المساعد الشخصي الرقمي

مشاهدة النسخة كاملة : فتح التطوع الى وزارة الدفـــــاع العراقيــــة / جهاز الاستخبـــــــارات



AKRM.SPAIN
26-04-2011, 09:40 AM بتوقيت غرينيتش
بسم اللة الرحمن الرحيم
الحمد للة رب العالمين والصلاة والسلام على سيدنا محمد وال سيدنا محمد
السلام عليكم ورحمة اللة وبركاتة

تدعو وزارة الدفاع العراقية الشباب العراقي الواعي من خريجي الكليات والمعاهد والدراسة الإعدادية والراغب في خدمة وطنه وشعبه إلى التطوع في صفوف القوات المسلحة وعلى صنف الاستخبارات العسكرية



شروط التطوع
1. أن يكون عراقي الجنسية ومن أب عراقي وأم عراقية.
2. أن لا يقل عمر المتطوع عن 18 سنة ولا يزيد عن 30 سنة.
3. أن يكون قويم الأخلاق وحسن السمعة والسلوك ولا شائبة في إخلاصه وولائه للشعب والوطن والجيش.
4. أن يكون مستوفيا لشروط اللياقة البدنية والسلامة الصحية.
5. أن يكون متخرجا من إحدى الكليات أو المعاهد أو الدراسة الإعدادية.
6. أن لا يقل طوله عن (165سم) ولا يقل وزنه عن (40 كغم.
7. أن لا يكون من المطرودين أو المخربين أو المتسربين من الجيش الحالي.
8. أن لا يكون محكوم عليه بجنحة أو جناية مخلة بالشرف.
9. وعلى من تنطبق عليه الشروط أعلاه مراجعة موقع وزارة الدفاع (mod.mil.iq) لإملاء استمارة التطوع وإرسالها مع المستمسكات الخاصة به وهي:
(شهادة الجنسية – هوية الأحوال المدنية – بطاقة السكن – البطاقة التموينية – رقم الهاتف) مصورة ملونة
شهادة التخرج مصدقة من وزارة التعليم العالي والبحث العلمي ووزارة التربية.
على البريد الالكتروني ( iraqabn6@gmail.com ) وسيتم نشر الأسماء وموعد المقابلة والفحص الطبي في موقع الوزارة أعلاه.

الاستمارة (http://www.mod.mil.iq/news/2011/4/24/5.doc)

AKRM.SPAIN
26-04-2011, 10:38 AM بتوقيت غرينيتش
لاحظتوا الفقرة الموجودة في الاستمارة يريدون يعرفون المذهب
الناس وين وصلت وهذولة بعدهم على تخلفهم
كلنة مسلمين ولا فرق بين اعجمي وعربي الا بتقوى اللة
ولكن حسبي اللة ونعم الوكيل على كل من يفرق بين المسلمين

ula
26-04-2011, 11:58 AM بتوقيت غرينيتش
فوك النقطة الي اشرت عليها اخي اكرم هو تطووووووووووووع وفوكاها خالين شروط

صدك لو كالو هم ايضحك وهم ايبجي

THE ENGINEER
26-04-2011, 01:06 PM بتوقيت غرينيتش
ما اقدم على الجيش لو الشرطة لو اكعد بالبيت منا لمن اموت:sarcastic:

ghassan83
26-04-2011, 03:02 PM بتوقيت غرينيتش
والله بس المرايد روحه يروح للجيش يظل طول عمرة تحت رحمت الفاسدين واوامرهم جيش مايكدر يحمي نفسه ؟ شلون يحمس البلد

slwan
26-04-2011, 08:34 PM بتوقيت غرينيتش
لا مو بس هاي اني مشايف استمارة يريدون كل التفاصيل ومرايدين لا رقم هاتف ولا ايميال لعد شلون رح يتصلون بيك ؟؟ يمكن يجوك للبيت خخخخخخخخخخ

عباس ألقاضي
26-04-2011, 09:04 PM بتوقيت غرينيتش
وألله عيب عليهم من ذاكرين ألمذهب لعد هاي غير حكومية أذا ألتخندق ألطائفي موجود بوزارة ألدفاع ألتي من ألمفترض أن تمثل كل ألعراقيين وأن شاء ألله ياتي يوم ويخلص ألعراق من ألطائفين وألمفسدين (وعاش ألعراق واحد موحد)

AKRM.SPAIN
26-04-2011, 09:06 PM بتوقيت غرينيتش
لا اخي سلوان ظلمتهم في الفقرة 6 طالبين رقم الهاتف
واذا مدزة لهم يجوك للبيت والقرعة يسوها كدامك يعني التصفية في البيت هههههههههههههه
خاصة انهم رايدين المذهب يعني شغلتهم مرتبة

نهاد الاصيل
27-04-2011, 06:13 PM بتوقيت غرينيتش
شفت الاستماره ولعبت روحي منها
هم قوميه وهم مذهب وهم دين
زين مو يكولون الجميع متساويين بالحقوق والواجبات
يعني ماكو فرق بينهم
بس الي سوى هاي الاستماره مريض مرض اسمه التعصب الطائفي

طبعا هذا المرض ماله علاج بحاله وحده تلزمهم وتحركهم وتخلص منهم
ماكدر احجي بس شكول مستحيل يصير براسنه خير وتحكمنه هيج فئه نضرتها ضيقه الكل شي
والله يعين كل عراقي
الله كريم
تحياتي الك اخ اكرم شكرا على المجهود