة السبت والاحد ؟
س\كم عدد الوجبات التي ذهبت للدورة في يوم السبت والاحد ؟
اني قابلت في معسكر العداله والفحص الطبي واخيرا ذهبت الى الحاسبه وسجلو اسمي اني خريج اعداديه وكان رقم الوجبه مالتي 49
ارجو اعلامي بارقام الوجبات التي قابلو وحتى الذين لم يقابلوعلمود نتبادل المعلومات ونعرف شوكت يجي دورنه
واي واحد عنده معلومات اكثر اتمنى ان يضيفها
:iraqi: اتمنى من الشباب الرد على الاسئله لافادة الجميع :iraqi:

احمد يعرب
07-07-2011, 10:08 AM بتوقيت غرينيتش
بعد التحاق الوجبة الاولى من المقبولين في الاستخبارات العسكرية لعدد محدود والباقي لم يعرف مصيره قمت بالاتصال بنفس الرقم الذي استدعاني الى الحضور من اجل اجراء الفحص وسألته عن حال الذين لم يتم الاتصال بهم ليوم الخميس والجمعة واخبرني بأن الذين تم الاتصال به هم الوجبة الاولى وان الوجبة الثانية سوف يتم الاتصال بهم والتحاقهم في الايام المقبلة وقال بما يقارب الشهر او (15 يوم ) .
ووفق الله الجميع وحفظ الله شبابنا
شكرا اخويه على المعلومات بس اريد اعرف الوجبات الي التحقت للدوره

محمد ضياء علي الشمري
07-07-2011, 11:06 AM بتوقيت غرينيتش
مساكم الله بالخيرات والمسرات وتحياتي وشكرا للجهود وبارك الله بيكم

سامح البلداوي
07-07-2011, 11:52 AM بتوقيت غرينيتش
اخويه العزيز .....

بناية فرع الكرخ صايره بشارع حيفا ...

اذا انته جاي من ديالى تاخذ تكسي وتكله لشارع حيفا عبرت جسر الرصافي وتمشي وراها تقريبا 100 متر بعدين تنزل وتاخذ على اليسره لين ممنوع تدخل السيارات تتمشى اقل من 5 دقايق واي واحد تسئله راح يدليك ومقابله كلش سهله لتخاف ميسئلوك اسئله صعبه ولو اني مجاوبتهااا بس كلهااا ضمن الاختصاص مالتك وعلى مشروع التخرج شنو كان وشلون اشتغلته وششتغلت قبل واصلا اللجنة فد مريحين وسبورتيه ويصنفون يعني صح اني مجاوبت على الاسئله مالتهم بس طلعت متفائل ويارب يصير كل الخير تحياتي

سامح المهندس

نجمةالمساء
07-07-2011, 11:57 AM بتوقيت غرينيتش
السلام عليكم اخ سيف بالنسبة للمقابلة فهية عبارة عن امتحان شفهي والله مو هينة وكانت اللجنة تتكون من 3 نساء ونصيحة اخي روح من وكت معليك من ايكلون المقابلة ب9 لا بدت ب8وربع ونادوا ع الاسماء والارقام الي ضهرت ابجداول المقابلة والي كان مامجود دخلوا الي بعدة يعني احفظ تسلسلك وحضر جميع المستميكات ابفايل اما بالنسبة للااسئلة احد الاسئلة كان عندك اقارب بلمصرف هذا اول سؤال اما الباقي بالاختصاص وهواي اسئلة من الاكسل والاكسزز وداتة بيس الى مشروع التخرج ادكولك احجلي عنة وتبدي وياك واحد الاسئلة اذكرلي لغات البرمجة الي درستة وكلة اتصب بالاختصاص واذا كنت تذكر ايكون افضل واني من سوء حضي سئلتني ابمادت الملتي ميدية الي اتخص ابروتوكلات الانترنيت من المصطلاحات الاتصال مخلت شي يعتب عليه والباقي التوفيق ع رب العالمين وارجوا ان تكون استفاديت من ردي وتقبل مروري اختك نجمة المساء

ابو عمار القاسمي
07-07-2011, 01:25 PM بتوقيت غرينيتش
السلام عليكم
شكرل للاعضاء
هذه الجهود القيمة

ابو عمار القاسمي
07-07-2011, 01:42 PM بتوقيت غرينيتش
الله كريم اخوان
ولاتقنطو من رحمة الله

حسنين
07-07-2011, 06:38 PM بتوقيت غرينيتش
شباب احد عنده علم على العناوين الوظيفيه الي يردوه ..لان اكو احتمال تروح تقابل وميردون اختصاصك...بالنسبة للكوت احنه مقابلتنه يوم الثلاثاء 13/7 والعنوان الوظيفي مالتي هو م.مهندس حاسبات بس خاف اروح للحلة وميردون مهندسين بالكوت الي عنده اي تحديث اكون جدا ممنون اذا ينورني!!!!!!!!!!